Northern Kentucky University في احد قبولة في هالجامعة

ابو أثير ..

ولا راح يجيبون لك طاري الا لما تجي تسجل المواد وراح يفاجئونك بها .. هذا طبعهم للأسف والحل الوحيد انك تجتاز الاختبار هذا انك تجيب لهم الدرجة الي طالبينها بالتوفل او مايعادله .. وحتى لأصحاب الدبلومات يطلبون الاختبار هذا ..

موفق

modaher ..

انا ساكن بال Hampton Farms من قرابه السنتين ولا حصلت لي اي مشاكل ولله الحمد .. ويمكن معامله المانجر تعتمد على تعاملك معهم .. اذا تعاملك راقي ومحترم صدقني راح يعاملونك بنفس الاسلوب .. اما الحفلات والازعاج فهذا شي طبيعي وخاصه بنهايه الاسبوع (لا تنسى ان اغلب السكان عزاب) ..

الله يكتب لك الي فيه الخير

الله يسعدك يافهد ..

سؤال اخير ,,

سمعت بعض الشباب يتكلمون ان لازم تكون الاوراق كلها في ظرف مختوم من الكليه ... ولا عادي اهم شيء اني ارسل الاصل ؟

اخوي فهد مساءك الله بالخير طلب بسيط لو سمحت وجميعا لشباب الطيب الي عنده علم بالموضوع


موضوعي الفيزا:

ان شاء الله بتطلع لكن من الحرص الزايد ابسئلكم الله لايهينكم


لان بعض الشباب يقول انهم يدقرون شوي للي معدلة نازل ؟؟؟؟؟؟؟؟

انا بطلع ان شاء الله مع زوجتي واخوها معنا .لاني كنت غير جاد بالبداية وعشمت الولد مالك بالطويله........

المشكلة سلمك الله اني لازم اخذه معي (اخو المدام) بسبب اللغة هم بمعهد وانا بمعهد بيسكنون بمدينة قريبة مني واجيهم بالوكيند

انا متخوف من الفيزا لان اخو زوجتي معدلة منخفض مرة 2.34من 5 تقدير (مقبول ) من كلية الاتصالات بالرياض

انا مرتبط بهم لازم يطلعون يعني ممكن تتكنسل بهالسبب؟ المدام تحتري اي حركة لف ودوران :hippi::hippi::sofa:

وش الطريقة للتحايل على السفارة بطريقة لبقة ما يحسون بالموضوع . وهل لازم اخليه يجيب الوثيقه عليهم بانهم مايشوفون الوثيقة

او اخليه يجيب السجل (لانه اخر ترم جايب جيد )فقط. ويحط الثانوية تقديره (جيد) مع كلية الاتصالات ممكن تجي هاذي ؟

فكرت له اني اعلم بالقلم الشفاف على اخر ترم على التقدير جيد. لانة اخر ترم اخذ جيد....

السجل الاكاديمي طبعا كل السجلات الاكاديمية .تقدير فصلي وجمبة تراكمي معروفه هذي مثلا 2.20 مقبول, وجمبة 2.90جيد.

قلت اعلم على التقدير جيد مع حركة اعلم بعد على التاريخ يعني على بالي اني اوضح لكم يالسفارة هذي التقادير والتواريخ عشان ماتتعبون هههههههههههه

طبعا صورة طبق الاصل والله كل يوم يجيبلي فكرة احترت وحيرتكم معي ادري تحملو شوي طولت عليكم تعبت وانا اكتب

الله لا يهينكم يالزقرت ابي رد وحلول للتحايل البسيط بالنسبة للمعدل .

ادري فية ناس طلعو ومعدلتهم نازلة لكن للاحتياطات الامنية........وعندي علم ياشباب ان الكذب والتحايل بالسفارة يلغي اصدار الفيزة لكن تاحيل صغنطوط مايضر ولا لا

الحلول بارك الله فيكم ابي طريقة مهبوله ....... وله مني دعوه صادقة

قبولاتي فهد وجميع الشباب والشابات.

اقتباس:

---

المشاركة الأصلية كتبت بواسطة Fhdon

modaher ..

