استفسار Northern Kentucky University في احد قبولة في هالجامعة

السلام عليكم ورحمة الله وبركاته

يا اخوان انا طالب من كلية الجبيل الصناعية وتخصصي Information Technology

قدمت على هذي الجامعه لاني سمعت انها تعادل جميع الساعات من الكلية اللي انا متخرج منها وقدمت على الـ fall

اول شي ياليت احد يفيدني بخصوص المعادله للدبلوم اللي معاي هل صحيح انهم يعادلون كل الساعات حقتي؟؟؟؟
وثاني شي المدينة تعتبر صغيره يعني مافيها اي شي وسمعت ان سنسناتي قريبة مننا واللي تعتبر مكان فيه نوع من الترفيه والفله صحيح؟؟؟
وثالث شي العنصريه وش وضعها بالمدينة؟؟؟؟

رابع شي << اقول لايكثر خخخخخخخخ

خلاص خلصت والله يعطيكم العافيه ومشكورين

اخوي "كان زمان"

الله يعافيك ما قصرت في هالموضوع و ردودك قيّمة


جاني القبول اليوم ، بس وش سالفة السيفيس اللي أخر شي؟؟ و هل I-20 متوقف عليه؟؟

هذا الايميل
Dear Abdulaziz,
I am very pleased to inform you that you have been admitted as an undergraduate student to Northern Kentucky University majoring in Pre- Business Accounting with the condition that you first successfully complete all the English proficiency requirements by enrolling in our American English Language Program. Congratulations!


If you wish to pay your I-901 fee (200 USD) before you receive your packet, the information you’ll need is:

SEVIS I-901 website https://www.fmjfee.com/i901fee/
NKU School Code NOL214F10716000
Your SEVIS ID#

جانبي اليوم القبول فيها لكن حرقو اعصابي كاتبين في الايميل تم قبولك بتخصص علوم حاسب وصل ضغظي مليوم لما شفت هالشي لكن كان مرفق القبول وفتحته والحمد الله مكتوب بالقبول تخصص تقنية هندسة ميكانيكية وتصنيع
والله ماينعرف الى هالجامعة ماعندهم شي محدد قبل اسبوع قالو لزم اتعدل الدبلوم بشركة معادلة لكي نعادل ساعاتك وقلت مافي مشكلة وارسلت اوراقي الامس للشركة ودفعت اليهم حوالي 210 دولار للمعادلة واليوم في خطاب القبول مكتوب عادلنا اليك مبدئيا 78 ساعة
Dear Mohammed,
I am very pleased to inform you that you have been admitted as an undergraduate student to Northern Kentucky University majoring in Computer Science with the condition that you first successfully complete all the English proficiency requirements by enrolling in our American English Language Program. Congratulations!

You have not been issued an I-20 because your SEVIS record needs to be transferred to NKU. You can do this by having your current university complete the form found at http://oiss.nku.edu/docs/INTERNATIONAL_ADVISO.pdf.

Sincerely,

Elizabeth Chaulk
Assistant Director
Office of International Students and Scholars
Northern Kentucky University
http://oiss.nku.edu
http://aelp.nku.edu

وعليكم السلام ورحمة الله وبركاته

اول شي : مو كل الساعات يعادلونها بس هم يعادلون الاغلبيه ( يعني قول من 60 الى 70 ساعه ) هالكلام ينطبق على تخصصات الميكانيكا والكهرباء والانسترومينت والتصنيع.
ما عندي خلفيه بالضبط عن طلاب البزنس ومعادلة ساعاتهم , ارسلهم ايميل وشوف كم بيقولونلك بيعادلون مبدئيا. انا اتوقع انهم بيعادلون 90 بالميه من موادك ان شاء الله
لان كورسات الانقلش ما يحسبونها و واتوقع طلاب البزنس بالكليه عندهم ماده او مادتين بالعربي ماظن راح يعادلونهم والاسلاميك نفس الحكايه

ثاني شي : انا مثلك ما ادري وش وضع المدينه بس صارلي فتره طويله متابع هالموضوع واللي عرفته ان المدينه صغيره وهاديه واسعار الاجارات معقوله
على بعد 15 ميل اتوقع فيه مدينه كبيره ( سنسناتي بولاية اوهايو ) فيها كل شي

ثالث شي : ما عمري سمعت احد جاب طاري العنصريه بهالمدينه


بالتوفيق

ألف مبروك يالغالي وعسا ربي يتمم الباقي على خير
السيفيس هذا سلمك الله هو السجل حقك عند ادارة الهجره الامريكيه اللي اصدرت لك الاي توني
والمطلوب منك انك تسدد رسوم السيفيس على الموقع الموجود بالايميل وتطبع الايصال حقه وتاخذذه معاك لما تروح تقابل بالسفاره

تسديد رسوم الـSEVIS شرح كـامـل بالصور.
هذا موضوع بيفيدك اكثر بهالخصوص ان شاء الله

ألف مبروك اخوي محمد والله لا يخسر يا رجال
جيبلهم ورقة تقييم موادك اللي من الشركه حتى لو قالولك بنعادلك مبدئيا
سؤال : معدلك زاد او نقص او تم على حاله بعد التقييم ؟

و اخيرا جات القبولات
ياريت احد يعطينا معلومات السكن؟ و هل في احد ينصح بسكن الجامعة خصوصا الي ما عنده سيارة

بعدني ماخلصت المعادلة لان ارسلت اوراقي يوم الاربعاء وحسب كلام الشركة تطول المعادلة حوالي 12 يوم عمل

عالبركه القبول يا سلفر

بالنسبه للسكن ... داخل الجامعه اتوقع 2300 دولار كل اربع شهور .. وهل يناسب او ما يناسب ؟ هالشغله راجعه لك
انا اشوف ان من اكثر الايجابيات بالسكن داخل الجامعه هو الاختلاط مع الاجانب وممارسة اللغه
اما السلبيات من وجهة نظري انك ما تضمن ان الروميت يكون اوكي يمكن يقطونك مع واحد يكرهك عيشتك
او يحطونك مع واحد مستوى النظافه عنده مش ولا بد

برا الجامعه .. الخيارات كثيره فيه الرخيص وفيه اللي غالي شوي وفيه القريب وفيه البعيد
المجمعات السكنيه اللي حوالين الجامعه اسعارها متقاربه شوي تبدا من 600 الى 800 دولار < تقريبا
وبالنسبه للمواصلات اظن فيه باصات تنقل الطلاب للجامعه ببلاش او بسعر رمزي جدا .. يعني لا تشيل هم ان ما معك سياره
اشهر ثلاث مجمعات سكنيه حول الجامعه : Hampton Farms - Hidden Valley - Highland Ridge
الهايلند ريدج ميزته انه قريب من المعهد اما الباقين ميزتهم انهم قريبين من مراكز التسوق
واذا تبي معلومات اكثر عن السكن قلب الصفحات القديمه للموضوع فيها معلومات وافيه بهالخصوص


بالتوفيق

رد لي خبر لا هنت لما يجيك التقييم , عندي واحد من الشباب بيعادل عن طريق شركة WES وناقل هم معدله