الأعضاء الإشتراك و التسجيل

الملتقيات
ADs

استفسار Northern Kentucky University في احد قبولة في هالجامعة

استفسار Northern Kentucky University في احد قبولة في هالجامعة


NOTICE

تنبيه: هذا الموضوع قديم. تم طرحه قبل 2895 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. اخوي فهدون . .

    عندي سؤال بخصوص السكن ..


    الان وش افضل سكن العائله او سكن الجامعه ..؟؟

    وكم سكن العائله .. ابغى اقل سعر ويكون قريب من الجامعه .. ؟
    وكم سكن الجامعه سواء كنت لحالي بغرفه او روميييت .. ؟؟


    وهل السكن اللي انت ساكن فيه رخيص او غالي وهل فيه انترنت وتلفزيون وجميع الخدمات ..؟؟
    لأن يمكن اسكن عندكم في نفس السكن اذا عجبني سعره ونظامه ..
    7 "
  2. وعليكم السلام ورحمه الله وبركاته
    عزيز وغالي ياخوي يزيد ..

    ابد الديلر رقمه موجود وموقعه محفوظ وابشر بعزك .. وانشاء الله بتلقى عنده الي تبيه

    ممتاز هامبتون ويلدر قريب للجامعه هو وفندق كونتري انن كلهم نفس القرب وسعره معقول انا خفت انك ساكن في نيوبورت ولا في فلورنس

    والله ياعزيزي السكن الي انا فيه ممتاز جدا .. اسمه Hamton Firm
    وهو تبع سلسله مختصه ببناء المجمعات اسمها قرين لاند او قرين فالج ماني متأكد من اسم الشركه الام .
    ياخي فيه راحه نفسيه عجيبه وطبيعه سكانه تعجبك كلهم طيبين وفي حالهم ولا منهم لا ازعاج ولا شر .. اما الطاقم المسؤول عن المجمع يحبهم قلبك وخدومين لأخر درجه.
    عذروب المجمع انه اغلى من غيره ب 100 دولار تقريبا.

    فيه ثلاث شركات تدعم الكيبل حق النت والقنوات الفضائيه .. احد الشركات هذي فيها اكثر من باقه قنوات عربيه من ضمنها ام بي سي 1
    وهذا موقع الشركه ورابط القنوات العربيه المتاحه
    http://www.dishnetwork.com/internati...px?lang=Arabic

    انا زوجتي معي ولا شفنا خلاف الحمدلله .. وعندنا بنفس المجمع عائله سعوديه ايضا وايضا مرتاحين
    وفيه عائله ثالثه يدرسون معنا بالجامعه ولاكن ساكنين في سنسناتي .. وفيه عائله رابعه توهم واصلين.
    وفيه عائلتين زياده بالطريق والله واعلم متى تاريخ وصولهم (على كلام مكتب طلاب الانترناشونال)..
    وفيه اربع عوائل ساكنين في سنسناتي ويدرسون في جامعات اخرى التقوا بهم بعض العائلات وبينهم تواصل

    يعني الحال زينه والقلوب على بعضها الحمدلله

    اخوي يزيد حب وكرامه .. واذا تبادر بذهنك اي اسفسار او تبي اي مساعده انا تحت امرك نخدم الطيبين
    7 "
  3. هلا ومرحبا متفائل

    والله ياعزيزي سكن الجامعه للعزاب افضل .. فيه فعاليات وناس داخله طالعه وتقدر تمارس اللغه بشكل افضل واسعاره تقريبا من 2000-2400 لمده 4 شهور .. على حسب مواصفات الغرفه المتاحه.
    اما بالصيف زي وقتنا الان اجار الغرفه اسبوعي ب 127 دولار

    العوائل(وهي افضل طريقه لممارسه اللغه) توفرها لك الجامعه ولاكن يجب انك تعبي النموذج الخاص بطلب سكن مع عائله وان شاء الله يتاح لك.
    اسعار العوائل 700 دولار شهريا .. عاد حظك ونصيبك تصير قريبه للجامعه ولابعيده .. او تطيح لك بعائله زي اللوز او عائله تكره عمرك منها.

