الأعضاء الإشتراك و التسجيل

الملتقيات
ADs

مبتعثين جامعه جورج ميسن - فيرجينيا

مبتعثين جامعه جورج ميسن - فيرجينيا


NOTICE

تنبيه: هذا الموضوع قديم. تم طرحه قبل 2742 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. تحية طيبة لطلاب فرجينيا كافه ارجوا من الاخوة التعاون معنا:: سؤال طرح اكثر من مرة ولم يجب احد؟!!!!!!!!!! قبول الماستر كيف سهل ولا صعب وبالنسبة للمرافق اللي معدلة جيد؟هل تعرف احد قبل في المستر بهد التقدير!!! وفي الختام دعوة صائم لمن يرد
    7 "
  2. اخت silver23 انا متابع ردودك ممكن تقليلي كيف لقيتي امور السكن بسهولة لقيتي؟
    وبكم اخذتي الايجار وكم غرفة وكيف الشغل نظيف؟

    انا جاييكم من بريطانيا هنا البيووت قدددديمه مره ويهمني البيت يكون حلووو ونظيييف

    انا احتاج غرفتين وحمام ومطبخ طبعا ويفضل حديقة خاصه

    فقط ابغى تجربتك بالموضوع وشكرررررررررا جزيلا
    7 "
  3. السلام عليكم

    انا عندي واحد من الشباب موجود الحين في امريكا فأن شاء الله بقدم على الجامعه والمعهد

    بس عندي سؤال كم تقريبا سعر المعيشه من اكل وشرب وبعض المشاوير بدون قيمة المعهد والسكن كم يكفيني ؟؟؟

    وهل يوجد شقه صغيره بقيمة 400 - 500 دولار لشخص واحد
    7 "
  4. السلام عليكم


    انا قدمت في جامعة جورج ميسون عن طريق الأون لاين عبيت الابلكيشن ودفعت ثمانين دولار قيمة الابلكيشن

    لكن الغربية الحين طلبوني فقط شهادة الثاونية ارسله لهم عن طريق الاميل ....في انتظار باقي الاجراءات

    اريد منهم قبول مشروط اذا عطوني سجلت في معهدهم
    7 "
  5. الي يسألون عن القبول ,,,

    يتم تعبئة الابلكيشن عن طريق موقع الجامعة ,, واختيار الدرجة العلمية الي راح تدرسها...


    موفقين ,,,

    انتظروا مني شرح مفصول اليومين هذي ان شاءالله وذلك لأني وجدت كثثثثثثير من الطلاب في الجامعة اليوم بالاختبار البليسمنت تست ويتسألون عن طريقة القبول .


    موفقين ياشباب وياصبايا , والي مالقى سكن للحين , يرسل لي رسالة بالخاص , وارسل له اغلب العناوين القريبه من الجامعة وراح تفيده كثير في الحصول على سكن مناسب وياليت يذكر لي اذا عائلة او اعزب.


    موفقين.
    7 "
  6. السلام عليكم ، كيف الحال جميعا
    انا اخوكم عبدالملك .. متخرج حديث من الثانوية العامة بصدد الالتحاق بالبعثه ، الفرز بادي ، والدنيا شغاله بعثات وانا قاعد في بيتنا .. بادي متاخر لكن عندي استفسارات اخيرة ولمسات بسيطه قبل انظم اوراقي وابدأ دفعة وحده .
    عموماً انا خيروني بين اني اخذ قبول الملك سعود لين الله يكتبها بعثه واتركهم ، وبين اني اروح لـ مكتب 4 الاف ريال تخلص امورك فيها وقبولاتك ، وقبلها تكون ماخذ موعد في السفارة وتروح على حسابك الخاص .. ومع المعارف الي هناك والي في الرياض تدرس فترة وجيزه الى ان يتم الحاقك بالبعثه .. كالمعتاد وانتم ابخص فيها طبعاً

