plymouth state university in New Hampshire معلومات
بسم الله الرحمن الرحيم
أنا طالب في مدينة بليموث نيو هامبشير أدرس في معهد ElS .
المدينة صغيرة جداً وتبعد عن بوستن تقريبا ساعتين ونصف بالباص .
بس مميزات المدينة هذي ناس محترمين وفرندلي لأبعد درجة .
طبعاً أنا وزملائي الي معي نعتبر أول عرب في المدينة فايعني بالعامية طايريين فينا .
المعهد كويس المدرسين والستاف روعه .
هذي مثل ما يقلون نبذه أي أستفسار أي مساعدة أنا بالخدمة لا يردكم الا لسانك .
أخوكم / عبدالله .
رد: plymouth state university in New Hampshire معلومات
هلابك اخوي / عبدالله
من جد جيت طااااااااااااايره للموضوع
أنا جاني قبول بالمعهد اللي تبع الجامعه..
ودي اعرف كل المعلومااااااااااااااااااااااات عن المدينه والمعهد
والسكن وكل شي تتوقعه ابي اعرفه
ادري ابتعبك معاي بس من جد ودي احد يفيدني بأي معلومه
::
مسك
رد: plymouth state university in New Hampshire معلومات
السلام عليكم ورحمه الله وبركاته
بصراحه أنا سعيد جدا بوجود عرب في هالمدينه لأني طفشت من كثر ماأسأل ويوم يأست جانا الفرج الله يسعدك. مثل ماقالت الأخت مسك نبي نعرف كل شي عن هالمدينه من ناحيه السكن والمعهد والغلا والمحلات التجاريه وفيه مطاعم أكل حلال ويش اللبس اللي نحتاجه تحملنا وأنا أخوك أنشاءالله وصولي يوم 26 ديسمبر.الله يوفقك ياأخ عبدالله
رد: plymouth state university in New Hampshire معلومات
بسم الله الرحمن الرحيم
رداً على أختي مسك وأخوي
omouee
أول شي بتكلم بالبداية عن المدينة عموماً
المدينة صغيرة جداً فا إذا أنتو من سكان الرياض فمسحاتها تقارن بالدرعية أو أصغر.
عدد السكان ما يقارب 3000 الى 5000
بالنسبة للعرب في خمس سعوديين من ضمنهم أنا ثلاث معي من مبتعثين التأمينات الإجتماعية وواحد على حساب الحكومة والآخير على حسابه الخاص . طبعاً الحمد الله كلهم عيال ناس ومحترمين ومتعاومنين لأبعد درجة ولا هم راعين لف ودوران .
المدينة هادئة شعب حبوب خدوم محترم .
بالنسبة للسكن في المدينة هذي مافي خيارات كثير فبنسة لي أنا أسكن في مبنى أسمه ماري لاين الي فيه المعهد أسهلي وأقرب لي للمعهد درجتين ولا انا بالمعهد .
أنا ماخذ غرفة مشتركة مع واحد وأدفع 850$ في الشهر وأذا سكنت في الحرم الجامعي لازم تدفع تكاليف الاكل والي هي 250 $ وتشمل 60 وجبة في الشهر
المبنى الي أسكن فيه المشرفين حبوبين ومتعاونين معنا لأبعد درجة ويعني أنا لي 3 شهور وكونت صداقات خيالية .
أما بالنسبة السكن مع عائلة أتوقع نفس السعر بس حيكون بيت العائلة بعيد شوي عن الجامعة وفي الوقت هذا صعب المشي ز
لأن الجو باارد نصيحة إذا بتجوون جيبو معكم قد ما تقدرون ملابس تدفي وفرووة واذا قدرتو جيبولي معكم لأني تندمت ما جبت فروة هههههه .
بالنسبة للمحلات التجارية والمطاعم مثل ما قلتلكم المدينة صغيرة ومافي خيارات كثير فعندك أقرب شي للجامعة الي هو الشارع الرئيسي ويمكن فيه 6 مطاعم صب واي ومطاعم البيتزا الأمريكية .
بالنسبة للمعهد استفد منه كثير وتتطورت لغتي كثير جدا جدا لأن المدينة مدينة درااسة بحتة وطبعا متى ما بغيت أوسع صدري خذت الباص لبوستن . الي تكلفته 39$ روحة ورجعة ويروح باليوم مرتين ويرجع مرتين .
