الأعضاء الإشتراك و التسجيل

الملتقيات
ADs

استفسار Northern Kentucky University في احد قبولة في هالجامعة

استفسار Northern Kentucky University في احد قبولة في هالجامعة


NOTICE

تنبيه: هذا الموضوع قديم. تم طرحه قبل 2860 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. hamoud005 ..

    مكتب الطلاب الدوليين في الصيف مضغوط وايام كثيره يعتذرون فيها عن استقبال الطلاب بحكم ضغط العمل وقله الموظفين (نصهم ماخذين اجازه) .. لاجل ذلك انتظر الى ماقبل يوم الاستقلال 4 جولاي .. اذا ماوصلك شي بأذن الله اروح لهم واشوف وش صاير معك ..

    الله يوفقنا وياك وكل مسلم
    7 "
  2. المشاركة الأصلية كتبت بواسطة كـان زمـان
    السلام عليكم ورحمة الله وبركاته


    كيف حالكم جميعا يا مبتعثين وانتم ياللي تستعدون وتحضرون للسفر و وانتم كذلك ياللي تفكرون بالابتعاث ( زيي خخ )



    في البدايه : انا طالب في كلية الجبيل الصناعيه وبتخرج ان الله اراد هالسمستر ,
    وبما ان جامعة كنتاكي الشماليه سوت مؤخرا اتفاقيه مع كليتنا , هالشي خلا هالفكره تكبر براسي
    لكن بصراحه ما كنت متحمس كثير لاني توقعت ان الجامعه هذي مهيب ذاك الزود فقلت نخلي هالفكره
    لبعدين نروقلها لاني كنت اجهل كثير اشياء وكنت اعتقد ان فيه صعوبات اكثر من اللي كنت متوقعها .
    لكن الحمد لله قريت ردود لطلاب من نفس كليتنا وامورهم تمام بهالجامعه .


    من قوقل طحت على هالموضوع ولقيت اشياء ما كانت لا على البال ولا على الخاطر والفضل كله لله ثم جهود الاخ فهدون الرائع
    ( ولا يهونون الباقين ) بردوده المفصله وسعة صدره وتجاوبه مع كل من اللي هنا بوضوح وتقريبا من شهر وانا يوميا اقرا كل ردوده
    بكل تمعن وادون ملاحظاتي .. جزاك الله الجنه اخوي فهد ووينك يالغالي احسك منقطع من فتره عسا المانع خير يا رب .



    ابي اخذ توفل واموري كلش تمام بالانقلش ماني محتاج اتخسر بالمعاهد وانا مستواي جيد جيدا بالانقلش بس محتاج شوي اخالط الشعب
    اللي هناك واتوقع شهر بالكثير يكفي عشان اتكلم انقلش طول يومي وافهم الكفت والذبات حقتهم خخخخ


    وانصح جميع اللي ناويين على الدراسه برا على حسابهم ياخذون التوفل او الايلتس من السعوديه وتراه مو صعب
    واذا ما نجحت فيه اول مره لا تتحطم ادخله اكثر من مره وبتجيب الدرجه المطلوبه باذن الله , وحسب كلام كثيرين عن
    الاختبارين التوفل والايلتس ( الاغلبيه قالوا الايلتس اسهل من التوفل ) , واذا اخذت التوفل كذا بتكون وفرت على نفسك
    ما يقارب 50 الف ريـال حقت المعهد ( التكلفه حسب ما ذكرها فهدون بالصفحات الاولى من الموضوع )
    وزيد عليها انك اختصرت مده 6 اشهر الى سنه بدراسة المعهد , وكذلك وهو الاهم إلحاقك بالبعثه بفتره ما تتعدى
    شهرين الى اربع شهور او يمكن اكثر ( على حسب تجارب الاخوان اللي جابوا توفل من السعوديه وقبول جامعه )
    ويمكن والله اعلم ان شرط الـ 30 ساعه ومعدل 2.5 ما ينطبق عليك ( ماني مـتأكد من هالشي بس واحد من الشباب قالي كذا ويقول انه متأكد )


    اعذروني للاطاله بس حبيت انصح اللي نفس حالتي وودهم يختصرون ويلتحقون بالبعثه بوقت قياسي .


    حبيت استفسر عن كذا شغله , وهالاستفسار موجه لطلاب كلية الجبيل الموجودين بالجامعه
    ( الاخ فواز الهاجري واللي معه ) او اي احد من الموجودين عنده خلفيه :



    *كيف تمت معادلة الساعات ؟ ما عندي اي خلفيه من هالناحيه ابد !!
    هل تقولهم انك طالب من الكليه وتبي تعادل ساعات ؟ وهل فيه ابليكيشن معين تعبيه حق المعادله ؟
    هل ترسلهم الترانسكربت ويردون عليك ويقولون عادلنا لك 60 ساعه مثلا ؟ والكلام والزحمه هذي كلها هل هي مع القبول او بعد ما يقبلونك ؟؟




    *انا تخصصي بالكليه قوى كهربائيه , الجامعه ذي ما فيها نفس هالتخصص !! , اقرب تخصص له هو electronics engineering technology ,
    لما شفت المواد والكورس دسكربشن لاحظت ان مواد كثيره ما مرت علي بتخصصي يعني تقريبا 8 مواد درستها هنا بالكليه ولقيتها بنفس الدسكربشن بالتخصص بذا بالجامعه
    اما الباقيات احسهم اول مره يمرون علي ,, بهالحاله وش بيكون الوضع ووش بستفيد من معادلة ساعاتي اذا كانت موادي بالترانسكربت 70% منها مو موجوده بالبلان حق تخصص الجامعه ؟؟






