ملتقى طلاب وطالبات فيلادلفيا ( هنا لمساعدة بعضنا )

أعجبتني آخر جملة أفتونا مأجورين !!

أنا أنصحك بمعهد اليوبن هو أقوى المعاهد وممتاز جدا باتفاق الجيمع لكن يصلح للجادين في الدراسة وأنت منهم إن شاء الله وعموما أغلب المعاهد متقاربة والدراسة هنا ليست مثل السعودية تبحث عن أفضل معهد بل حسب اجتهاد الطالب نفسه ولذلك لا تستغرب فيه طلاب في أقل المعاهد مستوى لكن يذاكرون صح ويمارسون اللغة ولغتهم صارت جدا ممتازة وعسى ربي يوفقك .

كما ذكر أخي الكريم، فمعهد يوبن من أرقى المعاهد، وأفضلها.
وهو ذو سمعة، وصدى جيد، والشركات السعودية الكبيرة كسابك تبتعث إليه موظفيها للتدريب والدراسة.

أشكرك اخوي المحاضر على تفاعلك معي

ياليت معلومات عن معهد اليوبن ومقعه على النت ا>ا تيسر من اجل التقديم عليه

السموحة أشغلناك بالاسئلة ( أفتونا مأجورين )

والشكر و السؤال موجه لأخي إياس كذلك

تتبع هذا الرابط، فأحد الردود تحتوي معلومات عن المعهد.

http://www.mbt3th.us/vb/forum41/thread125062.html

رابط المعهد مثبت أدناه:

Penn: University of Pennsylvania

University of Pennsylvania || School of Medicine

يعطيك العافية اخوي على الرد
بالنسبة للجامعة ما يدورولي شي لاني طالب ماجستير و يعتبرو طلاب الماجستير خارج الدورمز و لهم تعامل مختلف عن الطلاب الجدد بحكم السن
لكن جامعة دريكسيل توفر مبنى كامل لحقون الماجستير تقع على شارع 34th and Powelton Avenue
ما ادري ايش رايك المكان امن و لا كيف؟
ارسلتلهم ايميل بخصوص الاسعار لان عندهم 3 فئات للسكن بغرفة خاصة او غرفتين او 3 مشتركة و ان شاءالله يردو عليا في هادي اليومين
من هذا الموقع
Graduate Apartments - Drexel Business Services
الله يخليك بس لو ممكن تعطيني اسماء الشوارع و الاحياء الامنة و النظيفة و القريبة على جامعة دريكسيل و يصير انا ادور من موقع criaglist
بس ما ادري النظام كيف في الحجز للسكن و ينفع ادفعلهم اول ما اوصل بس ابغا احجز لاني ابغا اوصل على السكن على طول من غير لف و دوران و فنادق و صرفيات !
يعطيك العافيه

أشكركم اخواني بحثت عن معهد اليوبن وحصل المعلومات المطلوبة ..

أثابكم الله

مرحبا

انا كنت ساكنه في فلادلفيا قبل 4 شهور ...و اليكم تجربتي
1-افضل معهد في فيلادلفيا ..معهد اليوبن ...من جميع النواحي ..الاساتذه متميزين و بعضهم مبدعين...و اغلبهم يهمهم يشوف الطالب يتحسن مستواه ..غير كذا اغلب الطلاب الي موجودين هناك ...لغتهم جيده ..احتكاك مع طلاب يتكلموا انجليزي كويس يساعدك على انك تتطور بسرعه...و في الستيودنت سنتر مجبور تتكلم عربي والا تراهم بيطردوك ...فتتعلم بسرعه ...طبعا اولا و اخيرا ..التطور في اللغه يعود للطلاب و درجة اهتمامه ...و المعهد يبي له شغل ..يعني مافي وقت تحك راسك ...اغلب الطلاب الي في معهد اليوبن ..طلاب طموحين ...و يجيبوا التوفل في 8 اشهر ..واغلب الموجودين ...يعمل ليحقق 100في التوفل ...اغلبهم يكون جايب فوق 80 ...في الاي بي تي..

