رد: Northern Kentucky University في احد قبولة في هالجامعة
للاسف ما اشوف احد من الطلاب الحاليين بالجامعه يشارك بالموضوع!
قبل كان طيب الذكر (فهدون) فاك لنا ازمه هو الوحيد اللي كان نشيط بهالموضوع من طلاب الجامعه
لكن الحين مختفي , ما قصر وبيض الله وجهه ويا جعل ربي يوفقه وين ما توجه
بس اللي ابي اعرفه ان الطلاب اللي هناك وكانوا يشاركون هنا قبل ما يطلعون للجامعه ليش جحدوا الموضوع خخخ
ما راح يضر شوي من وقتهم يعطونا توصيات او اي معلومات مهمه او حتى كم صوره للمدينه < من جد نفسي بهالشي خخ
بس يالله نقول الغايب عذره معه والله يوفق الجميع :)
اقتباس:
ياريت الطلاب الي فالجامعه يعطونا معلومات عنهااا صعبه سهله كيف مستوى التعليم ؟
شوف يا عزيزي بشكل عام وبغض النظر عن صعوبة الدراسه بالجامعه او سهولتها
كل شي عطه حقه وما راح تواجه اي صعوبات باذن الله
اعرف واحد يدرس بالجامعه ذي وكذا مره اسأله عن الدراسه هل هي صعبه او سهله ؟
جاوبني بختصار : بشكل عام ما اشوف هذيك الصعوبه اللي تخلي الواحد يكره حياته !
وقالي اننا نواجه صعوبه بالدراسه فبعض المواد وهذا شي طبيعي ان تحصل بين عشر مواد ماده او مادتين صعبه :)
يعني يا اخ سيلفر خذها مني وانا ما رحت للجامعه للحين , الوضع سهالات ان شاء الله
بس عط الدراسه حقها وامورك بتمشي زي اللوز
رد: Northern Kentucky University في احد قبولة في هالجامعة
يا اخوان انا قدمت طلب اون لان ودفعت مبلغ التسجيل ماهي الخطوة القادمة هل ارسل اليهم صور الشهادات والجواز على الايميل او على البريد
رد: Northern Kentucky University في احد قبولة في هالجامعة
المفترض انهم يرسلونلك ايميل يطلبون منك الاوراق لكن ما يضر ان سلمتها بدون ما يطلبون
الخطوه الجايه يا عزيزي انك ترسل :
- شهادة الثانويه العامه الاصل او نسخه مصدقه .
- صوره من جواز السفر ساري المفعول 6 اشهر على الاقل .
- الشهاده البنكيه ( عباره عن ورقه يجيبها لك المتكفل بمصاريف دراستك من البنك , وبالعاده البنوك يسمون هالورقه " شهادة رصيد " )
- كشف حساب ثلاث شهور
واذا كنت تبي تدرس بمعهد الجامعه ضيف على هالاوراق التالي :
http://aelp.nku.edu/docs/AELP_Application1.pdf
هالفورم عباره عن طلب إلتحاق بمعهد اللغه التابعه للجامعه + خطاب المتكفل بمصاريفك
تطبعه وتعبيه يدوي ثم تسوي له scan وترسله بالايميل لمكتب الطلاب الدوليين بالجامعه
وهذا الايميل : OISS@nku.edu
بالتوفيق
رد: Northern Kentucky University في احد قبولة في هالجامعة
اقتباس:
المشاركة الأصلية كتبت بواسطة كـان زمـان
المفترض انهم يرسلونلك ايميل يطلبون منك الاوراق لكن ما يضر ان سلمتها بدون ما يطلبون
الخطوه الجايه يا عزيزي انك ترسل :
- شهادة الثانويه العامه الاصل او نسخه مصدقه .
- صوره من جواز السفر ساري المفعول 6 اشهر على الاقل .
- الشهاده البنكيه ( عباره عن ورقه يجيبها لك المتكفل بمصاريف دراستك من البنك , وبالعاده البنوك يسمون هالورقه " شهادة رصيد " )
- كشف حساب ثلاث شهور
واذا كنت تبي تدرس بمعهد الجامعه ضيف على هالاوراق التالي :
http://aelp.nku.edu/docs/AELP_Application1.pdf
هالفورم عباره عن طلب إلتحاق بمعهد اللغه التابعه للجامعه + خطاب المتكفل بمصاريفك
تطبعه وتعبيه يدوي ثم تسوي له scan وترسله بالايميل لمكتب الطلاب الدوليين بالجامعه
وهذا الايميل :
OISS@nku.edu
بالتوفيق
انا الان في امريكا وابغا القبول عشان من بدري لان سوف اختبر ايلتس هل اذا خذيت الان قبول مشروط وجبت الايلتس قبل بداية الدراسة يدخلوني الجامعة
و زوجتي عندها فيزة F2 هل تستطيع الدراسة بالمعهد بارت تام
رد: Northern Kentucky University في احد قبولة في هالجامعة
يس يمديك .. راسلهم وجيب القبول المشروط ولما تجيب الدرجه المطلوبه بالايلتس ان شاء الله
ارسلهم نسخه من شهادة الايلتس وبيجيك القبول الغير مشروط ان شاء الله
واتمنى انك تراعي الوقت يعني اختبر ايلتس قبل الموعد اللي مخطط انك تدخل الجامعه فيه بفتره
بالنسبة لزوجتك , بما ان معاها فيزا المرافق فتقدر تدرس بارت تايم بالمعهد
رد: Northern Kentucky University في احد قبولة في هالجامعة
كم ياخد وقت للجاله اي توني من الجامعه ؟
رد: Northern Kentucky University في احد قبولة في هالجامعة
مو واضح سؤالك يا سيلفر
بس ان كنت تسال كم تاخذ وقت ارسالية الاي توني , اذا قالولك اصدرنا الاي توني حقك بيوصلك خلال اربع او خمس ايام
اما ان كنت تسال كم يبيله من بداية تقديمك على الجامعه , اتوقع ياخذ من ثلاث اسابيع الى شهر تقريبا
رد: Northern Kentucky University في احد قبولة في هالجامعة
مشكوور
كيف قبولهم صعب ولا سهل يعني في احتمال يرفضوا القبول
رد: Northern Kentucky University في احد قبولة في هالجامعة
القبول مو صعب وما ادري اذا كانوا بيرفضون
بس بشكل عام الجامعات العاديه اللي نفس هالجامعه اهم شي عندهم الفلوس
ما دامك بتدفع فلوس للدراسه ما اتوقع بيرفضون حتى لو كان معدلك نازل بالثانويه
رد: Northern Kentucky University في احد قبولة في هالجامعة
بعد ما ارسلو لي الجامعية رسالة بان ارسل الاوراق بالبريد ارسلت الاوراق الى الجامعة قبل 11 يوم والى الان لم تتغير الحالة في طلب القبول الالكتروني بموقع الجامعة وحسب كلام البريد قالو لي يومين و توصل الاوراق