وش رايكم في جامعه جانون في ولايه بنسلفانيا

السلام عليكم ...

أنا جاني قبول في جامعه جانون في ولايه بنسلفانيا ..:fireman:

تكفون يا شباب ألي في الجامعه يقولي وش وضع الدراسه فيها وهل قوي المعهد ألي في الجامعه وكيف الولايه من ناحية الرخص والسكن ووووو ألي اخره :1eye:

ياليت الاعضاء يعطونا معلومات زيادة عن المعهد هل يسهل القبول

وكمان هي في اي مدينة

السلام عليكم

أنا ما درست فيها لكن الجامعة في مدينة ERIE وتطل على بحيرة ERIE ومنها جات تسمية المدينة ,, قرأت في ويكيبيديا ان بعض كليات جامعة قانون اختيرت من افضل الكليات لعام 2008 وحتى 2010
http://en.wikipedia.org/wiki/Gannon_University



المدينة أسعار السكن فيها ممتازة

الجامعة تواجدت في معرض الجامعات الامريكية المقام في الرياض قبل فترة ووقابلت واحد من الخريجين فيها ويمدح السكن يقول رخيص

يعيب المدينة في وجهة نظري هو جوها البارد لأنها تقع في الشمال الغربي من ولاية بنسلفينيا

الله يوفقنا جميعا وأرجو اني أفدتك بشيء بسيط

انا عندي قبول على هذى الجامعه والي اعرف انها مدينه متوسطه الى صغيره يوجد فيها بعض البقالات العربيه
جامعه جانون جامعه خاصه
المدينه السكن فيها قليل نوعا ما
جوها في الشتاء باااااااااااااار جدا
قريبه من شلالات نياجرا
تبعد عن مدينه بتسبرج حوالي 200 كيلو
http://en.wikipedia.org/wiki/Erie,_Pennsylvania


اتمنى لك التوفيق

الله يسهلكم ان شاءالله
ونحن كمان جانا قبوال فيها بس لسع ماذهبنا الى المدينه
بس ماعندنا اي معلومات عنها
يرات اي احد يفيدنا
والله يسهل للجميع

انا من طلاب قانون والحقيقه معهد اللغه رايح فيها ماله سنه من يوم بدى اللي يبي يضيع وقت ويفلها يجي يدرس فيه (معهد داج على بلاطه ياخي ما عاد الا احلفلك بالله عشان تصدقني) اما بالنسبه للجامعه وبصراحه حلوه نوعا ما بالنسبه لتخصصات البزنس واللي يبي هندسه فموش ولا بود اكثر دكاترت الهندسه رفعت ضغط وصينين. والجامعه ماهي ذاك الكبر بالعكس صغيره وخاصه.
اللحين جينا في المدينه نفسها. المدينه يا اخي الكريم العزيز صغيره ورخيصه يعني تاخذ لك بيت غرفتين نوم وصاله ومطبخ ودورتين مياه في احلى حي زي السعوديين كلهم ب ٧٠٠ دولار ونسيت ترى فيه قبو وكراج سياره. والمدينه امنه جدا والسعوديين واجد نوعا ما وجمعاتهم حلوه ويفزعون لبعض بصراحه ما يقصرون يعني فيه ترابط وانت وجووووك. فيه مجمع تجاري واحد كبير اسمه الملكريك حلو بصراحه وفيه بالمدينه ثلاث صالات سينما وفيه انواع المطاعم من ابل بيز وفرايديز وهندي وووو بس انتبه من العربي ترى تسمم على طول مطاعم العرب فاشله. بالنسبه للجو راح تشوف الفصول الاربعه زي ما هي وفي الشتاء ثلوج ما هي صاحيه بس انا انبسطت في الشتا وتلقى الحراره عشره تحت الصفر يمديك تطلع ترى الشتا عندنا ماهو ذاك المشكله الامور سهالات.
والميزه في المدينه قرب المدن الكبيره منك زي بتسبرق ويا بعد قلبي يا بتسبرق تنفع عوايل وغير عوايل بتسبرق ابداع وجنبك كليفلند ايضا مدينه كبيره وحلوه كلهم يبعدون بالكثير ساعتين ونيو يورك و واشنطن وفلادلفيا كلهم في بحر السبع ساعات.
الخلاصه: اذا جاك قبول او قدرت تاخذ قبول في اي جامعه ثانيه وتكون اقوى فنصيحه رح لها اما اذا انحديت على قانون فترى ما هي شينه بالعكس حليوه واعرف شباب من اخويانا تخرجوا منها ورجعوا السعوديه في وظايف حلوه الجامعه حتى الشركات الامريكيه جميعها معترفه فيها بس ارجع واقول ترى المعهد دااااااج اصلا ما فيه معهد حاطين كم عجوز يدرسون مواد انقليزي ويضحكون على الناس يقولون معهد. شف كم يبون درجه في التوفل وشف لك معهد لغه محترم وادرس فيه وجب درجة التوفل اللي يبون وتعال.. ضبط امورك وانت باقي في السعوديه شف قبول معهد كفووووو وقبول الجامعه والتوفيق بيد الله سبحانه.

نسيت اقولكم شي تأكدوا من تخصصاتكم لا تكون مقفله من قبل الملحقيه الثقافيه في واشنطن انا اللي اعرفه ان الجامعه اكثر تخصصاتها مقفله واللي يبي يتاكد من وضع الجامعه موقوفه ولا لا يكلم زول اسمه طارق الشيخ ((تم حذف الإيميل لأن عرضه مخالف لشروط المنتدى)) في الملحقيه هو المسؤول عن الامور هذي ورقم تلفونه 202-298-8858

انا برضوا جاني قبول بهالجامعة بس قلبي على يدي لاني مااعرف ولا احد فيها وغير كذا انا ابي سكن ممتاز وامن لو حصل فيه سكيورتي يكون افضل وافضل ياليت تخبرني اخوي المدينه فيها سعوديات كثير او لا؟؟؟

مساء الخير.....

ماجا على بالي اسم ....

ابي قبول بجامعة قانون ماجستير ....

اذا بالامكان مساعدتي اكون لك شاكر ... لا استيع ارسال رسالة خاصة بسبب عدد المشاركات....

في انتضار ردك

اذا فيه احد تخصص هندسة ميكانيكية في الجامعه ابي استفسر عن سهولة وصعوبة القسم + عدد الساعات