    .
    وقع اختياري لـ جامعة جورج ميسون ، اولاً لان فيرجينيا سبق وزرتها وجميله جداً وهاديه وعربها راقين والجامعة الطلاب السعوديين الدارسين فيها ماستر ودكتوراة كلهم واضح انهم شادين حيلهم وانتظاميين جداً .. الجامعة صعبة بلا شك ومؤهلها عالي ، لكني سبق وزرت جامعة مادري اذا تعرفونها أو لا ، في نيو جيرسي اسمها فيرلي ديكنسون .. جامعة رديئه جداً وكل السعوديين الي فيها مؤهلاتهم قبيحه وتقبل اي احد .. لو ارسل اوراق سواقنا لكن مع جواز سعودي وضمان مالي قبلوه !! كنت ابغير رأيي عن البعثات على حسب خلفية الطلاب ومعدلاتهم وكيف ان جامعة كبيره قبلتهم وجامعة وَصّى بها الدكتور طارق (الزول المعلم بتاع الملحقيه) ، وهو لم يعلم قيمة الدلوخ الي فيها !! مع احترامي الشديد لكل دارسيها

    .

    سبحان الله اكتشفت ان الجامعات هناك تتناسب طرديا مع عدد الطلاب السعوديين
    فكلما كان الطلاب اكثر .. كانت الجامعه ماديه بحته ، الا من رحم ربي
    .

    قدمت على جورج ميسون وجاني قبول تخصص هندسة كهربائيه مع امكانية التحويل للهندسه المدنيه .. طبعا قبول مشروط ، زيارتي للجامعة اثرت فيني بشكل غير طبيعي خصوصا اني شفت اللي اسوا منها ، الجامعه فخمه ومحترمه جدا وقالولي انها غالية نوعا ما لكن جورج واشنطن اغلى منها .. وسمعت كلام كثير عنها وجاي هنا احب اتاكد من هالكلام وحسب خبرات الجميع ، المنتدى جميله سمعته واخذ من وقتي الكثير ونسبته كانت عالية في تحديد قرار ابتعاثي من عدمه .. شكرا جزيلا لكم
    .
    انا معدلي فالثانوية 96 ، قدرات 85 ، تحصيلي 75
    المجموع التراكمي على ما أظن اصبح .. 84
    انقليزيتي شبه ممتازه ، سبق وان زرت صديق لي وسجلت في معهد لارى مستواي ووضعوني على مستوى 8 .. وكان جيدا : )
    هل تنصحوني اقدم بعثه فالفرز القادم ، او من هناك اسرع واسهل وهل النسبة تفرق في التفضيل بين الطلاب الي يدرسون على حسابهم من ناحية ارسال ملفاتهم الى وزارة التعليم العالي ؟ خصوصا ان طالعة اشاعات كثيره انهم مايرسلونها وكلن يشتكي منهم ، لكن الله يستر عليهم لأني ماشوفكم هنا تشكون من احد ابداً . ولازال استفساري قائم على جامعة جورج ميسون ونسبة السعوديين وقيمة التعليم الي يقدمونها للطلاب.

    .
    انا طموحي ما اطلع ب شهادة عاليه بقدر ما طموحي اني اخذ تعليم يستاهل غربتي وتعبي وجُهدي .. لا افكر بالوظيفة حاليا بقدر ما افكر بخروجي من الولايات المتحده حاملاً شهادة موقعه باسمي واقول في نفسي اني فعلتها وتعلمت تعليم عالمي محترم ! واتمنى تكون جامعة جورج ميسون هي الخيار الأمثل بعد رأيكم طبعا




    (ودي اني اصف اسئلتي بطريقة منظمه لكن كل شوي يجي في بالي شيء جديد ، واضيفه لقائمه الاستفسارات ياليت تجمعونها وماهنتوا . )
    7 "
  7. نسبة السعودية خصوصاً مع الدفعة هذي الاخيره!


    اصبح العدد كبير جداً ( بالمعهد ) لاكن بالجامعة لازال العدد قليل جداً ...

    بنسبة للجامعة مستواها افضل بكثير , ومصدقه من مصادر كثيره , ومرتبتها بين افضل 200 جامعة بالعالم.. تقريباً 137 او 127 مش فاكر ...

    وموفق
    7 "
5 من 14 صفحة 5 من 14 ... 45610 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.