2- السكن: السكن في فلادلفيا غالي حبيتين على الطالب المبتعث ..لانه مكافاة الطالب المبتعث يادوب تكفي ..اذا قلنا مكافاة الطالب 1800دولار...ورح يدفع منها 800 دولار للسكن ...و طبعا اغلب المجمعات تكون فيها مسؤول عن فاتورة الكهرباء..الماء..الانترنت..وكيبل التلفزيون...غالبا الكهرباء مع الاقتصاد الشديد ...تكون 100دولار.(الله يعين في الشتاء ترتفع الى الضعف مع استخدام الهيتر..)..الماء 50دولار ...الانترنت ( انا لقيت وقتها عرض مع فرايزون ب 19.99دولار في الشهر )...يعني هذي 170 دولار للفواتير ...( شركة كوم كاست نصابه حبتين ..يعني تعطيك خط الانترنت ب 50 دولار ..و تحاول تلطف الجو و تقولك عرض مع كيبل التي في 105دولار ..والا حسب عرضهم ).

3- الموبايل: سمعت انه شركة ميترو كان عندها عرض خط مفتوح ب 30دولارفي الشهر ..و تقدر تكلم اي احد في امريكا او كندا فري ...(شخصيا ما جربت لكن احدى زميلاتي جربته و كانت تقول انه اوكي)...برضو في شركه ثانيه اسمها (كير) اعتقد هذي برضوا عندها عروض كويس...

4- مكان السكن : الي بيدرس في معهد اليوبن ..لا يسكن في السيتي افنيو ...صراحه مررره بعيد ...والهايوي زحمه الصباح ..وتضطر يا اما تطلع من بدري والا رح تتاخر على الكلاس ...انا كنت ساكنه في اللينكون غرين ..وكنت اخذ باص 44...ثم انزل في شارع 30 ...و اخذ السب وي الى شارع 33 ثم امشي الى شارع 34 ..تقريبا تو او ثري بلوكس ...يعني يبي لي نص ساعه علشان اوصل المعهد اذا مافيه زحمه ...(فيه باص الغرين لووب يوقف مقابل لمحطة القطار(نسيت اسم الشارع لكن يصير من الجهه الثانيه بالنسبه الى محطه السبويه) يجي كل عشر دقايق ..وهذا ياخذك من هالشارع الى شارع 34..و يوقف جنب المعهد )...برضو دائما و ابدا ...الهايوي الي يوصل من السيتي افنيو الى السنتر سيتي زحمه ..و الباص ياخذ فيه من 10 الى 15 دقيقه حتى يوصل شارع 30... احدى الزميلات قالت انه بعض المجمعات الي في السنترستي تسوي عروض ...وهي كانت ساكنه في مجمع اسمه بارك ويه اعتقد ..المهم انا كنت اشوف انه موصفاته افضل من اللينكون غرين ..كان مسوي عرض قبل 3 شهور ...الشقه ب 900دولار ...مع كل الخدمات ..حتى عندهم باص كان يوصلهم للمعهد ..و كانت تقول انه فيه باص يوديهم الى المجمعات و السوبر ماركتات الكبيره مثل التارقت و غيره..طبعا كلو فري...و برضوا المجمع متعاقد مع شركة تاجير سياره ..اذا احد احتاج سياره من السكان كان يقدر يستاجر سياره بسعر مخفض ...( يعني السكن لا تعتمدوا على كلام النت روحوا هناك و اسالوا و تفحصوا..انا عن نفسي تحسفت اني سكنت في اللينكون غرين ..لانه كلفنا كثير ...)..ممكن يكون اللينكون غرين عملي للي يدرسوا في جامعة سانتا جوزيف..اكثر من طلاب اليوبن و دريكسل....و اغلب الي في المعهد كانوا ساكنين في السنتر ستي و اغلبهم حصل لهم عروض ممتازه ..انا لما جيت كان اخر السمر و كانت الاسعار نار ...حتى الينكوغرين سكنت في ب 1077دولار الى شقه غرفه و حمام و صاله و مطبخ ...من غير الخدمات

