استفسار Northern Kentucky University في احد قبولة في هالجامعة

وش دعوه اخوي فهد هذي هي الحقيقه وانا ماراح اجالمك او شي بس شي نشوفه بعيوننا وانا اخوك

وبالنسبه للضمان انا استغربت قالي مايحتاج انا بجيبلك قبول من الجامعه والمعهد بدون ضمان

عموما ننتظر تاليتها وش يصير والله يكتب اللي فيه الخير ان شاالله

لاهنت يالغالي

الله يعطيك العافيه يا Fhdon وماقصرت وربي يوفقك وانا توني الان ارسلت له رساله بأني اريد قبول مشروط للنقل وغدا انتظر منه الرد وشكرا لك يالغالي على مساعدتك وحسن تعاونك

بغيت اسال يا شباب عن الاجازات كيف نظامها قي هالمعهد انا عارف ان كل الاعياد الامريكيه لازم اجازه حلو بس انا اسال الاجازه اللي بين المستويات يعني لما اخلص من السمستر كم يوم اجازه لحد مايبدا المستوى اللي بعده وسلامتك

نسيت اقولكم السميستر كم اسبوع بالضبط؟؟؟؟؟؟؟

هل 7 اسابيع ام 8 اسابيع ام 11اسبوع للسميستر الواحد ومشكورين وبوسه على راسكم يالغاليين

hamoud005

عدد طلاب الجامعه مابين 14 - 15 الف طالب ..
عدد الطلاب السعوديين تقريبا وصل الخمسين والعرب فيه مايتعدون الخمسه والعشرين يعني العرب والسعوديين بشكل عام مايتعدون الميه ..

الاعداد تقريبيه ولن تزيد او تنقص عن هذا العدد بكثير ..

تحياتي لك

السلام عليكم

اخ فهدون عند كم سؤال الله يحفظك
الشباب ذكرو اسم مجمعيين سكنيين وقالو هم الافضل الهاي لاند ريدج و الثالني ...., اي واحد فيهم فيه عوائل سعودية ؟
هل معهد اي ال اس سنسناتي يبعد كثير عن نورثن كنتاكيي وهل فيه باص يروح من هاي لاند هايتس الى سنسناتي؟
هل تجمعات النادي السعودي فيها تجمعات نساء ولا فقط الرجال؟

وشكرا لك مقدما اخوي

Green Falcons

المعهد نظامه كل شهرين دورة ..
الربيع يبدا مع بدايه كل سنه وفيه دورتين والفاصل بينهم اسبوع اجازه .. نهاية فصل الربيع مع نهايه شهر ابريل بعدها اجازه 17 يوم ..
الصيف فيه دورة واحده وتبدا في شهر مايو وتنتهي في شهر جولاي وبعده اجازه 38 يوم ..
الخريف يبدا في نهاية شهر اوقست وفيه دورتين والفاصل بينهم اقل من اسبوع .. نهاية فصل الخريف في شهر ديسمبر يوم 10 وبعدها اجازه الكريسمس وهي تقريبا 21 يوم ..

الجامعه فيها سيمسترين الي هم الخريف والربيع وكل سميستر يمتد لمدة اربع شهور .. وفيه سمستر الصيف ويمتد لمدة شهرين تقريبا ..

doni32

وعليكم السلام ورحمه الله

المجمعين هم
Hampton Farms and Highland Ridge وكلهم فيهم عوائل سعوديه ..

جامعة سنسناتي تبعد عن المجمعين مسافه مايقارب 10 - 12 مايلز (16 - 19 كيلو)

فيه باص من جامعتنا الى سنسناتي .. ولاكن ماعندي خبر هو يمر جامعه سنسناتي مباشرة ولا عن طريق اكثر من محطه ..

تجمعات النادي السعودي يوجد فيها نساء ولاكن يعتمد على حسب نوع الاجتماع (المناسبات والاعياد الجميع يحضرون ويتواجدون)

تحياتي لك

Fahdon


مشكور وماقصرت وعساك على القوه والله ياليت اللي مثلك كثير وعساك دوم ان شاءالله موفق يارب,
صدقني ادري اني كثرة اسئله عليك بس بغيت اعرف اذا ماعليك امر هل المعهد حاليا فيه قبول او مافيه قبول لاني ابغى ادرس اول دوره تجي الحين اقرب وقت ومدري عن قبول هالمعهد هل هو سهل وبسرعه او صعب ويطول وبيني وبينك انا رسلت للمدير على ايميله ولا رد علي ومتوهق ولك جزيل الشكر

Green Falcons

الطلاب الان في اجازه والدوره الجايه تبدا من يوم الثلاثاء القادم لمده شهرين .. الدوره الي بعدها تبدا ان شاء الله في منتصف شهر مايو ..

اعتقد والعلم عند الله ان اليوم وامس ويك اند لأجل ذلك لم يتم الرد عليك .. لاكن ان شاء الله ان مارد عليك الاثنين عطني خبر ونلقى حل بأذن الحي القيوم ..

قبول المعهد سهل و يصدر خلال فتره اقل من اسبوع بشرط اكتمال المتطلبات .. ومن الممكن الانظمام للدوره حتى بعد بدايتها بعشر ايام او اسبوعين .. هم متساهلين من الناحيه هذي ..

موفق خير