الموضوع الشامل لولاية فلوريدا كل شي ...., جامعات , مدن , سكن , نقل , صور , ....

ان شاء الله انك قدها وقد الي احسن منها بعد وحنا تحت امرك بالي تحتاج له ولاتستحي كلنا اخوان وحنا مثلك سألنا لين تعلمنا .

ولد السلاطين ..



كل جامعات امريكا تطلب الامور الطبيه هذي .. يعني وسع صدرك ولاتستغرب اذا ماقبلوا بعض كشوفات التطعيم الي انت تجيبها وفرضوا عليك بعض التطعيمات .. لانهم جدا حريصين على هذي الامور خصوصا في منطقة اريزونا ان ماكنت غلطان ..


انا اتوقع السبب زي ماقلتلك يمكنها جديده في قائمة المصرح بها عند الملحقيه .. ولكن لامانع من انك تكون اول من يبدأ المشوار في هذي الجامعه وتعيين الي بيلحقونك .

معهد USF ممتاز من ناحية الدراسه الاكاديميه للغه الانجليزيه وعندهم اسلوب جيد بالتدريس والجامعه تعتبر اكبر جامعه في تامبا طبعا ونسمع انها ممتازه لكن الدراسه فيها يبيلها شدة حيل حسب ما ذكرت سابقا

اما معهد UT للغه فهو لسه جديد ومافيه عنه اي اخبار مفيده نقدر نخدمك فيها ..

من ناحيت السكن عند جامعة USF.. بالجامعه غالي ومايستاهل سعره ابدا وما انصح فيه .. اما المنطقه المحيطه فهي مليانه مجمعات واذا انت عزوبي فالموضوع بسيط بإذن الله بتلقا سكن من حدود ٥٥٠ دولار ويعتبر سكن جيد بمستواه وفيه اغلا بس يكون افخم .

والمواصلات امرها سهل ومنتشره اذا سكنت حولين الجامعه فيه الباصات والتوصيل مجاني للجامعه .




اما اذا بتسكن بعيد عن الجامعه فلا بد من سياره والتكاليف تبدا من ٣٥٠٠ دولار .