معا لنحضر قبولات ماستر قانووون ,,’
السلام عليكم ورحمة الله وبركاته:
انا طالب مبتعث في كندا وبقى لي ثلاث شهور على نهاية البعثه للغه, وانا احاول البحث عن قبول ماستر قانون (تجاري) في امريكا مع العلم:
1-تخصصي قانون اسلامي
2-درجتي بالايلتس:5,5
3-معدلي:3,81/5.0
الرجاء من الاخوان المساعده بأعلامي بالجامعات التي تناسب وضعي وجزاكم الله خير.
رد: معا لنحضر قبولات ماستر قانووون ,,’
عندك جامعة ولاية ميتشقن إمكانية القبول فيها سهله، والجامعة متميزة.
وفيه مجموعة جامعات تطالبك بالتوفل.
غالب كليات الحقوق المتميزة تطالب بالتوفل.
شف التوب هندرد من موقع اس نيوز وراسل اللي تشوفه يناسبك.
رد: معا لنحضر قبولات ماستر قانووون ,,’
SMU شوف وش طلباتهم ان شاء الله تتناسب معك
رد: معا لنحضر قبولات ماستر قانووون ,,’
اقتباس:
المشاركة الأصلية كتبت بواسطة gator
SMU شوف وش طلباتهم ان شاء الله تتناسب معك
عطيك العافيه اخوي...
رد: معا لنحضر قبولات ماستر قانووون ,,’
فيه جامعه سهله في القبول لكن ما ادري هل عندهم قانون تجاري او لا
جامعة بيس في نيويورك
رد: معا لنحضر قبولات ماستر قانووون ,,’
CWSL
MSU
SMU
هذي الثلاث قبولها سهل
لكن دائما راسل المسؤول عن برنامج الماستر للطلبة الأجانب
لا ترسل إيميل عام للقبول وبس
دور في موقعهم عن
المسؤول عن الطلبة الأجانب
أو مدير برنامج LLM
وهكذا
وأرسل لهم إيميلات
وما فيه مانع ترسل لأكثر من شخص في نفس الجامعة
مثلا كلية CWSL
http://www.cwsl.edu/main/default.asp?nav=directory.asp&body=directory/mcl.asp
على هالرابط تلقى شخصين
راسل Dianne مباشرة وبترسل لك أبليكيشن تعبيه وترسله لهم
تراها ترد بسرعة، ومتجاوبة
لكن يشترطون إن السجل والوثيقة والتوصيتين الأكاديمية تكون في ملف رسمي من الجامعة
وهذي شغلة سهلة إن شاء الله
أرسل أي شخص يطلب ملف رسمي من مكتب وكيل الكلية، وحط فيه هالأوراق وسكره، بعدين حط الأبليكيشن والاوراق الثانية في ملف عادي معه وأرسلها..
إن شاء الله أسبوعين بالكثير والقبول صادر
وفي جامعة MSU
عندك هالأجودية http://www.law.msu.edu/llm/als/Feeheley.html
خذ إيميلها وراسلها
بس مشكلتها ما ترد على الإيميلات بسرعة
لكن أمورها سهلة، وفي النهاية تقبل بإذن الله..
بس أنت تواصل معها وذكرها وبين لها إنك حريص..
أما الثالثة فما أعرف كيف التواصل معهم
لكن سمعت كثير عن شباب قبلوا فيها..
وترا الثانية والثالثة من أفضل 50 كلية قانون في أمريكا حسب ما أذكر..
أما الأولى عادية، لكن موقعها مميز..
وبشرنا وش صار معك