الأعضاء الإشتراك و التسجيل

الملتقيات
ADs

وش رايكم في جامعه جانون في ولايه بنسلفانيا

وش رايكم في جامعه جانون في ولايه بنسلفانيا


NOTICE

تنبيه: هذا الموضوع قديم. تم طرحه قبل 2745 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية whpy
    whpy

    مبتعث مستجد Freshman Member

    whpy المملكة المتحدة

    whpy , ذكر. مبتعث مستجد Freshman Member. من السعودية , مبتعث فى المملكة المتحدة , تخصصى حاسب الي , بجامعة جانون
    • جانون
    • حاسب الي
    • ذكر
    • ايري, بنسلفانيا
    • السعودية
    • Jun 2010
    المزيدl

    June 10th, 2010, 05:21 PM

    السلام عليكم ...

    أنا جاني قبول في جامعه جانون في ولايه بنسلفانيا ..

    تكفون يا شباب ألي في الجامعه يقولي وش وضع الدراسه فيها وهل قوي المعهد ألي في الجامعه وكيف الولايه من ناحية الرخص والسكن ووووو ألي اخره
  2. السلام عليكم

    أنا ما درست فيها لكن الجامعة في مدينة ERIE وتطل على بحيرة ERIE ومنها جات تسمية المدينة ,, قرأت في ويكيبيديا ان بعض كليات جامعة قانون اختيرت من افضل الكليات لعام 2008 وحتى 2010
    http://en.wikipedia.org/wiki/Gannon_University



    المدينة أسعار السكن فيها ممتازة

    الجامعة تواجدت في معرض الجامعات الامريكية المقام في الرياض قبل فترة ووقابلت واحد من الخريجين فيها ويمدح السكن يقول رخيص

    يعيب المدينة في وجهة نظري هو جوها البارد لأنها تقع في الشمال الغربي من ولاية بنسلفينيا

    الله يوفقنا جميعا وأرجو اني أفدتك بشيء بسيط
    7 "
  3. انا عندي قبول على هذى الجامعه والي اعرف انها مدينه متوسطه الى صغيره يوجد فيها بعض البقالات العربيه
    جامعه جانون جامعه خاصه
    المدينه السكن فيها قليل نوعا ما
    جوها في الشتاء باااااااااااااار جدا
    قريبه من شلالات نياجرا
    تبعد عن مدينه بتسبرج حوالي 200 كيلو
    http://en.wikipedia.org/wiki/Erie,_Pennsylvania


    اتمنى لك التوفيق
    7 "
  4. انا من طلاب قانون والحقيقه معهد اللغه رايح فيها ماله سنه من يوم بدى اللي يبي يضيع وقت ويفلها يجي يدرس فيه (معهد داج على بلاطه ياخي ما عاد الا احلفلك بالله عشان تصدقني) اما بالنسبه للجامعه وبصراحه حلوه نوعا ما بالنسبه لتخصصات البزنس واللي يبي هندسه فموش ولا بود اكثر دكاترت الهندسه رفعت ضغط وصينين. والجامعه ماهي ذاك الكبر بالعكس صغيره وخاصه.
    اللحين جينا في المدينه نفسها. المدينه يا اخي الكريم العزيز صغيره ورخيصه يعني تاخذ لك بيت غرفتين نوم وصاله ومطبخ ودورتين مياه في احلى حي زي السعوديين كلهم ب ٧٠٠ دولار ونسيت ترى فيه قبو وكراج سياره. والمدينه امنه جدا والسعوديين واجد نوعا ما وجمعاتهم حلوه ويفزعون لبعض بصراحه ما يقصرون يعني فيه ترابط وانت وجووووك. فيه مجمع تجاري واحد كبير اسمه الملكريك حلو بصراحه وفيه بالمدينه ثلاث صالات سينما وفيه انواع المطاعم من ابل بيز وفرايديز وهندي وووو بس انتبه من العربي ترى تسمم على طول مطاعم العرب فاشله. بالنسبه للجو راح تشوف الفصول الاربعه زي ما هي وفي الشتاء ثلوج ما هي صاحيه بس انا انبسطت في الشتا وتلقى الحراره عشره تحت الصفر يمديك تطلع ترى الشتا عندنا ماهو ذاك المشكله الامور سهالات.
    والميزه في المدينه قرب المدن الكبيره منك زي بتسبرق ويا بعد قلبي يا بتسبرق تنفع عوايل وغير عوايل بتسبرق ابداع وجنبك كليفلند ايضا مدينه كبيره وحلوه كلهم يبعدون بالكثير ساعتين ونيو يورك و واشنطن وفلادلفيا كلهم في بحر السبع ساعات.
    الخلاصه: اذا جاك قبول او قدرت تاخذ قبول في اي جامعه ثانيه وتكون اقوى فنصيحه رح لها اما اذا انحديت على قانون فترى ما هي شينه بالعكس حليوه واعرف شباب من اخويانا تخرجوا منها ورجعوا السعوديه في وظايف حلوه الجامعه حتى الشركات الامريكيه جميعها معترفه فيها بس ارجع واقول ترى المعهد دااااااج اصلا ما فيه معهد حاطين كم عجوز يدرسون مواد انقليزي ويضحكون على الناس يقولون معهد. شف كم يبون درجه في التوفل وشف لك معهد لغه محترم وادرس فيه وجب درجة التوفل اللي يبون وتعال.. ضبط امورك وانت باقي في السعوديه شف قبول معهد كفووووو وقبول الجامعه والتوفيق بيد الله سبحانه.
    7 "
  5. نسيت اقولكم شي تأكدوا من تخصصاتكم لا تكون مقفله من قبل الملحقيه الثقافيه في واشنطن انا اللي اعرفه ان الجامعه اكثر تخصصاتها مقفله واللي يبي يتاكد من وضع الجامعه موقوفه ولا لا يكلم زول اسمه طارق الشيخ ((تم حذف الإيميل لأن عرضه مخالف لشروط المنتدى)) في الملحقيه هو المسؤول عن الامور هذي ورقم تلفونه 202-298-8858
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.