ايش اقرب مطار لمدينة مارتن في ولاية تينسي

ابشركم استلمت فيزيتي من فديكس اليوم
الحين بقى موضوع الحجز الداخلي

ما شاء الله وألف مبروك

بكم يوم جتك الفيزه

أنا جالس أنتظر لي ألحين 9 أيام

محتاس
بارك لي بعد ما شفت ردك شيكت على موقع فيدكس حصلت إن جوازي واصل عند فيدكس أمس الأربعاء

بروح اليوم الخميس الصبح وأسلم الجواز إن شاء الله وإن شاء الله أحصل الفيزه موجوده

الله ييسر يا رب

ماشالله مبرووووك

ان شالله خمس سنوات مثلي

ورحت الطيار امس بخصوص الحجز الداخلي بس عطوني اسعار خياليه اغلى من اسعار الحجز من النت بثلاث اضعاف بس مشكلة النت يبيلها فيزا وانا ان شالله يوم السبت بطلع فيزا من الراجحي

أبشرك الحمدلله إستلمت جوازي والحمدلله طلعت فيزتي خمس سنوات

شكلك يوم رحت الطيار تدور رحله داخلية شكلك تدور رحله دايركت
الدايركت غاليه
دور ترانزيت تحصل ترانزيت ساعه وحده أو ساعتين وبنص السعر أو أكثر بعد

وطبعا بالنت أرخص بعد

ليش بطلعه من الراجحي فيزا

أنا نصحوني ببنك الأهلي

فتحت حساب فيه وأنا واقف وطلبت فيزا مسبقة الدفع يعني نظام شحن فلوس وإن شاء الله بتطلع لي بعد أسبوع

موفق إن شاء الله

عندي حساب فيهم كلهم وفيزة الراجحي خلال اربعه وعشرين ساعه تطلع وتقدر تشحنها بطرق كثيره يعني برا عمليه اكثر , هذا برايي وهي ((اسلاميه))

انا اول ما اطلع الفيزا بحجز داخلي من النت ان شالله يعني يوم الاحد

انا قدمتـ على تينسي مدينه مارتنـ

الجميع متخوف وكاره المدينة وهو مابعد راح وانا اولكم انا اتوقع ان الطلاب اللي من الرياض اللي جابهم القبول النكبه مكتب مستقبلي لانني اشوف كثير يتكلمون عنه ولكن غالبية المكاتب يتعاملون مع جامعات معينه ولما تجيه وتبي شي محدد او معدلك مقبول يقولك صعب ومدري ايش ولكن تجي عند عمر ينكبك بمارتن ولكن فيه طريقه اسهل بكثير ولن تعتمد على اللغة وتوفر كثير ادخل على موقع الوزارة واختار المدينة اللي تبي ودور بالجامعات صحيح مو كلهم يقبلون مقبول ولكن راح تلقى بس الله يعينك على المراسله يبي لك لغة زينه
وبالتوفيق للجميع

أخوي ماجد أفهم من كلامك إنك مازلت في الرياض.. ياليت تفيدني وش الجامعة اللي يتساهلون في الجيمات لأني فهمت أن جامعة سكرانتون في بنسلفينيا يقبلون بدون جيمات ..

الله يوفق الجميع