تخصصى شريعه ارغب بدراسه القانون فى بوسطن محتاجه مساعدتكم
السلام عليكم ورحمه الله وبركاتة
اخوانى اخواتى انا متواجده الان فى امريكا ولكن فى اويغون وراح انتقل على بوسطن خلال 4 او 3 شهور
انا متخرجه من الكليه قسم دراسات اسلامية وارغب باكمال دراستى ولاااعرف ولاشى ابداااااااااا
زوجى مبتعث ولكن من قطاع خاص( الحرس الوطنى)تخصص صيدلة
اسئلتى كالتالى
هل اقدر اجيب قبول مشروط من جامعه والتحق بالبعثه وتصرف لى مكافئه مبتعث ولزوجى راتب مرافق ولابنى ايضاااو يصرف لى انا فقط راتب
وهل يقبلونى؟
الشى الثانى ودى ادرس ماستر قانون فهل اقدر ادرس ماستر فى سنه وحده فقط
الشى الثاث ياليت اللى عنده خبره يقولى عن الجامعات اللى قبولها سهل بالقانون فى بوسطن واذا امكن بمدينه اسمها
Worcester
لاتقولون لى دورى بنفسك انا مااعرف شى والله راح تكسبون فينى اجر
اتمنى من الاخوة والاخوات اللى يدرسون القانون يساعدونى ولو بمعلومات بسيطه
ملاحظه درجه الباكالوريس جيد
ليس لدى لغه
هل فيه امل انى اجيب قبول مشروط من جامعه فى تخصص القانون والتحق باالبعثه وبعدها ادرس بالجامعه
شاكرتلكم
رد: تخصصى شريعه ارغب بدراسه القانون فى بوسطن محتاجه مساعدتكم
يااخوان مازلت انتظر الاجابة ارجوكم ساعدونى
رد: تخصصى شريعه ارغب بدراسه القانون فى بوسطن محتاجه مساعدتكم
رد: تخصصى شريعه ارغب بدراسه القانون فى بوسطن محتاجه مساعدتكم
الله المستعان نزلت الموضوع من اسبوع
جزاكم الله خير جميعا
رد: تخصصى شريعه ارغب بدراسه القانون فى بوسطن محتاجه مساعدتكم
ممكن تآخذين قبول مشروط ماجستير , لكن مو بوسطن . . صعبة . . .
فيه جامعات ثانية أسهل , لاسيما إن معدّلك أقل من المعدل المطلوب + تخصصك مو قانون.
رد: تخصصى شريعه ارغب بدراسه القانون فى بوسطن محتاجه مساعدتكم
تخصصى مش قانون ولكنى دراسات اسلاميه وهو مايعادل القانون فى امريكا
رد: تخصصى شريعه ارغب بدراسه القانون فى بوسطن محتاجه مساعدتكم
كل اللي قلتيه ممكن
لكن لا تقولي ما راح ابحث بنفسي
انتي ادخلي موقع الملحقية وشوفي الجامعات الموصى فيها وخلي زوجك يكتب ايميل للجامعة للادمشن (القبول ) ويشرح لهم انك تبين قبول مشروط بس ما اتوقع ان الموضوع بهالسهولة
انا نصيحتي خوذي قبول لغه وقدمي على برنامج خادم الحرمين وان شا الله تنضمي للبعثة وخلال فترة اللغة كثفي بحثك وبتتوضح لك الصورة اكثر
ابدآي باللغة اول شي وللمعلومية لو بدآتي في معهد سيلوب celob راح تلاقي مجموعة من الطالبات كلهم مبتعثين لماجستير القانون ودراستك في هذا المعهد راح تسهل قبولك في الجامعة اللي يتبعها المعهد وهي جامعة بوستن حتى التوفل المطلوب راح يكون اختبار خاص فيهم منتي مضطرة لل ibt
