demorgan او 3azoozoo ساعدوني
السلام عليكم ورحمة الله وبركاته
الاخ demorgan والاخ 3azoozoo حاولت ارسل لكم على الخاص بس للاسف يتطلب المنتدى مني 30 مشاركه حتى اقدر استخدم الرسائل الخاصه , المهم يا اخوان انا بجي لجامعة ولاية اركنساس في مدينة جونسبورو يوم 16/5/2010م وابي مساعدتكم من حيث السكن وقربه من الجامعة , بصراحه ماني عارف وش اسوي وانتم وباقي الاخوان فيهم الخير والبركة.
ياليت ترسلو ارقام جوالاتكم وايميلاتكم على ايميلي :
(تم حذف الإيميل لأن عرضه مخالف لشروط المنتدى)
ومشكورين مقدما
رد: demorgan او 3azoozoo ساعدوني
للرفع
وينكم يا اخوان
اللي يعرف سكن قريب من جامعة ولاية اركنساس يعلمنا جزاكم الله خير
كل الكلام اللي اسمعه ان الولايه مافيها تكاسي ولازم سياره , والسياره يبيلها وقت بس السكن اولا , انا هالحين بنيويورك وطبعا مانحتاج سيارات لان القطارات والباصات تودي لاي مكان , والجامعة اللي انا فيها بمنهاتن (جامعة بيس) وكل القطارات تودي لها وايضا الباصات
والله الكلام اللي اسمعه عن مدينة جونسبورو مايطمن , اشوف اغلب الاعضاء يتذمرون , انا منحاش عن غلا نيويورك والظاهر بطب بغثا اركنساس.
اللي عنده معلومه يفيدنا جزاكم الله خير
رد: demorgan او 3azoozoo ساعدوني
للـــــرفــــع
وانتظر ردكم
رد: demorgan او 3azoozoo ساعدوني
عزالله اني ماني شايف شي الا كلمة للرفع
ليتني كاتب الموضوع من غير ذكر اسماءكم
يا اخوان ماعليكم من العنوان اللي عنده معلومات ويقدر يفيدنا لايبخل وخصوصا السكن والمواصلات
انا جاي قريب وابي اعرف وين اسكن وكيف اروح للجامعة
رد: demorgan او 3azoozoo ساعدوني
اهلين اخوي واسفين على التأخير
شف هذا موضوع كامل وشامل عن اركنساس ستيت يونيفرستي - جونسبورو والموضوع جديد
http://www.mbt3th.us/vb/forum39/thread134210.html
ان شاء الله اني اكون افدتك
رد: demorgan او 3azoozoo ساعدوني
جزاك الله كل خير اخوي
الموضوع قريته قبل لا انزل موضوعي , وكتبت تساءل لكن للاسف الاخوان يردون على ناس ويطنشون ناس , قلت خلني اكتب بموضوع مستقل يمكن احد يعطيني وجه , لكن مثل ماتشوف لاحياة لمن تنادي , على العموم مشكور يالغالي ويكفي دخلتك للموضوع.
رد: demorgan او 3azoozoo ساعدوني
رد: demorgan او 3azoozoo ساعدوني
هلا عزيزي .. انا تقريبا راح تبداء دراستي في 18مايو بنفس الجامعة . .. اما من ناحية السكن فيه القروفر ممتاز ويمدحونه الشباب اللي بالمنطقة .. فيه اثاث طالب جامعي اما من ناحية البعد ..فيه قروفرات قريبه من المعهد .. انت عاد تروح هناك وتستاجر الشي المناسب لك .. والامور سهله ان شالله الشباب هناك ماراح يقصرو .. بعدين انت لم تروح هناك وتشوف افضل وتختار بكيفك .. طبعا تستاجر بفندق موقتا ..الين تحصل مبتغاك .. والله يسهل دربك ..
رد: demorgan او 3azoozoo ساعدوني
مشكور يالغالي بس انا ادور شي مؤقت لما ربك يفرجها
اللي سمعته ان مافيه مواصلات وصعب ان الواحد يستاجر بعيد عن الجامعة
يعني اللي ابيه شي مؤقت حول الجامعة لما اروح وبعدها ربك يفرجها
مشكور اخوي على ردك وربي يوفقنا واياك وكل مسلم
رد: demorgan او 3azoozoo ساعدوني
هلا أخوي خالد معليش على التأخير بس انا حافظ رابط موضوع أخوي عزوز وادخل عليه على طول بدون ما أمر على الصفحه لمواضيع الولايات الشرقيه وأنا أخوك بالنسبه للسكن لاتشيل هم ان شاء الله بتحصل السكن وعند الجامعه الموضوع ان شاء الله بسيط يعني لاتشيل هم أنت اول ماتجي ارسل للجامعه تستقبلك بالمطار وتوصلك للجونسبورا واول ماتوصل رح لفندق 6 موتيل واسكن فيه وايجاره رخيص يعني تقريبا حول 40 دولار وتقدر تقوله يوديك للقروف على طول وهناك تسأل المكتب اذا فيه شي فاضي وتستأجر وتخلص يعني ان شاء الله الامور بسيطه وعسى الله يوفقك وللمعلوميه القروف هي اقرب شي للجامعه