    السكن حقي اسعار الغرفه الواحده ماينزل عن 650 بدون اجار الكهرباء والمويه والنت والتلفزيون يعني احسب حساب ان الشقه بجميع ماذكر راح يطلع لك ب 900 دولار وفيها
    يعني الجامعه او الهاوس فاميلي ارخص لك واكثر فائده.

    اتمنى اني افدتك .. واي سؤال او استفسار انا جاهز
    تحياتي لك اخوي
    7 "
  4. الله يخليك يا فهدون ونشكرك والله على هالمعلومات القيمه بالنسبه لي ولغيري ..


    طيب عندك نصائح تنصحنا فيها في ولاية كنتاكي ؟

    او اشياء نجيبها معنى . . او اشياء محتاجها لك انت بعد نجيبلك معنا .. ترى نعين ونعاون والله
    7 "
  5. يخليك ربي حبيبي متفائل .. كثر خيرك يالغالي وتكفيني منك هالكلمه .. ابد الحمدلله الخير واجد وكل الامور كامله..

    والله ياعزيزي كنتاكي مافيها شي مميز ينصح به من غير الولايات الاخرى

    ولاكن بعطيك بعض الأراء ..

    مثلا الملابس لا تشتري كل ملابسك من السعوديه ... لانك بتلقى هنا ملابس افضل جوده وماركات وبأسعار رخيصه
    اذا انت راعي تمر وقهوه وكيف .. ف ضبط عمرك وجب معاميلك ودلتك لانك بتنقطع هنا
    ولا تنسى رقايق السمبوسه وشوربه كويكر لانك مقبل على رمضان
    واذا انت راعي رز وكبسات ومضغوط .. بهاراتك طال عمرك لا تنساها
    هذا غير الكمون وحبه البركه جبها لانك نادر تحصلها هنا
    لا تجيب معك ليمون اسود لانهم راح ياخذونه منك بالمطار

    هذا الي يحضرني الحين

    تحياتي لك
    7 "
  6. الله يعطيك العافيه على المعلومات وعساك على القوه حبيبي ...


    فهدون ابشرك جاني قبول من المعهد .. بس باقي خطاب الجامعه قالي صاحب المكتب انهم راح يرسلونه لي عن قريب ان شاء الله ..

    بس ودي اتأكد هل ملفي موجود بالمعهد ولالا . عشان اضمن وضعي .. تقدر تشوفلي حل تكفى ؟
    7 "
  7. ماشاء الله على البركه ..

    خطاب الجامعه المقصود به قبول الجامعه؟ ..

    مافهمت كيف ملفك موجود بالمعهد ؟ .. اذا المعهد قبولك وال (I20) وصلك او بيوصلك هذا هو المطلوب عشان تدخل به امريكا و مايحتاج تسئل او تتأكد اذا ملفك بالمعهد ولالا ..
    7 "
  8. (I20) موجود معي حالياً .. وبقدم اوراقي على الفيزا في السفاره الامريكيه ..
    وقالي صاحب المكتب هذا قبول المعهد وراح يجيني بعد يومين قبولك الجامعي .. بس بنقدملك حالياً الفيزا وناخذ الموعد علشان ماتتأخر وعلى مايجي قبول الجامعه ..

    وانا خايف انه جاب لي قبول معهد بس .. بدون جامعه ..
    7 "
  9. والله ثنين من الشباب عيال عم هنا صاير لهم نفس الشي قبول معهد على اساس انه جامعه والمكتب لهف فلوسهم
    للمعلوميه : قبول المعهد مايحتاج له اكثر من 10 ايام ويصدر
    قبول الجامعه يعتمد على موعد فتح اللجنه ... يعني ياخذ مابين شهر الى اربع شهور
    اتمنى اسمع منك اخبار زينه

    تحياتي لك
    7 "
  10. السلام عليكم

    كيف حالك اخوي فهد عساك على القوه
    والله يبيض وجهك على المعلومات اخوي ابي استفسر عن شي
    انا عندي I20 بس ابي اتأكد انا اول ماابدا معهد ولا تخصصي لاني عادلولي 58 ساعه من تخصصي وكاتبين لي التخصص اللي بدرسه اللي هو IT وحددولي الدراسه 36 شهر
    7 "
4 من 99 صفحة 4 من 99 ... 345954 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.