وممكن يعطوك قبول مشروط وانتي في فترة اللغة ، يعني لما تدرسي عندهم وتختبري التوفل ( الخاص فيهم ) وكانت درجتك ماهي كافيه بس انتي طالبه جيدة ممكن يعطوك قبول مشروط
انا سمعت ان الادفايزر اللي يتابع مع الطالبات قبولهم كان ممتاز ومتعاون وساعد طالبات كثير في التنسيق والقبول
رد: تخصصى شريعه ارغب بدراسه القانون فى بوسطن محتاجه مساعدتكم
eno.boston
شكرااا لك ولمعلوماتك القيمه
بس انا ودى الاقى قبول مشروط من الان اذا امكن علشان بصاحه طمعانه بالمكافئه
لو درست لغه مااح يجينى شى راح يدفعون للمعهد فقط والحمد لله هذى بحد ذاتها نعمه لن ودى الاقى قبول مشروط علشان المكافئه لى ولزوجى ولولدى
على فكره انا مرافق لزوجى بس هو مبتعث من قطاع خاص مالوا علاقه بالملحقيه
رد: تخصصى شريعه ارغب بدراسه القانون فى بوسطن محتاجه مساعدتكم
اختي الكريمة
القبول في بوسطن صعب ولكن اذا اردت في جامعة
SUFFOLK UNIVERSITY
برنامج القانون عندهم مرة ممتاز
الجامعة في داون تاون بوسطن
الله يوفقك ويوفقنت جميعا
رد: تخصصى شريعه ارغب بدراسه القانون فى بوسطن محتاجه مساعدتكم
kyz
انا قلت ممكن لكن ترى مو بهذي السهولة
حكاية القبول المشروط قليلة جدا للماجستير
ممكن يعطو قبول مشروط تحت ظروف معينه
تكوني شخص مميز او تكوني طالبه عندهم من فترة طويله ومضطره للقبول عشان جهة عملك .. زي ما قلت لك هو له حالات معينه لكن ما يعطى بشكل واضح لكل الناس
انتي لازم تراسلي الجامعات بنفسك ولازم تكتبي لهم مقال بنفسك تتكلمي فيه عن اشيا معينه مثل اهدافك وقدراتك عشان تقنيعهم يقبلوك في برنامجهم وبدون لغه ما راح تقدري تسوي هذا الشي . لازم تكوني صادقه ولازم تكتبي كل شي بنفسك وتكوني دقيقه وفاهمه بالظبط وش تبين .. اللي اعرفهم قعدو شهرين وثلاثه بس عشان يكتبو الاشيا هذي والحمد لله اخذو قبول في افضل الجامعات لكن كل شي يبي مجهود شخصي ما ينفع (مابي ابحث وما بي اسوي ) ترى الدراسه في امريكا كلها بحث وعمل ،، صحيح مافيها تعقيد لكن فيها اطلاع وقراءة وكتابه بشكل واسع جدا. لازم نفسيا تحسين ان دراستك في محور تفكيرك والابتكار والاكتشاف والتميز هو هدفك ولازم تجمعين معلومات كثير عن وضعك وضع بلدك في تخصصك وهدفك بعد الدراسة كل هذا قبل المقابله الشخصية عشان تتكلمين بثقه وبطلاقه ويقبلوك في برنامجهم .. ومن اهم الاسئلة في المقابلات وفي ابلكيشنات التقديم هو: ماهو هدفك بعد ٤ سنوات ؟ وين تشوفين نفسك بعد عشر سنوات ؟ ماذا تعاني بلدك من مشاكل ي هذا المجال ؟ ماهو دورك ؟ ؟ وش ممكن تضيفي للقروب اللي تدرسي فيه وش ممكن تضيفي لنا في الجامعه ؟
اجوبتك لازم تكون دقيقه ماهي عامه وهم ما راح ينظرون للغتك زي ما ينظرون لثقافتك في تخصصك ..
اذا عندك الدافع والهاجس والعزيمة .. الله يوفقك واذا تقولين انا كريفه بس ماحب اسوي شي بنفسي ادرسي في لندن تناسبك اكثر !