جامعة ويست فرجينيا....لمن لديه سؤال او طلب مساعدة!
جامعة ويست فرجينيا....لمن لديه سؤال او طلب مساعدة!
تنبيه: هذا الموضوع قديم. تم طرحه قبل 5079 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - مرحبا أخوي7 "
هل يوجد عندكم تخصص بكالوريس هندسة طيران ؟؟
- يعطيك الف عافيه على هل المجهود الطيبه7 "
عندي جم سؤال بختصار
اول شي انا ابي ادرس تمويل
شلون الدراسه بهل الجامعه صعبه ولا متوسطه ؟؟
يعني الدراسه معقده فيها ولا لأ
وبالنسبه للمعيشه فيها معقوله ولا غاليه
ويعطيك العافيه - والدينا او والديك يا فهد...عفوا حبييب...7 "
-------------------
حمود:
وعليكم السلام ورحمة الله وبركاته...
انا بخير دامك بخير...عفوا حبييب ماسوينا شي والله...
شوف انا مادري عن معهد VCU شلون صاير لان ولاية ثانيه وماروحلها كثير لانها تبعد 5 ساعات عن مورقانتاون(جامعة وست فرجينيا)...بس اللي اعرفه ان فيها طلبة عرب عدد لا باس فيه...وما اتوقع ان معهد لغة وست فرجينيا احسن من VCU لان اللي عندنا الطلبه العرب بشكل غبي فيه والمعهد مادي لابعد الحدود فمايهتمون لمصلحة الطلبه يبون فلوس عشان اكون صريح معاك والله اعلم هذا على الظاهر...وان كان فرضا ان جامعتنا بالمعهد احسن وانت رحت لجامعه VCU فراح يكون عندك بديل لغه زين: وهو كبر المدينه وقربها الى واشنطن العاصمه وشاطئ فرجينيا اللي ممكن تستفيد من زيارتك لهم باحتكاكك مع الامريكان وعدم مصادفتك للعرب كل نص ساعه مثل ماهو صاير هني...انا افضل وهذا رايي انك تروح لغه في فرجينيا كومونويلث اول (VCU) وتزور ولايتنا بعطله او شي جذي وتشوف الوضع قبل ماتاخذ قبول من الجامعه عندنا يمكن تعجبك وست فرجينيا اكثر!...بالنسبه للتحويل مادري والله شنو نظام السعوديين بالتحويل اعتقد لازم قبول الملحق الثقافي فكلمهم وان شاء الله خير(اتوقع ان مافي مشكله ان شاء الله لان متساهلين ما شاء الله بالملحق بالنسبه لهذا الشي)....
----------------------------------------
يبي يصير مهندس: خوش اسم والله يوفقك
عندنا التخصص الوحيد المتعلق بالطيران اسمه Aerospace Engineering
مادري اذا هذا اللي تقصده او لا ...بس هذا هندسة الفضاء مادري اذا نفسه هندسة طيران ولا لا بصراحه...
وسامحنا عالقصور...
------------------------------
الله يعافيك اخ مشعل:
انا برايي ان الدراسه بامريكا اغلبها متوسطه...وليست معقده بعكس الخليج عندنا التعليم غبي مع الاحترام لكل من له صلة بالتعليم...التمويل تخصص حلو وفي ماشالله 4 من الشباب تخرجوا هالسمستر ومعدلاتهم حلوه ماشاءالله...المعيشه معقوله جدا هني بس المشكله الوحيده بامريكا كلها موضوع تامين السياره اللي اشوفه ماله داعي يمكن يغثك اذا كنت تحت عمر 25...بس لا تحاتيه حيل مقدور عليه ...الدراسه متوسطه الى سهله في بعض المواد في هالتخصص بجامعتنا....