    اعذروني مره ثانيه على الاطاله , والله يوفقكم جميعا
    أخوي كان زمان
    يعجبني الشخص اي عنده خطوات واضحه لخطته ورؤيته وهدفه لمستقبله الأكاديمي ثم تأتي خطواته الناجحه لأختيار الجامعه - واستكمال المستندات - وتقديم الطلب بكل أريحيه للجامعات الامريكيه المختاره والموصي بها من فريق قبول وزارة التعليم العالي او من هالمنتدي الرائع للمرجعيه

    معاك السيد خالد من الجبيل الصناعية داخل هالمنتدي لتجديد معلوماتي لأني متخرج عام 2001-2006 واساعد ولدي متخرج من كلية الجبيل الصناعيه تخصص التسويق هالشهر وأفيده بأفضل المعلومات و المساعدة المالية
    7 "
  3. شباب انا انشالله راح اكون بالجامعة في شهر اوغست وحجزت على يوم 5/8 على الخطوط السعودية ورايح على الملحقية اول وبعدين يحجز من هناك على الجامعه
    انا عندي قبول مشروط ميكانيكل
    وعلى فكرة اختبرت توفل وجبت 57 على الاون لين
    انا متوهق على السكن هناك

    الله لا يهينكم عناوين موتيل قريب لين الواحد يدبر عمرة
    7 "
  4. المشاركة الأصلية كتبت بواسطة modaher
    شباب انا انشالله راح اكون بالجامعة في شهر اوغست وحجزت على يوم 5/8 على الخطوط السعودية ورايح على الملحقية اول وبعدين يحجز من هناك على الجامعه
    انا عندي قبول مشروط ميكانيكل
    وعلى فكرة اختبرت توفل وجبت 57 على الاون لين
    انا متوهق على السكن هناك

    الله لا يهينكم عناوين موتيل قريب لين الواحد يدبر عمرة
    مرحبا اخوي
    انا ان شاء الله وياك في نفس الجامعة
    بس تاريخ حجزي في 4 اوغسط

    قبلك بيوووم
    7 "
  5. medo-ky ..

    للأسف مافيه فنادق قريبه بحيث انك تقدر تمشي للجامعه او المعهد ..

    فيه فنادق وفيه موتيلز الي هي اقل مستوى من الفنادق

    الفنادق القريبه (5 دقايق عن الجامعه بالسياره) هذي مواقعها
    Wilder, KY Hotels: Country Inn & Suites South Cincinnati Hotel in Wilder, KY
    يعتبر الموضع على الخريطة تقريبيًا
    10 Country Drive
    Wilder, KY 40176

    الحصول على الاتجاهات

    (859) 441-3707
    سعر الاقامه فيه 105 دولار تقريبا
    --
    Wilder, Kentucky - KY - Hampton Inn & Suites

    10 Hampton Lane
    Wilder, KY 41076
    (859) 441-3049
    سعر الاقامه فيه ليوم ب 110 دولار تقريبا
    ------
    اما الموتيلز فهي متواجده في مدينه فلورنس القريبه من المطار Florence
    Newport ومدينة نيوبورت القريبه من سنسناتي
    واسعارها 50 دولار باليوم .. وعندهم عروض 280 بالاسبوع
    وهذي مواقع بعض الموتيلز المشهوره
    Travelodge | Newport Kentucky Hotel | Newport, KY 41071 | Near LOCAL ATTRACTIONS:, Great American Ballpark (Home Of Cincinnati Reds - .1 mi. & US Bank Arena - .1 mi.
    Erlanger Kentucky hotels, Econo Lodge hotel close to Kings Island, Erlanger KY 41018
    Find Discount Motels Nationwide & Book Hotel Reservations

    او عن طريق احد المواقع المشهوره مثل
    hotels.com | Hotel Bookings & Reservations Hotel Offers & Discounts Cheap Hotels Rates Lowest Hotel Rates Guaranteed!
    Orbitz Travel: Airline Tickets, Cheap Hotels, Car Rentals, Vacations & Cruises
    وغيرها الكثير

    موفق ان شاء الله
    7 "
  6. الهوم ستاي او مايسمى بالعائله ممكن السكن عن طرق مكتب الطلاب الدوليين ولاكن للاسف الان اللسته طويله وان شاء الله يجيك الدور ..

    فيه طريقه اخرى وهي عن طريق المواقع الاخر .. ولاكنها اقل امان وحفظ لحقوق الطالب لان مالهم مرجع ولا محاسب ممكن انكم تحتكمون عنده ..
    7 "
  7. المشاركة الأصلية كتبت بواسطة Fhdon
    الهوم ستاي او مايسمى بالعائله ممكن السكن عن طرق مكتب الطلاب الدوليين ولاكن للاسف الان اللسته طويله وان شاء الله يجيك الدور ..

    فيه طريقه اخرى وهي عن طريق المواقع الاخر .. ولاكنها اقل امان وحفظ لحقوق الطالب لان مالهم مرجع ولا محاسب ممكن انكم تحتكمون عنده ..
    يعطيك العافية أخوي فهد

    بس كم تقريبا الين ما احصل عائلة

    واقدر اراسل الجامعة من الحين
    7 "
67 من 99 صفحة 67 من 99 ... 176266676872 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.