استفسار Northern Kentucky University في احد قبولة في هالجامعة

انا ما درست بالمعهد لسى لاكن قريت كثير عنه .. ومن ناس درسوو فيه
المعهد مو قديم ( يعني مافي خبره كثير ولا اعداد طلاب كثير ) ومستوى التعليم فيه مو قوي

يعني باختصار اذا كان الي يدرس فيه مستواه بالانجليزي منخفض مره
وبيبدأ من الصفر ما ينفع له ابدا
لاكن اذا كان دارس انجليزي من قبل ويبغاله تطوير شوي بيصير الوضع تمام

هذا الي اعرفه واتمنى غيري يفيدك اكثر

بالتوفيق

الف شكر اخوي

اعتقد و الله اعلم ان في السنة الثالثة علا حسب الكورسات اللي تنزلها هل ضمن هندسة الميكانيكا او هندسة التصنيع و ممكن انك تاخذ نص من هنا و نص من التخصص الثاني و تطلع بدبل ميجر اذا هي زي بعض جامعات كندا

شوفي من الاخر ... دراسة الانجليزي بالنسبه للي يعرف الاساسيات تعتمد على الشخص نفسه اكثر من المعهد
يعني مثلا تصيرين تكتبين بالانجليش دايم .. تسولفين مع الناس انجليش .. في البيت تذاكرين وتقرين مقالات انجليزيه وتترجمين الكلمات الي ما تعرفينها وتحفظينها

يعني مهما كان مستوى المعهد .. ما راح يسوي لك شي دام الشخص نفسه مو مهتم
لاكن انتي مهتمه وناويه تجتهدين ..

واذا ناوي تدخلين نفس الجامعه ترا ما يحتاجون مستوى عالي
يبون 5 في الايلتس و 500 بالتوفل .. يعني مره سهله ان شاء الله

انتي روحي عليه ولو ما عجبك تقدرين تغيرين وانتي هناك بسهوله ..

بالتوفيق يارب

السلام عليكم،

عندي كم استفسار كذا، الحين انا من مبتعثي المرحله السادسه وجاني قبول لغه في نفس معهد الجامعه، والمفروض
يجيني ايضا قبول للتخصص الي ابا بما اني بكالوريوس، احد له علم متى اخذه ؟
وهل احسن السكن في هايلاند هايتس ولا سينسينيتي ؟
و اش هو البنك الي ينفع للمنطقه ؟

وشكرا

^
^
^
اانا زيك جديده وما اعرف شي وبداية دراستي 14 مارس
بس اول ما اوصل بغير المعهد والولايه ان شاءالله

^

ليه مو عاجبينك ؟
وعلى وين ان شاء الله ؟

عليكم السلام
اولا مبروك البعثه .. ودامك مبتعث لا تخاف من شي امورك سهالات
اولا دام ما جاك قبول الجامعه وبس جاك قبول على المعهد
معناها تروح تدرس انجليش وتجيب الدرجه المطلوبه باختبار التوفل وتقدم على الجامعه هناك وبالتخصص الي تبيه
طبعا دراسة الانجليزي كل 4 شهور في اختبار ( يعني كل فصل دراسي ) والفصل الي تنجح فيه خلاص الي بعده تدخل على الجامعه

بالنسبه للسكن انا لسى ما رحت هناك عشان انصحك لاكن السكن قريب الجامعه احس انه اريح واقرب واسهل وبالذات انه كل الخدمات موجوده في هايلاند هايتس .. واذا بغيت مجمعات واشياء حلوه .. سيسينتي مو بعيده ابد
هذا رأي الشخصي

وبالنسبه للبنك مذكور في الردود على الموضوع لو قريته كامل
Bank of America
هذا موجود له فرع بالجامعه والبنك كويس حسب كلام كثير من المبتعثين
فيه عيب واحد .. انه ماله فروع في العاصمه واشنطن

اتمنى اكون افتدك .. وبالتوفيق يارب

^

مشكورافدتني والله وانتا متى تلحقنا ان شاء الله ؟
ثاني شيء اعتقد تقصد US Bank ..

والله مو متاكد من الاسم بس هو مذكور بالموضوع ..

انا ان شاء الله دراستي تبدا 10-1-2011
وراح اكون هناك باذن الله 2-1-2011

بس ربي يسهل امور الفيزا ونخلص على خير

بالتوفيق