استفسار Northern Kentucky University في احد قبولة في هالجامعة

الله يبارك فيك اخوي فهد .......ويسسر لك ماتمنيت ,,,

طيب بالنسبة للتغيير للمعهد هل صحيح لك فقط تغيير مرة واحدة شاملة المعهد اوالجامعة وبعدها ماتغيير......اقصد هل هذا النظام المتبع من قبل الملحقية وانظمه الابتعاث

وهل فترة التغيير لازم تجلس بالمعهد او الجامعة ثلاث شهور بعدها تغيير ...هذا الي سمعت من واحد من الشباب.

بالنسبة للمعهد nku

هل اقدر ادرس في معهد xavier university بالاتفاق مع nku وفي نهاية اللغة اختبر عند nku (يعني يكون اتفاق بين المعهديين ) مثل ماسمعت من الشباب انهم يقدرون يدرسون بعض المواد من جامعة لجامعة اخرى بالاتفاق وانهم شعب فرندلي ومن هالكلام....

يعني اكون من طلاب nku وادرس بالمعهد الثاني xavier university حتى نهاية اللغة واختبر في معهد nku معليييييييييييييييش اخوي فهد ادري انه سؤال محشش بس حلمك علينا هههههه
ماودي والله اتوهق اخوي فهد هذا القصد والله

الله يبارك فيك اخوي فهد وفي معدنك الطيب وطيب اصلك......ادري اني ازعجتك بالاسئلة اطلب منك العذر والسموحه

بالنسبه لرسوم المعهد هل فيه فرق كبير بين رسوم معهد الجامعه ومعهد xavier university ؟؟

طيب اخوي اسعار السكن بكم وكم تبعد عن الجامعه
اللي اعرفه ان معهد اللغة في نفس الجامعه

وانا ان شاء الله راح اصل في نص شهر اغسطس

lom-190



اعذرني على التأخير وانا اخوك .. حنا في اجازه وطالع برى الديره نتمشى قبل رمضان ..

والله يالغالي ماقد سمعت بهالنظام .. وبالعكس الشباب عندنا نقلوا لأكثر من ثلاث جامعات والامور طيبه ..

ايه نعم اذا باشرت الدراسه بمعهد او جامعه معينه لازم تكمل عندهم الفتره الدراسيه الحاليه .. اذا انتهت تقدر تغير الجامعه او المعهد ..

بما ان فيزتك ان كي يو ماتقدر تدرس الا فيها .. هذا الي اعرفه من قبل اداره الهجره ولا قد سمعت ان فيه اتفاقيه بين هالجامعتين تسمح لك بالتنقل بينهم بدون نقل السيفس للجامعه الجديده (ولا كان كل السعوديين درسوا هناك) ..

اما بعد انتهاء اللغه تقدر تجي تدرس بالان كي يو بمجرد حصولك على قبول مشروط منهم .. لانهم مايشرطون عليك الدراسه بنفس المعهد .. اهم شي عندهم درجة التوفل المطلوبة ..

حب وكرامه يالغالي انت وباقي الشباب كلكم على العين والراس ونخدم الطيبين ..

اي سؤال اخر يجي بخاطرك انا جاهز ..

ابو هادي ..

رسوم الان كي يو 1800 بكل شهرين + 180 تقريبا للتأمين الصحي كل اربع شهور ..

رسوم اكزيفير على ما اذكر انها 1800 كل شهر وماعندي ادنى علم عن تكلفه التأمين الصحي ..

اخوي فهد

كيف حالك طال عمرك
هل اجدد القبول في يناير لاني ابي اجدد قبولي لانه انتهاء ...... اقصد اقرب وقت غير اوقست
وهل يطلبون مني اشياء اعبيهن .....عندي نموذج تاجيل هل اعبية ......وهل عندهم اشكالية لان قبولي الاول في 10-1-2011

lom ..

مافهمت عليك .. قبولك اذا قبولك انتهى اطلب تجديده على التاريخ الي يريحك .. اقرب وقت غير اوقست هو اكتوبر وبعده يناير ..

اكيد راح يطلبون منك الفورمات حقت تأخير القبول وهم ماعندهم اي اشكاليه بالتاخير بشرط انك تعلمهم قبل بداية الدراسه الا اذا كان عندك عذر مقنع ..

موفق خير

السلام عليكم ورحمه الله..

عندي ثلاث استفسارات أخوي فهدون

الأول: انا جاني ورقه القبول النهائي للجامعه
طبعا انا جاي من كليه يبنع الصناعيه واختربت ايلتس والحمد لله جبت الدرجه المطلوبه

سؤالي هو

لمن ارسلو ورقه القبول النهائي ماارسلو معاها ورقه معادله السااعات

متى يرسلوها؟؟

لمن أجي الجامعه ؟

الثاني: بالنسبه لختبار البليسمنت

لثيت بموقع الجامعه انه الاختبار في 10 اغسطس

وانا رحلتي 14 اغسطس

كيف الحل؟
لازم اختبرو حتى لو عادلولي المواد ؟؟

الثالث: كم تاخذ مده ارساليه الاي توني بالفيديكس

لانه انا رجعت السعوديه ومحتاج الاي توني


يعطيك العافية

لو سمحتو ياشباب عندكم خلفية عن السداد للجامعه او المعهد يعني كل شهر او ثلاث شهور ولا دفعه وحده

لأن الامر هذا محيرني والله

وكل عام وانتم بخير

رمضان كريم

السلام عليكم اخواني..

شهر مبارك على الجميع جعلنا الله من المقبولين فيه..وكل عام وأنتم بخير وصحة وسلامه


أخواني اللي سبقونا عندي استفسار بسيط..أنا تبدأ دراستي في معهد اللغه يوم 22 أغسطس وحاجز يوم 5 أغسطس اللي هو يوم الجمعه بس بصراحه حسيت اني حجزت بدري

سؤالي هل أقدر أتأخر على المعهد أسبوع مثلاً<<الرجال ماوده يصوم في كنتاكي
يعني أرسل لهم ايميل اني انا بأتأخر واجي على نهاية أغسطس

عجلو علي الله يجزاكم خير وقولو لي كم يبي لي فتره ماقبل الدراسه عشان اجهز وضعي وأضبط أموري من سكن وخلافه