طبعاً هذا الي طلع معي أي أسئلة أو أستفسارات لا تستحون لأني صراحه أحب اساعد الناس لأني بيوم من الأيام كنت بموقفكم ولا لقيت أحد يعلمني فأنصدمت بأشياء كثير بس الحمد الله كل شي تساهيل وتكولوا على الله وبالنسبة للوصول للجامعة والترتيبات لا تخافون اول ما تعتمدون خلو بينا اتصال وابشروا بالي يسنع وضعكم من الى كل شي تساهيل .
رد: plymouth state university in New Hampshire معلومات
السلام عليكم ورحمه الله وبركاته
الله يجزاك بالخير بصراحه ماقصرت وضحت أمور كانت غايبه عن الأخوان والأخوات مثل الفروه لكن أبشربها ياخوك. أنشاء الله جاي في الأيام المقبله.لو أبسكن في الجامعه كم المجموع النهائي.بالنسبه لعيد الكريسمس كم الفتره.بالنسبع للمعهد كم ساعه الدوام
رد: plymouth state university in New Hampshire معلومات
اقتباس:
المشاركة الأصلية كتبت بواسطة omouee
السلام عليكم ورحمه الله وبركاته
الله يجزاك بالخير بصراحه ماقصرت وضحت أمور كانت غايبه عن الأخوان والأخوات مثل الفروه لكن أبشربها ياخوك. أنشاء الله جاي في الأيام المقبله.لو أبسكن في الجامعه كم المجموع النهائي.بالنسبه لعيد الكريسمس كم الفتره.بالنسبع للمعهد كم ساعه الدوام
وياك ما تقصر يخووي .
بالنسبة لفترة الكريميس ما عندا الى أجازتين الى هي 25 ديسمبر والنيويير داي الي هو 31 ديسمبر والايام الباقي دراسه
الدوام يبدا من الساعه 8 ونص الى الساعة 3 وخمس واربعين ويوم الجمعة الين الساعة 12 ونص .
أما المجوع للشهر الواحد 850$ للسكن 250$ للأكل بس بعض الاحيان تكون الكافيتريا مسكرة فياخذون عليك اقل للاكل على حسب الشهر بس سعر السكن ما يتغير .
رد: plymouth state university in New Hampshire معلومات
الله يبيض وجهك ماقصرت.من واشنطن كيف أوصل بلايموث.وياحبذا ل, تكتب لنا أيميل أورقم لكي سهوله التواصل وأكون لك من الشاكرين
رد: plymouth state university in New Hampshire معلومات
am-2005-am@hot
هذا ايميلي ويعني عشان تلقاني موجود احسب 8 ساعات قبل السعودية يعني على العصر عندي اكون على النت
وابشر بسعدك وانا اخووك
رد: plymouth state university in New Hampshire معلومات
يعطيك العافيه اخوي طمنتنا
طيب بالنسبة للجامعه انا قبولي بالمعهد اللي تبع الجامعه
els
شلون المعهد والجامعه شلونها..
ووين اقرب مكان اقدر اسكن فيه
يعطيك الف عافيه
رد: plymouth state university in New Hampshire معلومات
اقتباس:
المشاركة الأصلية كتبت بواسطة .."مسك"..
يعطيك العافيه اخوي طمنتنا
طيب بالنسبة للجامعه انا قبولي بالمعهد اللي تبع الجامعه
els
شلون المعهد والجامعه شلونها..
ووين اقرب مكان اقدر اسكن فيه
يعطيك الف عافيه
أنا أدرس بنفس المعهد . بالنسبة للسكن عندك ثلاث خيارات :
الخيار الأول : السكن بالحرم الجامعي والي عندي هو الأنسب والأسهل بهذا الوقت لأن المبنى الي أسكن فيه نفس المبنى الي فيه المعهد .
وبأيام البرد ما يحتاج انا البس يعني انزل بس واروح المعهد . وسعر السكن بالجامعة 850$ للغرفة المشتركة و 250$ للأكل وتشمل 60 وجبة لأنك إذا سكنت بالحرم الجامعي لازم تدفع للأكل إجباري والكافتيرا مو بطاله فيها جميع انواع الاكل يعني بوفيه مفتوح .
الخيار الثاني: السكن مع عائلة حلو بس مو في الشتا لأن أغلب العائلات بيوتهم بعيدة فتحتاج مشي والبرد صعب المشي خصوصا لبنت يعني . والسعر نفسة بس منتي مجبورة تدفعين الأكل هذا خيارك .
الخيار الثالث : سكن خارج الجامعة بشقق بس أتوقع هذا صعب شووي لأن تكونين بعيده عن الناس وكذا ومحد يساعدك يعني اتوقع الشقة تصلح بعد اللغة .
عبدالله .