5- نقطه مهمه لازم الكل يحطها في اعتباره انه اذا وقعت عقد مع مكتب التاجير ...لمدة سنه مثلا ...فانت ملزم بالمده ..حتى لو طلعت ..لازم تدفع الاجار مع الخدمات حتى اخر شهر في العقد (انا طلعت من الينكون غرين و باقي على عقدي شهرين ...صرت ادفعهم و الشقه فاضيه ...حتى الماي و الكهربا ادفهم وانا ما استخدم شي ...)

6- برضوا نقطه تنبهوا لها ...اكتشفتها مؤخرا بعد ماطلعت من اللينكو غرين ....بعض الاحيان الكهرباء او الماء يكون فاتوره مشتركه للدور الواحد ...يعني استخدمت الماي او ما استخدمته ...استخدمت الكهربا او ما استخدمته ...ما يفرق ...ياخذوا الفاتوره و يوزعوها على الشقق الي في الطابق ...الكل لازم يسال مكتب التاجير هل الكهرباء و الماء مشترك بين شقق الطابق او انه مسؤول عن استخدامه فقط ...في اللينكون غرين الماء مشترك ...

7- طبعا الي بيسكن في السيتي افنيو ...يحط في اعتباره ان رح يحتاج الى بطاقة باص ..والي تكلف في الشهر 70 دولار ...

8- اخيرا الي عنده سياره ينتبه ..ترى الفلادلفيين متهورين ...واحسن يسوي تامين شركته مع قايقو ...و يسويه فل كوفر..

نسيت اقولكم عن السكن مع عائله ...كان البعض يشتكي من المعامله السيئه من بعض العوائل ...بالذات الي يتعاقد معاها معهد اليوبن ...بالذات المنسقه مع المعهد ..فاتحه بيتها للطلاب ..لكن معاملتها سيئه ...الي يبي ممكن يسكن شهر او شهرين لين ما يدبر اموره لكن ...لا يطول عنهم ...لانه حسب ما سمعت انهم حتى ما لهم خلق يتكلموا مع الطالب ..هذا غير عن ازعاج اولادهم ...
انا اعتقد انه الانترناشونل هاوس افضل حل للسكن المؤقت ...

حياك الله أخوي فهمت من كلامك انك ستدرس الماجستير مباشرة من تاريخ وصولك ولا تحتاج لدراسة اللغة قبل ذلك هل هذا صحيح ؟ لأن جوابي يعتمد على جوابك !

عموما فيلادلفيا تغيرت الآن عن قبل سنتين فقد كانت تعرف بكثرة الجريمة أما الآن فالأمان هو الغالب بعد مجيء محافظ جديد للمدينة وصارم جدا والأحياء الجامعية كلها آمنة مثل الحي الذي تسكن فيه طبعا أما بعض الأحياء التي تقع على طرف المدينة مثل الحي الايطالي وبعض أحياء السود فيها خوف بعد غروب الشمس ولكنها بعيدة عن الأحياء التي يسكن فيها الطلاب دائما وهي الأحياء التي تكون قريبة من الجامعات .

طريقة الدفع تختلف حسب السكن بعضهم يطلب عقد من 6 شهور وأعلى وتدفع شهر مقدما قبل وصولك وبعضهم يطلب إيداع مبلغ معين يعني هذا راجع لنظام السكن لكن بالتأكيد سيطلبون منك دفع مبلغ معين مع الحجز مباشرة لكن الشروط تختلف .
ممكن أول شهر تراسل عوائل وتدفع لهم مقدما أو تحول لهم مبلغ الشهر مقدما وخلال وجودك ذا الشهر ترى بعينك السكن المناسب ورابط العوائل وعناوينهم في فيلادلفيا موجود في الصفحات الماضية .