ابي معلومات عن ولاية نيوهامشير (( مانشيستر))
السلام عليكم والرحمة الله
محتاج مساعده من اهل الخبره
انا افكر اسافر الي نيوهامشير في اوكتوبر بتحديد مانشيستر
ومحتاج مساعدتكم
ابي اعرف شلون بيكون الجو في اوكتوبر ونوفمبر (( وكل شيء يمكن ايساعدني وانا هناك مع العلم انا اول مره بسافر الى الولايات ))
بصراحة افكر اتم هناك شهرين فمحتاج سكن و بسعر معقول وافكر بعد استاجر لي سيارة ؟؟
مساعدتكم يا شعب
رد: ابي معلومات عن ولاية نيوهامشير (( مانشيستر))
هلا اخوي
مانشستر مدينه حلوه واللي في الجامعه يمدحوا في الجامعه
السكن لا تشيل همه زايد لان ماهوبغالي
يعني تحصل ب 700 او 800 دولار في الشهر.
اما السيارة شي ضروري جدا
اذا ما تبي تشتري تحصل سيارات يوصل اجارها في الشهر من 800 الى 1000دولار يعني اشتر لك سياره احسن ب 6000
رد: ابي معلومات عن ولاية نيوهامشير (( مانشيستر))
زي ما قال لك الاخ بس السياره ضروريه
رد: ابي معلومات عن ولاية نيوهامشير (( مانشيستر))
اخوي Dr-ss
انت تدرس في جامعة مانشستر؟؟
رد: ابي معلومات عن ولاية نيوهامشير (( مانشيستر))
اخوي ناركس انا قبولي الماستر في مانشستر بس قبول اللغة في بلي موث
بس انت تمدح مانشستر هنا وتسب بلي موث وش الفرق وهم قريبات لبعض
رد: ابي معلومات عن ولاية نيوهامشير (( مانشيستر))
في اكتوبر و نوفمبر راح يكون الجو بارد .. درجة الحرارة تقريبا ٥ ولا تقل عن ـ٥ ..!
المدينة عادية .. فيها مطاعم مقاهي سوبرماركت .. و سوق واحد فقط !
بوسطن من افضل مدن امريكا تبعد عنك ساعه بالسيارة او اقل بعد .!
كل ويك اند تروح هناك ..!
لا تستأجرر سيارة ابد .. بالعكس اشتري لك سيارة و ريح بالك .!
السكن مع عائلة ممكن يكلفك بين٥٠٠ الى ٧٠٠ بالكثير ..
شقة ممكن يكلف ٨٠٠ شهريا ..
والله يسهلك ..
رد: ابي معلومات عن ولاية نيوهامشير (( مانشيستر))
السلام عليكم والرحمة الله
مشكوريين لكل من رد
بس انا بتم هناك بس شهرين يسوى اشتري سيارة
وبتكون زوجتي معاي وهي عندها امتحانات هناك (( بس لمدة شهرين )) وانا الله يسلمكم المرافق تبعها :1eye:
وبتكون رحلتنا من البحرين لبوسطن وبعدين افكر اخذ لي تاكسي لي نيوهامشير
بس ممكن اذا ما عليكم امر تحطون لي عناوين الشقق
و اي شيء يمكن يساعدني وانا هناك
ويزاكم الله خير
رد: ابي معلومات عن ولاية نيوهامشير (( مانشيستر))
اها فهمت عليك ..
طيب طيب ..
التاكسي من بوسطن لنيوهامشير غالي ..
ممكن فيه باص اكسبرس يجيبك من بوسطن ..
احرص على الفيزا و الرخصة الدولية عشان يأجرون لك سيارة .. بدون فيزا , ماستركارد , اميركان اكسبرس ماراح تقدر تستأجر سيارة !
بالنسبة للشقق ماخبر ..
بس فيه فنادق ممكن اشوفها لك ..
عطني وين تبيها قريبه منه و اقولك . مع ان مانشستر مو من كبرها .. صغيرة !
رد: ابي معلومات عن ولاية نيوهامشير (( مانشيستر))
مشكور بوكارلوس على الرد
ما عندي مشكله في المكان عادي اي مكان اهم شيء عندي يكون سعر معقول لاني بتم شهرين
واذا ما عليك امر يا اخوي ابي شركات تاجير سيارات هم بسعر معقول
رد: ابي معلومات عن ولاية نيوهامشير (( مانشيستر))
فيه فندق انا كنت ساكن فيه كويس و جنبه محل تأجير سيارات انتربرايس .. !
الفندق كومفورت ان ..
بس بدري من الحين تحجزز !
ممكن تكلمهم تليفون .. و تقولهم بقعد من تاريخ كدْا لتاريخ كدْا .. وابي خصم !
راح يعطونك سعر حلو ان شاءالله ..
وبرضو السياراة ..
الله يوفقك يارب