هل في حضانة اطفال في RIT بليز ساعدوني
السلام عليكم..
أنا مبتعثة لولاية نيويورك - مدينة روشيستر - عندي قبول من معهد اللغة التابع لـ RIT . عندي استفسار لأي مبتعث في هذه المدينة .. هل في حضانة اطفال تابعة لهذا المعهد أو قريبه منه ؟؟ عشان ولدي حيكون معايا وعمره سنة ... إذا في كيف اسعارها وهل كويسة أو لا ؟؟ بليز ساعدوني ..
رد: هل في حضانة اطفال في RIT بليز ساعدوني
ايوه موجود حضانة قرأت المعلومة دي قبل كده خليني ادور عليها وارد عليكي على فكره تخصصك نفس تخصصي ان شاء الله انتي متى تبدأ دراستك
رد: هل في حضانة اطفال في RIT بليز ساعدوني
اهلين شروق
يوجد حضانة في RIT في نفس الكامبس .. يعني ممكن تحطي ولدك وتمري تشوفيه بين الكلاسات ...
سعر الحضانة تقريبا 2700 دولار في الكورتر .. وممكن يزيد او يقل شوي على حسب عمر الطفل..
في بداية الكورتر هذا وديت بنتي لها وكنت ابي اسجلها لمدة يومين بالأسبوع فقط .. لكن السعر طلع غالي شوي .. اعتقد حوالي 150 او 180 في الاسبوع.
همممم في كل كوتر يجي للحضانة مبالغ إعانة .. تختلف من كورتر لكوتر .. المبالغ هذي ياخذوها ويوزعوها على عدد الطلاب .. فيصير فيه تخفيض على قيمة الاشتراك للطفل .. يعني ماراح تدفعوا 2700 كاملة .. وخصوصا بكورتر الصيف .. ما يكون فيه اطفال كثير في الحضانة .. علشان كذا الاطفال اللي يكونوا موجودين في الصيف راح يحصلوا على خصم كبير في مبلغ التسجيل.
اتمنى تكون اجابتي كافية .. ولو احتجتي زيادة معلومات, عندي الأوراق حقت الحضانة كاملة.
توصلون بالسلامة إن شاء الله.
رد: هل في حضانة اطفال في RIT بليز ساعدوني
مرره شكرا ليكم .. تفاحة انا ابدأ دراستي في 5 جولاي / 23 رجب .. بس حتكوني في نفس الجامعة؟؟
معنا معلوماتك مره افادتني .. شكرا جزيلا .. بس كيف حيكون التسجيل فيها لازم من بدري وللا كيف؟؟
رد: هل في حضانة اطفال في RIT بليز ساعدوني
هذا رابط الحضانة http://www.rit.edu/studentaffairs/margaretshouse/
ان شاء الله حتكون دراستي يا على شهر 9 او شهر 12 لسه ما وصل الـ I-20 عشان أتأكد وحكون بإذن الله في نفس الجامعة عندي قبول في تخصص computer graphic design يعني راح نكون في نفس الكلية بس التخصص مختلف الله يسهل ليا ولكي يارب
رد: هل في حضانة اطفال في RIT بليز ساعدوني
انا محتارة بين التخصصين جرافيك ديزاين وكمبيوتر جرافيك بس احتمال اغير التخصص ... تفاحة انتي رايحة على بعثات الملك عبد الله ؟؟ انا معيدة ورايحة على حساب الجامعة..
رد: هل في حضانة اطفال في RIT بليز ساعدوني
انا ان شاء الله على بعثات الملك عبد الله , انتي ادخلي موقع الجامعة وشوفي التخصصين وشوفي المواد الدراسية حقتهم وانتي تميلي لأي واحد فيهم اكتر, التخصص اللي انا اخترته فيه 3D و ملتيميديا اكتر من التاني وكمان بالنسبة ليا فيه من ضمن كورساته مادة اسمها Instructional Multimedia هي اكتر شي شدتني للتخصص لأني من زمان كنت بدور على نفس الموضوع دا