الأعضاء الإشتراك و التسجيل

الملتقيات
ADs

جامعة ويست فرجينيا....لمن لديه سؤال او طلب مساعدة!

جامعة ويست فرجينيا....لمن لديه سؤال او طلب مساعدة!


NOTICE

تنبيه: هذا الموضوع قديم. تم طرحه قبل 2764 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. وعليكم السلام ورحمة الله وبركاته...
    عفوا اختي الفاضله امين ماسوينا شي والله ،،،
    صح كلامج في عموما عندنا فترتين سمر سمر واحد وسمر اثنين...وفي كلاسات معينه تنزل بكل فتره سمر...وفي كلاسات اقل شي يكونون 3 اسابيع طبعا على حسب تبين الكلاس بالليل ولا الصبح على حسب الماده نفسها...25 الشهر هذا راح يخلص سمر 1 وبتاريخ 28 الشهر هذا يبلش سمر 2....مادري والله اذا في شي جذي لان ماسمعت عنها طول فترة دراستي هني...اللي اهو تاخذين 101 وتخلصينه باسبوع!!
    وبعد هالاسبوع تاخذين 102 ...هذا اللي فهمته منج...اول شي تعبين طلب تسجيل مواد وتقديم على الجامعه تقديم خاص يكون وسهل...انا عندي امتحان هالثلاثاء بعده باذن الله اروح لمكتب القبول واردلج خبر عن اللي يبونه بالضبط

    موفقه خير
    7 "
  2. السلام عليكم ورحمه الله وبركاته

    اخوي bandat
    الله يجزاك كل خير على اللي تسويه لاخوانك الطلاب من مساعده
    والله وسبعه انعام فيك
    (خلق - طويل بالك - صادق - محترم )
    مدري وش اقول بالضبط
    ماشاء الله عليك ( الله يوفقك دنيا واخره ويرجعك لاهلك رافع راسك وراس اللي ينتظروك )

    ان شاء الله جايكم بـ 8 اوغست مستجد و ان شاء الله يحصل لي الشرف واقابلك واسلم عليك الغالي

    واذا فيه خدمه من السعوديه قبل اجيكم بالخدمه لك ولاي طالب ثاني

    تحياتي للجميع
    7 "
  3. الولايه فيها جامعه فيها تخصص صيدله وتعادل

    لانه انا خريج دبلوم صيدله وابغا جامعه تعادل لي عشان اكمل بكالوريس
    وواجهتني مشكله انه اغلب الجامعات في امريكا ما عندهم تخصص صيدله
    وعندهم تخصص دكتور صيدلي (فارما دي) وما يعادلوا لي لاختلاف التخصص

    اخوي الله لا يهينك لو تسال لي في ولايتك و جامعتك فيه تخصص صيدله ويعادلوا لدبلوم صيدله
    كانت تسوي فيني خيـــر انا الصراحه لي اكثر من 8 شهور وانا قاعد ابحث في ها لموضوع


    وبانتظار ردكـ
    7 "
  4. هتاف:
    وعليكم السلام ورحمة الله وبركاته ,,,,
    وياك حبيييب,,,ماعليك زود والله يخليك على هالكلام الطيب ماسوينا شي كلهم اخوان واذا نقدر نقدم مساعدة بسيطه ليش لا
    ويوفق الجميع امين دنيا واخره...
    ابيك توصل سالم حبييب وابي سلامتك...حياك الله بين اخوانك والشرف لنا ان شاء الله ..موفق خير حبييب

    شاكر لك على الكلام مره ثانيه
    --------------------------------

    عبدون:
    الجامعه فيها دكتوراه يعني دراسات عليا بس...للاسف مافيها بكالريوس
    هذي اسامي جامعات اعتقد فيها بكالريوس ان شاء الله تفيدك
    Academic Programs
    The PharmD — UNC Eshelman School of Pharmacy اقرا هالفقره:
    For students interested in becoming practicing pharmacists, our professional education program offers the doctor of pharmacy, or PharmD, degree. The PharmD is neither an undergraduate degree (such as a BS or BA) nor a graduate degree (such as an MS, MBA, or PhD). The doctor of pharmacy is a professional degree for pharmacists similar to the doctor of medicine (MD) for physicians or a doctor of dental surgery (DDS) for dentists.