موفق خير اخ مشعل والشباب كلكم...وسامحونا عالقصور...واي استفسار ثاني انا حاضر.. - مرحبا يا غالي7 "
ألف شكر على ما تقدمه من معلومات
أخوي عندي كم إستفسار :
أنا طالب حالياً في معهد (نوفا) في فرجينيا .. ومحتاج قبول ماجستير في ( علم النفس - إكلينيكي ) مدري جامعة ويست فرجينيا فيها هالتخصص ؟ و شنو شروطهم ؟ خصوصاً إن معدلي حوالي 2 من 4
كل الشكر لك و الله يجعل ما تقدمه في ميزان حسناتك
مودتي - مرحبا اخوي ,, انا عندي قبول من جامعة ويست فيرجينيا تخصص ( هندسة كمبيوتر )7 "
بس القبول اللي وصلني هندسة عامة وبعد ماخلص المتطلبات ادخل الخصص .. ممكن توضح لي كيفية الدراسة بهالتخصص والمواد ومستوى الدراسة
وعندي قبول ثاني من جامعة kansas state university بنفس التخصص ,, عندك فكرة ايش الافضل بينهم ؟
تحيتي لك - بيض الله وجهك وماقصرت وعسا الله يوفقك وسهل دربك7 "
شكرا شكرا شكرا اخوي - مساء/صباح الخير...7 "
جعل الله ماتفعله في ميزان خدماتك وأنارالله طريقك ووفقك ويسر أمرك وردَك إلى أهلك سالماًغانماَ......آمين
أنا حاصل على درجة البكالريوس في الرياضيات بمعدل 4 من 5 وأريد أكمًل ماستر بنفس التخصص وسؤالي هو كيف الجامعة من ناحية الرياضيات (معقدة-متوسطة-سهلة ) وماهي شروط القبول في تخصص الرياضيات. وجزاك الله خير الجزاء. - مرحبا فيك اخ سلطان العفو حبيب ان شاء الله نقدر نساعدكم بس...7 "
اي الجامعه فيها هالتخصص وشوي طلبات القبول تبيلها شغل بس ان شاء الله قدها مادخلت هالتخصص الحلو الا طموح باذن الله...
الطلبات موجوده بهالموقع:
Psychology | How to Apply
وفي لسته عاليسار فيها اشياء جانبيه يمكن تستفيد منها...واذا تبي اشرحلك اي شي فيها امرني حبيب...
عندي سؤال شلون معهد نوفا من كل النواحي؟ للمعلومات العامه فقط
---------------------------------------------------------------------
مراحب ترووك:
بصراحه ماعندي فكره عن جامعه كانساس كلش....
مواد قبل التخصص ان شاء الله حلوين ومو صعبين للدرجه اللي تفكر فيه ... ولمن تدش التخصص سنه ثالثه اتوقع والله اعلم بتصعب شويه المواد بس هم بعد مقدور عليهم الشباب مايقصرون هني..في طالبين او 3 تقريبا وان شاء الله الامور زينه...
سامحنا عالقصور....
----------------------------------------------------
او وجهك حمود...امين اجمعين الله يسلمك....
------------------------------------------
امين اخ سعودي... وياك ان شاء الله...
انا تخصصي يتطلب اني اخلص Calculus 1 بس وحتى الان كل شي سهله بالنسبه لي(لا تحكم من رايي بس لان كل شخص له طريقة دراسه وله قدرة استيعابيه يمكن انت احسن من باقي الناس اخ سعودي فبقولك رايي وخبرتي بس) والدكاتره جيدين ومتفهمين كما هو الحال مع اغلب الجامعات بامريكا....برايي ان الرياضيات مستواها متوسط الى سهل نسبيا في بعض المواد...
هذا الموقع اللي المفروض فيه المتطلبات:
Graduate Programs Overview | Department of Mathematics
بس للاسف مالقيت شي فيه...ودقيت على قسمهم يقولون ان المسؤول مسافر ...
بس هذي المتطلبات العامه للجامعه يعني بشكل عام اقل طالب لازم يكون عنده بعض او كل هالمتطلبات
Graduate Education | New Students | West Virginia University
موفقين خير يا اخوان - س1/ هل يوجد قسم علوم الحاسب الالي _ ايضا قسم تقنية معلومات؟؟7 "
س2/ متى تبدأ اجازة الصيف ومتى تنتهي لاني تهمني كثير ابغى اكون رمضان عند اهلي ؟؟
واشكرك على تجاوبك ...
كيف الحال يالغالس عساك بخير
اول شي ان اشكرك على مجهودك اللى اكثر من روعه ... وجعلها في ميزان حسناتك يارب
وثاني شي انا حاب اسالك هل جامعه ويست فرجينيا افضل من جامعه vcu بالنسبه للغه ....؟
وحاب اعرف كم تبعد جامعه ويست فرجينا في مدينة ريتشموند ...؟
انا عندي قبول من جامعه ال في سي يو وعندي الفيزا وان شاء الله قريب جاي مدينة ريتشموند في ولاية فرجينيا
وحاب اعرف هل اقدر احول دراستي على جامعه ويست فرجينيا ....؟
شكرا