جامعة ويست فرجينيا....لمن لديه سؤال او طلب مساعدة!

سلام عليكم
يعطيك العافيه اخوي ع مجهوداتك مع الاخوان وعسى ربي يجلعها في موازين حسناتك ..
ويسهل امور الجميع ...

حبيبي حبيت اسألك انا متخرج من الثانويه وتخصصي ادبي وحاب اقدم ع جامعة في الولايات المتحده بس
يتم القبول عادل بأي قسم .. ! واحد من الشاب سأل أخونا احمد خياط ( ربي يرضى عليه وعلينا ) وقله عـادي بس
يعطونك مواد pre college courses من خلال هاذي المواد يتم تأهيلك فيها لقسمك ..
دي المواد او دا النظام موجود في كل الجامعات او في بعضها .. !
وطيب اخوي هل لو طلعت ع حسابي ودرست وفي بدايت الدراسه قدمت على الملحقية هل راح يضموني او عشان قسمي الشرعي او معدلي محا يتم ضمي .. !
ياليت اكون وصلتلك المفيد ويـاليت تفدني
وربي يرضى عليك ويسهل امورك

هل فيها قانون وكيف احصل على القبول عن طريق النت من الجامعه انتظر الرد

هل يوجد كومنتي كولج في ويست فرجينيا

الله يعطيك العافية اخوي على هالموضوع الرائع
حبيب انا عندي استفسار!!
انا انهيت البكلريوس في طب الاسنان والان اعمل في وزارة الصحة السعودية وارغب بدراسة الماجستير في جراحة الاسنان او جراحة الوجة والفكيين , فهل طريقة القبول معقدة كما سمعت؟؟؟(سعودي)

لو سمحت أنا أبغى أدرس ماستر علوم طبيه
هل هذا القسم موجود ولا لا؟
واذا موجود ايش الإجراءات اللي أسويها للقبول؟

ياخوان الي تستفسرون عن الاقسام ادخلو موقع الجامعه وابحثو عن الاقسااام والله يوفقكم

ما بأفهم شي من المواقع
أبغى أحد يساعدني

اللي ساعدوا بالردود يعطيكم العافيه :)

MR_NAWAF:
وعليكم السلام ورحمة الله وبركاته

النظام هذا موجود بكل جامعات امريكا ... اذا درست في جامعه بالسعوديه وخلصت مواد قبل سفرك ودراستك لامريكا ممكن تحول بعض هالمواد فبالتالي تخرجك بيصير بسنتين او 3 بدل الاربع...
النظام ان لازم تاخذ مواد اسمها GEC (general education curriculum)
والفكره قبل قبولك في كليتك اللي مقدم عليها (كليه هندسه ميكانيكيه او الكترونيه او كيميائيه على حسب.....
في ثلاث متطلبات لكل طالب يدرس باي جامعه بامريكا....هذا اذا فرضنا ان هالطالب ما حول اي وحدات من السعوديه او اي ديره ثانيه...
اول شي كل طالب بغض النظر عن تخصصه لازم ياخذ ماده(3وحدات) في كل قسم من هال9 اقسام الموجوده بهالموقع (objectives).....هالمواد عندك طول فترة دراستك(اربع سنين) تقدر تخلصها يعني مو محدده بفتره معينه...
Office of the University Registrar | General Education Curriculum | West Virginia University

ثانيا على حسب التخصص في مواد لازم ياخذها الطالب عشان يدش التخصص اللي اهو مقدم عليه(غالبا لازم تخلصها بسنتين اذا انت شغلك عدل بالدراسه) ....مثلا:
لتخصص chemical engineering
الطالب لازم ياخذ مواد Chemistry 115,116,233,234
ومواد Calculus..ومواد ثانيه مشابه
هذا بس عشان يتم نقل ملفك الى كليه الهندسه الكيميائيه

ثالثا والمرحله الاخيره:
الطالب راح يدرس مواد التخصص واللي راح تصير بعمق التخصص واللي مطلوبه على هالتخصص بس(ساعات تكون مواد متشابهه بين تخصصات ثانيه) مثل مواد thermodynamics و statics

هذا كل طالب بامريكا لازم يمر بهالمراحل في الدراسه ولا مايتخرج...والله اعلم...

بالنسبه لتحويلك على الملحقيه...انا اللي شفته مع الطلبه السعوديين هني ان بعضهم يدرسون على حسابهم لمده سمستر واحد او سنه كامله وبعدين يحولون عالبعثه (بعد اتمام المواد المطلوبه وبمعدل محدد...وانشالله هالشي مو صعب :) )
----------------------------------------------------------------------------------------------------------------------------------------------------------------------------------


reval:

اي نعم الجامعه فيها قانون...ونعم فيها كومينتي كوليج وفي بعد غيرهم في مدن قريبه واسهل من اللي هني... مثل Youngwood town community college في ولاية بنسلفانيه (تبعد 45 دقيقه او ساعه بالكثر)

هذا موقع للجامعه بتخصص القانون
College of Law | Academics | West Virginia University

----------------------------------------------------------------------------------------------------------------------------------------------------------------------------------


صالح بن محمد:

الله يعافيك حبيب...
اول شي هذا الموقع الخاص بتخصص طب الاسنان
Graduate Programs | Academic Programs | School of Dentistry | WVU Health Sciences Center

اللي اعرفه ان لازم تخلص واطوف امتحان البورد (الاول) لان في اثنين...بجانب اللغه
مثلا في احد التخصصات المتوفره واهو تخصص تقويم الاسنان هذي المتطلبات :
Master of Science in Orthodontics | Academic Programs | School of Dentistry | WVU Health Sciences Center
كل المطلوب بهالموقع انشالله تلاقيه....


----------------------------------------------------------------------------------------------------------------------------------------------------------------------------------

ميمي:

اتوقع تقصدين تخصص microbiolgy مثل مو واضح عندج بالمعلومات....
اي نعم موجود هالتخصص للدراسات العليا...

اول شي هذي معلومات عامه عن مسؤولين وارقام القسم الخاص بهالتخصص
https://gradprograms.wvu.edu/pls/ecs...ESULTS:222%2CY

وهذي فكره عن التخصص :
Graduate Program | Department of Microbiology, Immunology, and Cell Biology | WVU Health Sciences Center
وان شاء الله اسال اكثر عن متطلبات هالتخصص واردلج خبر برد ثاني...





انشغلت مع الدراسه ... فاسف على التاخير بالردود...دعواتكم :)

السلام عليكم*

إخواني وأخواتي مساكم الله بالخير*

انا طالب مبتعث وجبت قبول للمعهد بفرجينيا مدينة *Arlington واسم*

المعهد HARRIET FULBRIGHT COLLEGE *

فسؤالي ماريكم :*
1- المدينه ( غالية - امنه - يوجد سكن للعزاب )*

2- المعهد " المكتب يقول لي انه جديد والملحقيه صارت تحول الطلاب عليه "*

اسف علي الاطاله لكن لا تبخلووووو علي وشكراً

السلام عليكم انا حبيت استفسر عن جامعه
West Virginia institue technology
الي موجوده في مدينه Montgomery
أرجوكم مساعده واي معلومه عن المدينه وافضل سكن