رد: Northern Kentucky University في احد قبولة في هالجامعة
السلام عليكم
حبيت اسئل اخوي فواز عن استئجار السياره لأني انا واخوياي كلنا 3 والحجز الداخلي يكلف 5 الاف ريال علينا حن يا ثلاثه فبغيت اعرف كيفية استئجار السياره برخصه السعوديه وكيفية تسليم السياره في كنتاكي لني رايح لكنتاكي علما ان كل اعمارنا ما تتعدى 19 سنه !!
رد: Northern Kentucky University في احد قبولة في هالجامعة
مساكم الله بالخير ..
فهدون الله يجزاك الجنه وربي انك ماقصرت ورايتك بيضااا
ابشركم قدمت بالمعهد قبل اسبوع عن طريق مكتب اسمه ( رواد الطيران بجده ) متعاون مع معهد الجامعه .. جابو لي القبول وقاعدين يزبطون الفيزه
وع الله .. يارب تكون تياسيير
دراستي راح تبدأ 20 / 10 ... < معاك يا متفائل هع
مخطط ادرس بالمعهد 8 او 16 اسبوع بعدها اختبر التوفل حق الجامعة وان شاء الله اعديه .. لغتي مو هذيك الزود بس متفآئل خير .. بعدها التحق بالجامعة عشان اكمل البكلوريا
بيني وبينكم كل اللي خططت له اجتهادات شخصية .. يارب تتسهل بس
ابي اسأل الشباب اللي طلعو الفيزه .. كم جلسو ينتظرون علشان تطلع الفيزه ؟؟
< .. وعدني المكتب انها بتجي في اسبوعين ع الاكثر بحكم علاقاتهم
اذا ربي وفق .. شرايكم نتواصل مسن او جوالات ومنها نسوي نقطة تجمع في المطار منها نتعرف ع بعض ؟
ياليت نضيف بعض بالقروب هذا في المسن
group1441182 @ g r o u p s i m . com
فهدون لاهنت ياليت تعطينا ملخص للي نسويه من نقطة وصولنا للمطار والاشياء اللي بنواجها , الفندق اللي نستاجر فيه , وصولنا لبوابة المعهد , رقمك جوالك اذا في امكان :)
اخواني فهدون , مبتعث , فواز الهاجري .. ضايع .. الخ
الله يوفقكم وييسر اموركم
******************************
اقتباس:
سويت قروب بالمسن .. ياليت كلنا نجتمع فيه وناخذ ارآء بعض :)
group1441182 @ g r o u p s i m . com
*****************************
لاتنسون هذا القرووب ياليت كلنا نجتمع فيه وناخذ ارآء بعض :)
group1441182 @ g r o u p s i m . com
دمتم بود
رد: Northern Kentucky University في احد قبولة في هالجامعة
انا اضفتك .. وماشاء الله راح ندرس سوا ...
انا بقولك المكاتب نصابين انا قالي صاحب المكتب ماعليك عندنا معارف وخلال اسبوعين تطلع وكله دحل وكذب ..
الفيزه تطلع من يومين الى ثلاث اشهر هذا نظام السفاره الامريكيه
بس اكثر اللي اعرفهم تطلع لهم خلال شهر او شهر ونص
وانا اخذت الفيزا حقتي خلال 29 يوم .. يعني قبل اكمل شهر << وناسه
ههههههه
والله يوفقنا ويوفق الجمييييييييييييييع يااارب
رد: Northern Kentucky University في احد قبولة في هالجامعة
يعطيكم العافيه
ياليت تفيدوناا عن تكلفة العهد للمستوى الواحد وكم مستوى وهل الجامعه تعطي قبول مشروط لماستر علوم الحاسب
وكم تكلفة السكن في المعهد او مع عائله اوفي غرفه مشتركة مع طلاب الجامعه
لان اناا بروح على حسابي
رد: Northern Kentucky University في احد قبولة في هالجامعة
اقتباس:
المشاركة الأصلية كتبت بواسطة andr-sun
السلام عليكم ورحمة الله وبركاته ..
انا عندي استفسار يا اخوان .. اخوي ناوي يطلع لهالجامعة وطلب مني اني اخذ قبول من موقعهم الرسمي ..
وما عرفت الطريقة فياريت احد يعلمني طريقة ارسال الطلب عن طريق الموقع .. للعلم ان اخوي ناوي دراسة اللغة الانجليزية من المستوى الاول .. ننتظر الاجابة
اخوي
ادخل هلى موقع الجامعه عن طريق google اكتب nku وبيطلع لك كل شي
واذا تبي تختصر الشغله هذا اميلي اليزابث المسؤولة عن التسجيل راسها على الاميل وبأمكانك تاخذ رقمها وتتفاهم معاها على التلفون.