انا ساكن بال Hampton Farms من قرابه السنتين ولا حصلت لي اي مشاكل ولله الحمد .. ويمكن معامله المانجر تعتمد على تعاملك معهم .. اذا تعاملك راقي ومحترم صدقني راح يعاملونك بنفس الاسلوب .. اما الحفلات والازعاج فهذا شي طبيعي وخاصه بنهايه الاسبوع (لا تنسى ان اغلب السكان عزاب) ..

الله يكتب لك الي فيه الخير

---

مشكووور ويعطيك العافية

عندي كم سوءال بالنسبة

كم المسافة للجامعة من السكن مشي
وبالنسبة للاثاث منين نشتريها وهل التنقل سهل بدون سيارة والا تنصحني اني اخذ سيارة
انا سمعت انه التكاسي غالية

اقتباس:

---

المشاركة الأصلية كتبت بواسطة ابوهادي

الله يسعدك يافهد ..

سؤال اخير ,,

سمعت بعض الشباب يتكلمون ان لازم تكون الاوراق كلها في ظرف مختوم من الكليه ... ولا عادي اهم شيء اني ارسل الاصل ؟

---

انا رسلت لهم بدون ضرف
وقبلو لي سعات تقديرية 68 من 74 ساعة مع اني متخرج من كلية الجبيل الصناعية

بس باخذ معي دسكربشن احتياط
وسويت معادلة في WES رسلت لهم الترانسكربت وصورة من الوثيقة في ضرف
والدسكربشن برة وقبلوها

ابو هادي ..

انا قدمت على الجامعه بظرف مفتوح بس اللهم الاوراق اصليه .. ولاكن يمكن حسب اتفاقيه الكليه مع الجامعه انها تنص على استقبال الملفات المختمه والمغلقه من قبل الكليه فقط .. دائما خلك محتاط عشان تسلم وبما انك لازلت بالسعوديه جب معك الاوراق فيظرف مغلق ..

تحياتي لك

lom-190 ..

بالنسبه للمعدل ما اظن انه راح يفرق واجد معهم دام اموره كلها سليمه والجامعه قبلته .. ولاكن احتياطا قدم بقبول معهد اللغه بس وبشهاده الثانوي .. الدبلوم خله بالدرج زي مايقولون الين توصل هناك وقدم من امريكا على قبول الجامعه مع ارفاق وثائق الدبلوم .. ولاكن انتبه يمكن يسئلونه ويقولون عمرك 22 وانت متخرج من الثانوي بعمر 18 .. وين كنت طول هالسنين ووش كنت تسوي ..

اما انك تلف وتدور على السفاره (السفارة عندهم علم بكل شارده ووارده وعندهم صلاحيه اخذ معلومات من اي جهة حكوميه مثل الجوازات ووزارة الداخلية بدون الرجوع اليك ومو بعيده انهم يصير لهم يد في وزارة التعليم العالي) .. و اي بداية غير صادقه معهم ممكن تتسبب بالمتاعب عليكم اذا وصلتوا هنا وانتم بغنى عن هذا كله .. هذي وجهة نظري وانتم اخبر

الله يكتب لكم الخير والمبارك

modaher ..

عزيزي رحم الله والديك بالصفحات السابقه شرح كامل عن اشكالية السكن والاثاث والسيارات ..

عموما الجامعه بعد عن المجمع هذا 10 دقايق مشي .. والاثاث احسن شي تشتريه من IKEA ارخص الموجود والجوده جيده + خدمه التوصيل بمبلغ 70$

مبدئيا انت مو بحاجه لسياره ولاكن مع مرور الوقت راح تحتاج لها وخاصه بالويك اند او الاجازات (ولا يهون الشتاء القارص والصيف الممطر) .. اما التكاسي فهي على العداد .. مشوار ال 10 مايلز بيكلفك مايقارب ال 20 $

موفق خير

modaher ..

بالنسبه لأصحاب الدبلومات المعادله تتم داخل الجامعه ومافيه حاجه لأرسالها الى اي شركه معادله مثل WES ..

(وقبلو لي سعات تقديرية 68 من 74 ساعة مع اني متخرج من كلية الجبيل الصناعية) بعد الحصول على القبول النهائي راح تتفاجئ بأنهم يقولون لك الساعات المعادله لك فعليا اقل من الرقم الي وفقوا لك عليه مبدئيا .. يعني لا تعتمد على كلامهم بالاوراق الاولى .. شي يقهر ولاكن هذا الي صاير مع كل شخص معه دبلوم و حصل على قبول من الجامعه ..