ملتقى طلاب وطالبات فيلادلفيا ( هنا لمساعدة بعضنا )
ملتقى طلاب وطالبات فيلادلفيا ( هنا لمساعدة بعضنا )
تنبيه: هذا الموضوع قديم. تم طرحه قبل 5123 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
7 " -
يعني اقدر استخدمها من الجوال والا من الثابت ؟
طيب أخوي عندك خلفيه عن خصومات لطلاب أو بطاقات خصم من وين نقدر نحصل عليها
وفيه بطاقة الطالب كيف نطلعها ؟ ،، أنا اللي اعرفه state ID
وشكراً لتعاونك أخوي .. - مشكور اخوي على هالموضوع7 "
ودي أسألك عن جامعة دريكسل ومعهدها لأني ناويه اقدم عليها
وبالتوفيق ان شاء الله - كله واحد من ثابت أو جوال كله يتصل ما فيه مشكلة . . أما خصومات الطالب فلا بد يكون معك بطاقة طالب من معهدك أو جامعتك لأنه من أول يوم إذا ما طلعوا لك بطاقة طالب المفروض تطلبينها منهم يطلعونها لك في دقايق وأنا أعرف أنهم يعطون الطلاب كلهم من أول يوم بطاقات طالب بدون مقابل مادي طبعا . . وبعدها كل ما رحت لسوق أو سينما أو قطار أو طيران أو أي مكان لازم تسألي قبل تدفعي : أنا طالبة وهذه بطاقتي هل عندك خصم للطلاب ؟ بالعادة يكون فيه خصم من يتفاوت من متوسط إلى ممتاز في أغلب الأماكن لكن قبل تدفعي اسألي ممكن تلاقين محل ما يخصم لك وتلاقين جنبه نفس بضاعتك يخصم لك !!7 "
- جامعة دريكسل قريبة من جامعة بنسلفانيا في فيلادلفيا وجامعتك معروفة ومرموقة وسمعتها ممتازة ومتميزة بالتخصصات الهندسية بالتحديد ولا سمعت أحد يشتكي منها بصراحة حتى المعهد فيها سمعته جيدة وفيه نسبة سعوديين وسعوديات ممكن إذا حضرت تستفيدين منهم ولكن سمعة الجامعة والمعهد حسب علمي ممتازة جدا . . ولا تقلقي من أحد يقول لك فيه سعوديين ! الدراسة ترجع لك أنت ممكن تدرسين وتحاولين تتكلمين مع زملائك وزميلاتك الأجانب وتستفيدين ولو نسبة السعوديين 30 % وممكن ما يكون معك إلا سعودية وحدة وتجلسين معها طول الوقت ولا تستفيدين !! فأنا ما أحب موضوع هنا فيه سعوديين أو ما فيه المهم دراستك ترجع لك أنت . .7 "
- معليش أخوي سؤال ،، شريحة الشحن اللي انت مطلعها هل تحتاج ديبوزت زي الخط الفاتورة ؟7 "
لما جينا نطلع شرائح قال ديبوزت 400$ للخط
- أبدا ما يحتاج ديبوزت ولا دولار المهم يكون معك ID موجود في بطاقة الطالب من معهدك أو جامعتك تسلمينها للشركة وتختاري الباقة التي تناسبك 29 دولار أو 39 أو 49 شهريا وأفضل الأولى لأن مكالمتك بتكون داخلية والدولية ببطاقة افريقيا أو بالسكاي بي او الماسنجر . . وعموما أنا طلعت الرقم من تي موبيل على سيتي افينيو أمام ماكدونالدز وأخذ مني بطاقة الطالب وصورها وأخذ 29 دولار بالإضافة إلى 6% ضريبة وركبتها بجهازي ومشيت بكل سهولة .7 "
- أشكرك أخي العزيز، وأقدر -صدقاً- تجاوبك، وتفاعلك، وبذل وقتك في نفع إخوانك؛ فلك الجزاء الوافر.7 "
هنا تساؤل حول السكن مع العائلات، كيف يكون:
- عملية الاختيار تكون بعد الوصول إلى فيلادلفيا أو قبل ذلك؟
- عوامل الاختيار المناسبة من وجهة نظرك الشخصية، ووفق تجربتك، ومن تعرف؟
- مدة عقود الإيجار لديهم؟
- توجيهات أخرى تتفضل بها.
وبارك الله فيك.
-
لا شكر على واجب أخي الغالي هذا أبسط شيء أن تقدم ما تعرف لمن لا يعرف هذا واجبنا :
أولا : عادة يكون المعهد هو من يتعاقد لك مع عائلة ويأخذ منك 300 دولار زيادة يعني 700 للعائلة و الباقي للمعهد وهذا حرام بصراحة بأي حق كل شهر المعهد يأخذ 300 دولار ؟؟
لكن رأيي لراحتك يأخذ لك المعهد عائلة وتدفع لمدة شهر لأنك ما تعرف المدينة وتبغى ترتاح أول أسبوعين وتكون مستقر بداية وجودك هنا وخلال هذا الشهر تقول للعائلة أنا أبغى أتعاقد معكم بدون المعهد الشهور القادمة وغالبهم يوافقون وبدلا من أنك تكتب عقد مع المعهد للسكن تكتبه مباشرة مع العائلة وبكل سهولة وتتراوح أسعار العوائل من 550 دولار إلى 700 دولار غرفة خاصة فيك طبعا .
ثانيا : لا بد إذا تبغى تعرف الأفضل تكون عندك مواصفات معينة سواء تعاقدت مع العائلة مباشرة أو عن طريق المعهد كلهم يقولون لك ما مواصفات العائلة المناسبة لك ؟ طبعا تقول الأشياء الأساسية أنا ما آكل خنزير وأبغاها تكون قريبة من المعهد قدر الإمكان وأبغى غرفة خاصة لي أو أي شيء ثاني لكن هذا هو المهم .
ثالثا : إيجار العوائل شهري دائما وتختلف الأسعار مثل ما قلت لك لكن الأفضل أول شهر تأخذ عن طريقة المعهد ويأخذ عليك العمولة والإيجار من 900 إلى 1000 دولار شهريا طبعا بعد الشهر الأول تقول للمعهد أنا ما أبغى أمدد معكم سكن لأنهم يسألونك كل نهاية شهر تبغى تمدد شهر ثاني أولا ؟ وبعدها تتفق مع عائلتك على سعر معين أو تكون لقيت لك عائلة أحسن واتفقت معهم .
لا تقلق من شيء فكل الأمور مسهلة وبسيطة أكثر مما تخيل وأي موضوع يستشكل عليك الجميع هنا لخدمة بعضهم . - طبعا هذا رابط موقع يبين لك مواصفات العائلة وطريقة السكن معهم غرفة خاصة أو مشتركة وعنوانهم وغيره والسعر الشهري الخاص فيهم وهذا خاص في فيلادلفيا طبعا7 "
philadelphia rooms & shares classifieds - craigslist
وبالتوفيق . .