عشان اسهل عليك كل شي
جهز صورة الجواز وكشف حساب بنكي بمبلغ 28 الف دولار يساوي تقريبا بالريال 105000
واكتب لها دراسة لغة انجليزيه وبترسل لك الفورم واطبعه وعبه ودخله بسكنر وارسله لها الاجرات ما تطول بس اقرب كورس في 20 اكتوبر بعد 20 يوم ما اتوقع تلحق عليه
وفي دراسة بشهر 1 الجاي
=== هذي معناها @ بس عشان ما ينحذف الاميل
chaulke1===nku.edu
الله يوفقك
رد: Northern Kentucky University في احد قبولة في هالجامعة
اقتباس:
المشاركة الأصلية كتبت بواسطة الفتى المهاجر
يعطيكم العافيه
ياليت تفيدوناا عن تكلفة العهد للمستوى الواحد وكم مستوى وهل الجامعه تعطي قبول مشروط لماستر علوم الحاسب
وكم تكلفة السكن في المعهد او مع عائله اوفي غرفه مشتركة مع طلاب الجامعه
لان اناا بروح على حسابي
الكورس يكلف 1800 دولار بالشهرين وكل شهرين في كورس
و 8 شهور 7200 دولار و 12 شهر ب 7200 دولار زي يعض
ادخل على الموقع حق الجامعه وبتكون واضحه لك
التكلفه تختلف مع عائلة حوالي 700 دولار او الجامعه تتروح من 2400 دولار بالسمستر
والسكن بشقة 1000 دولار بالشهر
الاسعار تقريبيه وقد تختلف
الله ييسر امورك يالغالي
رد: Northern Kentucky University في احد قبولة في هالجامعة
اقتباس:
المشاركة الأصلية كتبت بواسطة ضايع 999
السلام عليكم
حبيت اسئل اخوي فواز عن استئجار السياره لأني انا واخوياي كلنا 3 والحجز الداخلي يكلف 5 الاف ريال علينا حن يا ثلاثه فبغيت اعرف كيفية استئجار السياره برخصه السعوديه وكيفية تسليم السياره في كنتاكي لني رايح لكنتاكي علما ان كل اعمارنا ما تتعدى 19 سنه !!
الشغله سهله روح لأي شركة تأجير وعطهم رخصة السعودية الجديده اللي فيها انجليزي وبطاقة ماستر كارد
وقله ابي اسلم السياره في مطار سنسناتي بكنتاكي اسم المطارCVG
بس للمعلومية اذا استاجرة السياره حاول ترجعها اليوم الثاني لان اجارها غالي اذا بتسافر فيها يحسبونها عليك اليوم حول 300 دولار يعني لو تاخرة بالطريق وجيت بعد يومين تطلع 600 دولار وانت ماشي يسمونها الون وي ومو كل الشركة تسوي الون وي انا استاجرة من شركة نشنل كامري 2010
بس لو استاجرة من فرع واشنطن وبتسلمها في واشنطن الاجار بكون اليوم تقريبا من 80 دولار الى 100 دولار
واطلب معها GPS
لانك بدونه ماراح توصل
بس اللي انا اعرفه انهم يأجرون من 21 سنه فوق بس بأمكانك تتأكد
وهذا رقم شركة ALAMO 001--80080---344---44
او اتصل على TEL:001--800---462---52----66
واذا ماعندهم ون وي اطلب رقم شركة بدجت او نشنل او VAIS او دور موقعها على النت
الله يوفقكم
رد: Northern Kentucky University في احد قبولة في هالجامعة
السلام عليكم
شباب انا حاب استفسر عن السكن
الحين مادري وش اسوي انا ان شاء الله اوصل بتاريخ 11\10 واشنطن
ومتى ماخلصت مشيت الى كنتاكي
انا ماخليت موقع الا دورت عن سكن عايله ولا حصلت
ومادري عن الوضع بخصوص ان لغتي مش ولا بد
وش تنصحوني فيه
اذا مافيه سكن عائله
اسكن في الجامعه ولا استاجر شقه ؟؟؟؟؟
وابي اسال من مطار واشنطن وش افضل خطوط وارخص لكنتاكي
رد: Northern Kentucky University في احد قبولة في هالجامعة
الفتى المهاجر
ايه نعم الجامعه تعطي قبول مشروط لدارسي الماجستير لعلوم الحاسب
اجار الشقه حول الجامعه تقريبا 650 بالشهر لغرفه وصاله ودوره مياه وانتم كرامه
موفق خير
رد: Northern Kentucky University في احد قبولة في هالجامعة
abood
التسجيل في قائمة الانتظار لطلب السكن عند العائلات تتم بالجامعه عن طريق لستة معينه او عن طريق مراسله مسؤوله الانظمام .. وماضنيت تلقاه بموقع بالنت ..
الافضل انك تسكن بالدورم الي هو سكن العائله ولاكن ان ماحصل الجامعه افضل عشان تخالط الطلاب وتمارس اللغه .. وهي بالاول والاخير تعود لك انت ..
الخطوط ماتفرق بالسعر تقريبا سعرها متقارب والفرق مايتعدى 50 بالكثير .. ولاكن شف امريكان ايرلاينز او الديلتا
توصل بالسلامه