Northern Kentucky University في احد قبولة في هالجامعة

وعليكم السلام والرحمه

حياك الله اخوي سعود .. ووجهك ابيض رحم الله والديك
اذا قبولك مشروط اكيد بتدرس لغه قبل الى ان تجتاز التوفل او اي اختبار مشابة له.. تمام عادلوا لك 58 ساعة في ثلاث سنين
سنه لغه وسنتين تكمل تخصصك ؟
واذا معك توفل جديد عمره اقل من سنتين او لغتك قويه وكافيه .. تختبر توفل بالجامعه واذا حصلت فوق ال 500 بعدها تبدا تنزل مواد بالتخصص حقك

موفق خير اخوي سعود

يعطيك العافيه فهد الله يبيض وجهك اخوي

اشوفك على خير هناك

مشكور يالغلا

السلام عليكم اخوي سعود

بما انك بالولاية نفسها انت او احد الشباب اللي فيها اتمنى تفيدوني

هل في معادلة لطلاب التقنية انا على ابواب التخرج من الكلية التقنية تخصصي محاسبة معدلي حاليا 4.23

هل جامعتكم تعادل الساعات

وابي تكلفة المعهد 6 شهور واذا على الصرفيه الشخصيه انا انسان مقتصد يعني لو 36000الف ريال تكفيني 6شهور من سكن ومصرف شخصي ومعهد وشلون معهد الجامعه كويس ولالا اتمنى احد يفدني من الدارسين في نفس الجامعه واتمنى اني اسكن مع كذا شخص

وعليكم السلام
والله ماعندي علم هم يعادلون للتقنيه ولالا .. ولاكن هم عادلوا لكليه الجبيل الصناعيه ومعهد الاداره العامه

والله ياعزيزي خلال ست شهور المعهد راح يكلفك 5400 دولار يعني تقريبا 20 الف ريال
وبحسبه بسيطه يصير الباقي من السته وثلاثين الف ريال الي معك 700 دولار كل شهر
700 دولار كل شهر ماتكفيك اذا السكن ياخذ عليك اقل شي 600 دولار كل شهر الاكل والمصاريف الباقيه يحتاج لها اقل شي 300دولار هذا بالاقتصاد .

وبالجامعه ممكن تسكن اربع اشخاص كحد اقصى ولاكن السعر واحد مايختلف

يعني ياعزيزي اتمنى انك تعيد حساباتك مره اخرى .. ولا تجي وتوهق عمرك.

المعهد زي ماقلت للشباب قبلك اقل من الجيد .. ولاكن الي لغته كويسه من اول ممكن انه يمشي حاله .. لاكن الي جاي يبي يأسس نفسه من جديد ف راح يتعب لان المعهد مايساعدك بهالناحيه.

مشكور اخوي فهدون يعطيك الف عافيه

بس اخوي اذا المعهد خذا مني 6شهور20000الف ريال

باقي ياطويل العمر من 36000الف ريال 16000ريال كم تعادل اتعقد تعادل 4000دولار

طيب انت تنصحني كم يبيلي

زي ماقلت لك 20000 الف ريال للمعهد
+
السكن 16000 ريال
+
مايقل عن 10000 ريال مصروف شخصي + وجبات غذائية

يعني المجموع 12500 دولار او 46 الف ريال
هذا حسب حسبتي المتواضعه وهي بالاول والاخير ترجع لك انت ولاكن ماتفرق كثير

واذا طرا ببالك اي سؤال انا حاضر
تحياتي لك اخوي والله يوفقناا وياك

الله يعطيك ياحبيبي قلبي وربي يوفقك

دعواتك اني ربي يسرها

وذي تقدم لي خدمة اخوي اذا جامعتكم تعادل للتقنية ياليت ترد علي ودعواتك

يا شباب انا ناوي ادخل الجامعه في اغسطس بس للحين ما سويت ولا شي تتوقعون اقدر


انا متخرج من كلية الجبيل الصناعية

واذا ما قدرت متى اقرب سمستر

وهل فيها 4 او 3 سمسترات بالسنه

وعندي ايلتس 5 ادخل بدون لغه ولا لازم لغة


مشكووووووووووووووووووووووووووووووووووووووووووووووو ررين

اخوي معزي

الجامعه تقول راسلها وارسل لهم مستنداتك ومنها سجلك الاكاديمي وهم راح يخبرونك راح يعادلون ولالا .. ولاكن على حسب كلامهم اليوم يقولون غالبا نعادل اي جامعه او معهد معترف به ولاكن مو شرط يعادلون لك موادك كلها .. حطها بالحسبان

تحياتي لك

اخوي فواز الهاجري
اسعد الله مساك
السميستر الجاي بيبدا بعد شهر بالضبط من الان .. وما ادري اذا يمديك ولالا وخاصه ان وراك فيزه وحجوزات والى اخره

ولاكن بالسنه فيه ثلاث سميسترات .. الخريف و الربيع و الصيف
واقرب سميستر هو الي بعد شهر واسمه الخريف .. واذا ما امداك عليه عندك الربيع الي هو بعد عيد الاضحى

ايه نعم خمسه ايلتس تدخل الجامعه على طول بدون لغه بشرط تكون اندر قراجويت يعني بتدرس بكلوريس
اما الماستر يبون منك سته بالايلتس

تحياتي لك وموفق خير