وش رايكم بجامعة Old Dominion اللي عنده معلومات لايبخل علينا جزاه الله خير...

السلام عليكم ورحمة الله وبركاته ياشباب أن في انتظار الرد من جامعة أولد دومينيون

بمدينة نورفلك بولاية فيرجينيا تم استلام أوراقي وقالوا شهرين بالكثير ويكون القبول

عندك والقبول بيكون مشروط لأني أبغا أدرس لغة وتخصصي لغة إنجليزية وقبولي

ماجستر لغويات تطبيقية في انتظار ردودوكم الحلوة يا أهل الخبرة وجزاكم الله ألف

خير ......

اخوي السلام عليكم
انا قرئت كثير عن هذه الجامعة الي هي بالعربي جامعة السيادة العريقة
جامعة مرة روعة وكبيرة ومعترف بيها وفبيها كل التخصصات انا قاعدة ادرس فيها ماجستير تسويق
الله يوفقك واذا عندك سؤال لا تتردد

اقتباس:

---

المشاركة الأصلية كتبت بواسطة بنت شيوخ

اخوي السلام عليكم
انا قرئت كثير عن هذه الجامعة الي هي بالعربي جامعة السيادة العريقة
جامعة مرة روعة وكبيرة ومعترف بيها وفبيها كل التخصصات انا قاعدة ادرس فيها ماجستير تسويق
الله يوفقك واذا عندك سؤال لا تتردد

---

أشكرك على مرورك أختي الغالية بنت شيوخ وجزاك الله خير يعني اختياري إن شاء الله موفق وكيف تعاملهم مع الطلاب الأجانب وهل فيها عنصرية وكيف المدينة ودي معلومات أكثر وأكثر لأنو بيكون عندي خيارات أخرى من جامعات ثانية أنا معيد ومبتعث من الجامعة وتخصصي لغة إنجليزية ومعدلي( 4.39 من 5) يعني في انتظار رد أكثر من جامعه وأول جامعة أرسلتلي اهي هذي الجامعه وإذا فيه أحد ثاني بيقدم معلومات ثانية مانستغني وأشكرك مرة ثانية كفيتي ووفيتي والله يكثر من أمثالك ويوفقك يارب.

ياشباب وين الردود والمشاركات جزيتم خيراً

بسم الله الرحمن الرحيم

السلام عليكم ورحمة الله وبركاته .

كيف حالكم يا شباب .
أنا حصلت على قبول من old dominion university في ولاية فرجينيا في مدينة Norfolk وحاب أخد رأيك في الجامعة .ومن ناحية الدراسة والأمن والسكن والمواصلات والمعيشة والخدمات .علما بأني طالع أدرس على حسابي الخاص وبنسبه لانضمام في البعثة تقريبا كم شهر .والله ولى التوفيق .

أخوك /عادل

حياك الله أخوي عادل أنا بحثت كثير عن هالجامعه وكالعاده فيه ناس يثنو وناس العكس

لكن الأغلبية كانو يثنون عليها وموقعها القريب من واشنطن أعطاها ميزة والأجواء

يقولون ممتازة وميزات كثيرة بس إلى الآن ماحصلت أحد يعطينا معلومات أكثر شكل

مافيها خليجين كثير الله أعلم وزي ماشفت لي كم يوم حاط الموضوع ولا رد عليا إلا

بنت شيوخ الله يعطيها العافية ماقصرت وأتمنى من الشباب اللي بالجامعه أو بالمدينة

مايبخلو علينا بأي معلومة قد تفيدنا.

والله يالغالي أقدر أقوول راايك ترااهـ زين :)

أنـا جديد بالمدينه وكنت محتار صراحه بس أخترتها لأسباب أولها قربها من واشنطن قالو لنا السعوديين قليليين بس طلعت مليانه كويتيين هههههههههههههـ

المعهد حلووو والجاامعه أحلى والمدينه حلووهـ عاجبتني مو كبيرهـ ولا صغيرهـ أعطيها النص وبعدين قريب منها فرجينيا بيتش وهي مدينه سياحيه وشاطئيه وحلووهـ يعني لتغيير الجو ..

هذا اسبابي قبل لا أجي هنا


والسكن والأمان هذا يحدده الحي الشارع اللي تسكن فيه بس غالب المدينه أمان فيه شارع يقولون لنا لاتسكنو فيه وهو 38st


طبعا السكان أنـا الحين كملت شهرين ماشفت العنصريه ابد ابد والسكان زي اللوز والحمدلله ممشيها عليهم اني أسباني هههههههههههههـ

لالا عاتي بالنسبه للعرب بس بعضهم إذا عرفو انك سعودي يقوولون ابو البطره ههههههههههـ يقولون صدق التكاسي عندكم كلها مرسيدس قلت أيه هذا اقل شي ولا العاده مايباخ ههههههههههههههههههههههههههههـ <<< أنواع الترفيع ههههههههههههههه

وأي أستفساارات ثانيه أنـا موجود بنورفلك الحين .. وراح اشيك على الموضوع ولا تزعل .. :)

<<< بروح أدورلي سكن كان تعرف احد بنورفلك هههههههههههههههههههـ أبي عائله ولا روميت ..

جزاك الله خير أخوي علاوي والله يوفقك وتحصل السكن المناسب وصراحه كلامك هذا ريحني كثير

يعني مافيها عنصرية وكيف الأجواء هناك وأمور المعهد وقوته وهل أنت على حسابك الخاص وش

رايح تدرس ماستر وأي تخصص إذا تكرمت وشاكر لك مشاركتك.

يالغالي هذا واجبنا وأتوقع مايضر اني اقوول اللي عندي .. ههههههههههههه :)

يالغالي الأجواء انا من يوم ماجيت كان الجو بااارد يعني لازم تلبس لأنه شتاء وبحكم المدينه ساحليه فيكون الجو مره بارد ومره حلو ماتدري عنه متقلب يعني والثلج من 7 سنوات ماشافوهـ بس يوم جيت شكلي جبت معي من السعوديه هههههههههههههههههههـ جاهم ثلج ماشافوه من قبل بس وناااسه وبالصيف يقولون الجو زي جو الرياض وجدهـ بالصيف ومتقلب اكيد لأنك بفرجينيا .. يعني يوم حلو ويوم مو حلو ..


والمعهد انا درست بهذا المعهد بس واخاف اظلمهم إذا قلت مو كويسين وأخاف اقول كويسينن وتقول كذب علي علاوووي هههههههههههـ

بس انا معجبني صراحه المدرسين فله ياشيخ وتدريسهم زين يعني متوسط اعطيه لأنه فيه عيال عندنا انقلو يقولو فيه معاهد احسن من هذا ..


أنـا جااي على حسابي يالغالي ومعاي دبلوم عالي وجاي بكمل هنا بكلوريس ..


والعنصريه مافيها ولا شفتها عادي تلقى شباب سود وبيض شله ويضحكون ويفلونها ومافي عنصريه حتى راعي تكسي كنت اتكلم انا وياه يقول احمدو ربكم هنا مافي عنصريه كان يشتغل بولايه ثانيه ويقول هنا يحتقرون العربي والعنصريه موجودهـ يعني البيض لحالهم والسود لحالهم والعرب لحالهم ..


والله يكتبلك اللي فيه الخير ..

الله يوفقك أخوي ويجزاك خير...