    هذي من الموقع الثاني...

    النظام لاخذ شهادة الصيدله لازم تكون ببرنامج اسمه PHARM.D
    انا دراستي مقاربه للبرنامج بس تخصص مختلف... هذا يعني انا مايكون عندي بكالريوس لان مو هذا مسماها راح يكوني عندي مسمى ثاني للشهاده... فاعتقد ان PHARM.D اهو التخصص اللي ادور عنه ومادري بالنسبه للمعادله ...هذا اللي اعرفه بس اسال زيادة عشان تتاكد اكثر ولا تعتمد على كلام شخص واحد بس

    موفق خير
    7 "
  5. السلام عليكم

    بغيت اسأل عن القبول بشكل عام ولدبلوم التمريض بشكل خاص

    * هل الجامعه تعطي قبول سريع ؟ والا محتاجه انتظر شهر عشان يوصلني القبول ؟

    لاني قريت في اكثر من موضوع ان قبولاتها ماتوصل بسرعه !!

    * بالنسبه لمعادلة دبلوم التمريض كيف؟ هم راح يعادلوا لي والا لازم اجيب معادله من شركه مثل ويس ؟
    هل تعرف احد يدرس تمريض هناك ؟

    ومشكور مقدم ..
    7 "
  6. اشكرك اخي الكريم على مساعدتك لأخوانك واخواتك الطلاب
    عندي كم استفسار

    انا ارسلت اوراقي للجامعه قبل كم يوم ودي اسئل عن بكلوريوس هندسة ميكانيكيه هل صعب في الجامعه عشان انا بصراحه كنت ادرس في جامعة كانتبري في نيوزينلدا وبصراحه الجامعه مرررررررررره صعبه
    وابغى انقل على امريكا بآسرع وقت وابغي جامعه تقدر جهدي في المذاكره وتعطيني حقي

    انا عدي عائله مكونه من ٥ اطفال و٢ بالغين

    كيف نظام السكن هناك وكم غرفه وهل ممكن تعطيني اسعار تقربيه

    تحياتي لك
    7 "
  7. وحده من الناس:
    اسف على التاخير بس ظروف صارت عندي وماقدرت اروح واجيك،،،اول شي مثل ماقتلج قبل ان في كلاس اسبوعين اقل شي وكلاس فتره اولى وفتره ثانيه ،،،هالاثنين انشالله راح يبلش سمر 2،،،في شغله حلوه تقدرين تستفيدين منها اذا ناويه تخلصين الانقلش كلهم باسرع وقت,,,
    http://adm.wvu.edu/r/download/44557
    هالموقع يعرضلج المواد اللي ممكن اطبقين طريقة اسمها credit by examination يعني تخلصين الماده كريديت بس لمن تخلصين امتحانها اللي لازم تسالين القسم تبعها عن موعده....هذا خيار من الخيارات بس موضوع ان تخلصين انقلش باسبوع فهذي مستحيله والله اعلم...فاحسن طريقه ان تزهبين حق امتحان الانقلش مثلا وتختبرين وتدفعين رسوم اتوقع خمسين دولار للماده وتعدينها وانتي خالصه...

    انا افضل تاخذين الكلاس عادي لان كلاسات الانقلش عندنا وناسه يمكن فيها كتابه بس اذا تحبين الكتابه والتفنن فيها فانشالله بيكون وناسه الكلاس والخيار لج اكيد ،،،انشالله افدتج اختي،،،،موفقه خير

