تجمع طلاب RIT اللي دراستهم في شهر 6

كيف اسعار المدينه بشكل عام

ووسائل النقل فيها

الأخ بقايا الرستك فيها شقق مؤثثة وممكن تطلبها وسبق وسكنت فيها قبل 4 سنوات تقريباً لكن أخذنا شقة غير مؤثثة.
لكن ما أجهله جودة الأثاث في شققها المؤثثة.

الأخ أندركفر المدينة اسعارها جيدة ومناسبة جداً خصوصاً ضاحية هنيرتا اللي فيها الـRIT ، ووسائل النقل فيها الباصات كان يمدحها واحد من الشباب لكن أنا ما جربتها لكن حاول تختار السكن اللي فيه ستيشن للباص من وإلى RIT.

ارجع لك يا أخ بقايا
أنا عشت في روشستر 9 شهور لكن كنت عزابي والآن معي أهلي (زوجتي وبنتي) وأرغب في شقق حلوة وقريبة من الجامعة مثل الرستك
طبعاً ما كان فيه البارك بوينت وشيكت على موقعهم امس وأحس انه غير مناسب لي واللي ابغاه شقق حلوه ومؤثثة - متكيسل أشتري أثاث علشان ما ابلش فيه بعدين إن شاء الله-

ياشباب اللي يسأل عن المدينة
المدينة روعة للي يستكشفها والأروع الحرم الجامعي للـRIT لكن غالب طلاب اللغة ما يستمتعون فيه ما ادري ليه، أنا مريت على كذا كامبوس وجامعات أكبر من RIT لكنها لا تقارن معها!
باختصار RIT جامعة محترمة جداً وتعيشك الجو الدراسي والترفيهي للطلاب.
ملاحظة: معهد اللغة جيد من ناحية التدريس لكن يحاولون قدر الإمكان تأخير الطلاب السعوديين - بزنس- وسبق وحصل لنا مشكلة معهم. فاشدوا حيلكم ولا تخلون لهم فرصة في تأخيركم عن دخول الجامعة.

ملاحظة ثانية: حاولوا تسكنون بالشقق اللي داخل الحرم الجامعي مع طلاب RIT وابعدوا عن RIT Inn لأن السكن فيه لا يخدم طالب اللغة رغم فخامته. فأول ما توصلون روحوا مع احد الشباب اللي معهم لغة لمسؤولين السكن بالجامعة وقدموا على الشقق اللي داخل الجامعة لأني أذكر فيها سرى وزحمة.

ما اقول الا الله ييسر لك امورك في الدنيا والاخره

وموضوع انهم يأخرونا هذا من الله تعالى مو من عندهم الله يكتب لنا اللي فيه الخير وييسر لنا جميعا

وبصراحه ماقصرت وفيت وكفيت

اندر كفر خلك حريص واعمل بالاسباب

بقايا ما تقصر وأنا إن شاء الله بأول شهر 6 ابزور الديره وأخلص اوراقي وارجع للسعودية إجازة،،، اللي ابغاه سكن فيه عائلة أو عوايل سعودية.

على فكرة فيه اجتماع كل جمعة للطلاب المسلمين لو تروح له السبيكنق عندك يبي يتطور بشكل سريع.. زرهم وتراهم يقدرون السعوديين. اجتماعهم العصر يناقشون امورهم كمسلمين وبالليل يلعبون كوره. شهرين قضيتها معهم وكانت أمتع فتره من جيت أمريكا وتحسفت على الشهور اللي راحت علي بروشستر ما قضيتها معهم.

الله يسهل دربك

وين مكان اجتماع الطلاب المسلمين هذا

وياليت نشوفك اول ما نصل ان شاء الله روتشستر

أها مشكور جدا بس طلعت كبييرة علي أنا لأني عزابي.
شباب هل يوجد في park point عيب لأني شايف كل واحد يقول ما هي مناسبه له
ياريت تقولولنا عشان ما نتوهق
(معليش ما رديت على الخاص لأني مشترك جديد ما أقدر)
شباب هل نحتاج سيارة في روشستر
وكيف السيكل في روشستر لأني مزعم إني أشتريلي واحد هناك هههههه.

طيب كيف اسعار السيارات

أندر كفر: اجتماعهم يختلف مكانه فكل اسبوع في غرفة على حسب المتوفر لكن غالباً يكون في المبنى اللي فيه البوك ستور والآن على حسب ما أثرأ الحرم الجامعي مختلف وصاير فيه سنتر جديد وRIT تكبر بسرعة لكن بإمكانك متابعتهم على الفيس بوك.

النجار انا قلت البارك بوينت ما يصلح لي لأن عندي عائلة فما كل ما لا يناسب العوائل لا يناسب العزاب وأنا أرى انه حلو للعزاب. أما السيارات فتحتاجها لكن ليست حاجة ملحة يعني يمكنك تعبر حالك فترة بدون سيارة وتشوف السيارات والاسعار على مهلك.