جامعة ويست فرجينيا....لمن لديه سؤال او طلب مساعدة!

ابو معتز:
ياهلا فيك طال عمرك والله يحييك ويبقيك
حاضر وبالخدمه حبيب...الحمدلله اني افدتك ولو بالقليل...اي الكوبر بيتش حلو عندهم غرفه وحده..وقاعد يبنون وحدات سكن الحين ... بس عارف وضع الفواتير اللي انت لازم تدفعهم وتجابلهم وما تتاخر بالتسديد..مشكلة الفواتير هني انك لا تتاخر في سدادهم بس ولا الفواتير نفسهم متوسطه الى رخيصه ساعات...الماي والكهربا والكيبل والنت اهم فواتير الكوبر بيتش....انا عني افضل الكوبر على الوست رن...الوست رن حلو وبنفس المنطقه بالضبط ...وكل شي مدفوع من قبل السكن بس مافيه غرفه وحده على ماذكر...والغرفه اصغر من الكوبر..والكواليتي اقل من الكوبر...

مادري انا عندي سيدان دفع امامي ماشيه حلو بالشتا...بس انا حاط تواير ثلج اهي اللي ساعدتني ومشت السياره صح...اكيد الجيب احسن مافي كلام...بس اذا بخاطرك بسيدان الثلج مو سبب يخليك ماتاخذها..اعتمد من عندي ركب تواير ثلج على سياره(دفع امااااامي) وماعليك من الثلج بس السواقه بركاده :>:>...صاج معاك حق المدينه طبيعتها حلوه خصوصا بالصيف والخريف...هههه شوي يمكن تضيع بس بتعود عليها ماعليك
---------------------------------------
طرقي:
سلمت حبييب الله يخليك...
Graduate Education | New Students | West Virginia University
هذي متطلبات الدراسات العليا بالجامعه...
يعني بشكل عام اقل شي معدل 2.75 حق القبول بالدراسات العليا هني ...وعلى حسب القسم اللي تبي تدرس فيه كل واحد له متطلباته الخاصه ومعدله الخاص اللي ممكن يتوافق مع المعدل العام المطلوب او يختلف معه....

هذي صفحة جميع التخصصات الموجوده بالجامعه...والاعتراف عاد من وزارة التعليم العالي عندكم:
West Virginia University | Majors
اتوقع والله اعلم انك تبي هالتخصص:
West Virginia University | Majors
او هذا
West Virginia University | Majors

مادري اذا هذا جاوب على اسالتك او لا ...اذا لا بلغني وان شاء الله اشرح زياده
------------------------
fahad78:

هذا موقع قسم الهندسه المدنيه ومتطلباتهم...
WVU Civil and Environmental Engineering:

فمطلوب منك اقل شي 30 وحده تخلص...وطبعا على حسب شغلك ومزاجك وقدرتك تقدر تخلص بسنه ونص اذا تبي او سنه والله اعلم...بس بتطلع روحك شغل...انا افضل انك تاخذها بسنتين مثل ماهو متعارف عليه بامريكا بالنسبه للهندسه وطبعا قرارك بالاخير...ال30 وحده لازم 6 وحدات نظام بحوث.وتخرجك يكون بعد الامتحان اللي ممكن يكون شفهي او كتابي او الاثنين...مطلوب ثيسيس ربورت عليك.. وفي عندك نظامين ثانيين اللي اهم واحد لازم تخلص 36 وحده من غير الربورت الاخير بس لازم يكون عندك خبره عمليه بالهندسه من قبل و خبره بكتابة التقارير التقنيه... واللسته موجوده عندك وفيها ثلاث انواع شوف اللي يعجبك واذا تبي شرح حق اي واحد منهم امرني بس...
وهذا قسم متطلبات دخول الماستر بقسم الهندسه المدنيه:
WVU Civil and Environmental Engineering:
لازم معدل 3 اذا تقدر تشوف من المطلوب حق هالقسم اما بشكل عام الجامعه لازم اقل شي معدل 2.75...والتوفل 213 (computer based) or 79 (iBT version) or 550 (paper)

في سمسترين بالسنه وفي صيفيين (صيفي 1 و2) مدة كل واحد شهر ونص ...على حسب الماده لان في بعضهم لازم الصيف كله والبعض بصيفي واحد من الاثنين تقدر تخلصهم...

بالنسبه انك تجيب اهلك او لا..بصراحه كلش ماقدر افيدك بهالشي لان انا عزابي ومو متزوج فمادري اذا تفرق ولا لا...بس اتوقع برايي راح تفرق لان لمن ترد من الدوام وتلاقي شغلك زاهب والاكل مضبوط..فراح تبدع بالدراسه ...وعلى فكره مطعمين عربيين بس عندنا والله يزيد النعمه ...اكلهم لك عليه..فالزوجه اهني تفرق...واقرب مطعم عربي شغله عدل يبعد ساعه بالسياره في بتسبرغ ولاية بنسلفانيا
مافي عوايل كثيره لابسين النقاب اهني بصراحه...هالكورس بس عايلتين او 3 شرفونا وصدفة بالجامعه والامور عاديه ومادري عن وضعهم شلون مرتاحين ولا لا..بس ظاهريا ان شاء الله خير...