    ----------------------------------------------------

    Pancy:
    القبول بالجامعه سهل بس تحويل مواد الدبلوم يمكن شوي يبيله شغل لان متشددين على المواد وصعب تحويل المواد،،،عموما مادري يمكن الدبلوم اللي عندج قوي والمواد تعادل خطه دراسه المواد المشابهه لها هني فيحولون باسرع وقت ،،وارد هالشي
    كقبول عادي اتوقع سريع اذا في احد مجابله يعني،،بس تحويل الدبلوم والمواد لازم انتي نفسج تيين عشان تشوفين كل قسم شنو يبي بالضبط،،،للاسف ماعرف احد يدرس تمريض ولا سمعت عن احد يدرس تمريض،،،
    West Virginia University | Majors هذي صفحة التخصصات اللي عندنا
    وموجود بكالريوس وماستر ودكتواره في التخصص اللي تبينه ،،،ماتوقع ان لازم تييبين تحويل دبلوم من شركه معينه تعالي انتي بنفسج معاج الدبلوم وكل المواد اللي اخذتيها مع المناهج الدراسيه لها وروحي لكل قسم وكلميه حاولي تقنعينهم ...والله اعلم
    اذا في اي مشكله بالقبول لا يردج الا لسانج اختي انا موجود بالولايه وانشالله اشوف اذا اقدر اييبلج قبول موفقه خير واسف على التاخير بعد...

    -----------------------------------------------
    طالب كانتبري عفوا طال عمرك واجبنا,,,,
    التخصص هذا معروف من اصعب التخصصات بالهندسه بكل جامعات امريكا مابي اخوفك بس مابيك تنصدم بالواقع,,,,بس انت على كلامك تقول يقدرون تعبك وجهدك فاتوقع باذن الله انك انسان تدرس وتحب انك تعطي المواد حقها،،،وهني معروف تشتغل صح درجاتك تكون عاليه والمدرسين اغلبهم متفهمين,,,,ماشالله الله يخليهم لك ان شاء الله,,,هالعدد لازم بيت يبيله,,,في اكثر من سكن واكثر من نوع سكن
    في عندك اكثر من سكن غالي شوي بس حق عوايل وفي اكثر من سكن يكفي لعايلتك بس يكون يمك طلبه وفي ساعات حفلات تصير بسكن الطلبه,,مفعلى حسب انت شنو تبي ومدى تفهمك للامور هذي

    في سكن اسمه Orcherd
    Metro Property Management - Morgantown, West Virginia
    هذا موقعه السكن فيه امن حلو حيل,,,وراقي شوي

    10 Unit Building
    Two Bedroom - Two Bath Without Garage $865.00 w/ $900.00 Deposit
    Two Bedroom - Two Bath With Garage $945.00 w/ $1000.00 Deposit*
    Three Bedroom - Two Bath With Garage $995.00 w/ $1050.00 Deposit*

    4 Unit Building
    Two Bedroom - Two Bath With Garage $995.00 w/ $1050.00 Deposit*
    Three Bedroom - Two Bath With Garage $1095.00 w/ $1150.00 Deposit*
    هذا اللي عندهم باختصار

    وفي سكن اسمه Windwood place
    من اكثر الوحدات السكنيه اللي احبها بهالمدينه راقي جدا,,,والاداره زينه ومافي ازعاج وكل العوايل اللي يمك فريندلي...
    في عندهم غرفتين وفي عندهم بيوت
    Windwood Place
    هذا موقعهم

    وفي سكن اسمه Copper beach نظام town houses بس هذا اغلب اللي فيه طلبه
    في من غرفه وحده الى اربع غرف,,,,بس البلكونه مشتركه بينك وبين السكن اللي يمك...
    هذي اسعارهم بموقعهم الرسمي
    Copper Beech Townhomes - Morgantown, WV: Rates

    في سكن اسمه Suncrest راقي جدا وامن حلو جدا والسكان محترمين
    Suncrest Village Luxury Condominiums: Morgantown, WV Rt. 705: Go WebSite Live™
    هذا موقعه شوف انواع الغرف اللي عندهم اذا تبي

    في عندك اكثر من خيار واذا تبي خيارات اكثر كلمني وانشالله اقدر افيدك...اي سؤال امرني بس عن اي شي....

    موفق خير حبيب واسف على التاخير
    7 "
8 من 20 صفحة 8 من 20 ... 378913 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.