رسوم الدراسه مو ثابته...تتغير بنسبه 3 بالميه كل سنه الى خمس سنين...يعني على مزاج الجامعه...بس هالسنه 9128 دولار للفصل الواحد وفي فصلين بالسنه ...دوام كامل full time student

------------------------------------------------
First KSA:
في اكثر من عائله معروفين انهم يسكنون طلبه من الخارج وعلى حسب وضعك واندماجك معاهم راح تتاثر لغتك اكيد شي بديهي...اعتقد ان العائله مو سبب رئيسي بتاثر لغتك تقدر تعاشر الشعب نفسه وتحسن لغتك...بس العائله يمكن لان كل يوم مجابلهم...
التسويق تخصص سهل الى متوسط على حجي اللي تخرجوا من هالجامعه...انا برايي من اللي اشوفه من المواد المطلوبه في اول 3 سنوات فتخصص سهل ومستوى الجامعه وتقديرها بهالتخصص متوسط...راح تصعب معاك اخر سنه لان مطلوب منك لغه قويه نسبيا حق البزنتيشنات وفي خلال سنتين ان شاء الله اللغه بتكون متقنها...وعلى حسب شغلك اكيد

------------------------------------------------------------

اسف مره اخرى اذا كانت الاجوبه طويله بس ماحبيت انسى شي...وفقنا واياكم يا اخون...واللي عنده اي سؤال ثاني او استفسار لا يتردد بالسؤال ....
موفقين خير

ياعسى عمرك طويل ,صج انك اصيل ومايجي منك اقصور الاجوبه وافيه

ياليت تفصل بموضوع الدراسه
يعني جم يوم بالاسبوع؟ وهل ضروري كتابي مقابل وجهي كل يوم(لاني صراحه مليت من الدراسه وتوني متخرج من بريطانيا وكاره شي اسمه كتاب)
يتبع بعد سماع الجواب .....

ماعليك زود يا فهد ...
شوف هالاشياء هذي بكل جامعه بامريكا مو ثابته...على حسب الفصل الدراسي ومنو يدرس الماده ومنو مسؤول القسم...يعني ممكن تاخذ كلاسات كلها بالبيت وتكون بحوث...وومكن تاخذ كلاسات كلها محاضرات وتحضير...وعلى حسب المواد اللي تبي تسجلها وجدولك...انت اللي تختار الجدول فماقدر احكم لانك انت اللي تبي تسجل المواد...في ناس ياخذون 3 ايام بالاسبوع محاضره وحده كل يوم..والباقي بالبيت لمدة سمستر وبعدين يتغير الوضع...

وبشكل عام يعتمد على قدرة الشخص الاستيعابيه ...والانجليزيه تفرق بعد...يعني اذا تفهم وتحفظ الشغل بسرعه فقبل الامتحان بيوم انت اوكى...وهم ارد واقول على حسب مادتك في مواد لازم تجابلهم كل يوم لمده ساعه على الاقل عشان ما تندق اخر شي...وفي مواد قبل الامتحان بيوم يمدي تخلص...فيعتمد عليك انت انا ماقدر احكم...بس الشباب هني عادي وضعهم يطلعون ويردون ومذاكرتهم مو كثيره(هذا الظاهر والله اعلم )...

السلام عليكم اخي العزبز اود ان اسألك هل هذي الجامعه تعطي قبول مشروط للماستر في الكيمياء ولك شكري

وعليكم السلام ورحمة الله وبركاته....
اي نعم اخ جسار القبول المشروط موجود بهالجامعه في اكثر من تخصص...وموجود لماستر الكيمياء...في حالات اذا الطلبه ماعندهم توفل مثلا لازم يقدمون بهالطريقه مع التحديد باستمارة التقديم بان لازم تدخل معهد اللغه بالجامعه وتعدي الليفيلات كلهم او تعدي التوفل...قسم الكيمياء اهو المسؤول عن قبول طلبك(القبول المشروط) وليس مكتب التقديم بالجامعه..مكتب التقديم يوصل الاوراق الى قسم الكيمياء اللي عندنا ويتابعون الحالة واما يوافقون او لا سمح الله يرفضون...وموفق حبييب

عاد مافيهم واحد يدرس هندسه مدنيه
ترى اخوك نص خلايا مخه انتهت صلاحيتها

يعطيك العافية باندات ..

عالأغلب بسكن في كوبر بيتش .. بس ياريت لو تتفضل و تقولي الـ Average حق الفواتير كم يطلع!؟ تقريبا!!

واسمح لنا عالأسئلة الكثير

اخي الكريم
عندي قبول مشروط 550 توفل للدكتوراة
الانجليزي عندي ميح
هل من الافضل اشوف لي معهد آخر
ام من الافضل الدراسة في معهد الجامعة

تحياتي لك

فهد:
لا للاسف مافي غير طالب كويتي يدرس بكالريوس هندسه مدنيه ...

ابو معتز:
باذن الله يابو معتز توصل سالم....على حسب استخدامك للكهربا والماي اكيد...الكييبل(الدش ) مع النت بيطلع 80 الى 100 دولار بالشهر...والماي اكيد ارخص من الكهربا...الكهربا تقريبا 70-150 بالشهر لان نظامهم اهني estimation مايحسبلك بالضبط جم بس يسوي تقدير حق بعض الاشهر ويقولك واللي يزيد يروح حق الفواتير الثانيه ويسددها..والماي ماعندي فكره عنه بصراحه بس اتوقع 60-100 بالشهر...

والله اعلم...

---------------
الاخ عبدالرحمن....

اعتقد والله اعلم ان القبول المشروط لازم تعدي المعهد حق الجامعه نفسها...او ممكن تجيب توفل IBT او CBT بعد ما تاخذ لغه زينه بمعهد ثاني بجامعه ثانيه...للمعلوميه ان السعوديين كثييييييييررريييين جدا جدا بالمعهد واحسب بعد الجنسيات العربيه الثانيه من الكويت والجزائر ووووو....انا اذا ابي معهد لغه ماروح حق معهدنا بصراحه بس مادري شنو الشروط الكليه للقبول المشروط عندنا ...اسف اذا مافدتك...بس هذا اللي اعرفه

وشكرا

الله يرحم والديك
ومشكور ومافصرت