خمس شهور في مدينة فلادلفيا ( Phildelphia )

اخوي انا راح اوصل فلادلفيا بعد اسبوعين وحايس بالنسبه للموضوع السكن ياليت تساعدني باللي تقدر عليه
طبعا انا قبولي بمعهد ELS ياليت يكون قريب منه وبسعر مناسب (شحاذ ويشترط <<<<<< هع هع)
ترى اخوك اطرش ضايع بالزفه وراح اكون ممنون لك (انا ما اقدر اراسلك خاص مشاركتي قليله بس سويت لك إضافة طبعا هذا شرفا لي واتمنى قبولها وشكرااااا.

هلا أخوي حياك الله والله يوصلك بالسلامة


ان شاء الله امورك بتتسهل ولكن سويت الاضافة من وين

وبالعكس ابركها من ساعدة اللي اقدر اساعد فيها.


وبالله التوفيق،،





أخوك/
*عظيم الصمت*

حياك الله أخوي وابركها من ساعة

ومشكور على كلامك الرائع واطراءك لي.

والحمد لله اللي وجدت من استفاد من ما كتبته

بالنسبة لطريقة وصولك لفلي من واشنطن افضل طريقة وارخصها وهي مريحة عن طريق الباص شركة ميقا باص ممتازة وخدماتها راقية ومريح جداً.

واذا حبيت اي استفسار اكثر ممكن تتواصل معي عن طريق صفحة النادي السعودي في الفيس بوك وابشر ان شاء الله باللي يرضيك بحول الله اللي ابقدر عليه ماراح اقصر معك.



وبالله التوفيق،،





أخوك/
*عظيم الصمت*

أشكرك أخي
يعني أفهم من كلامك ان مافيه قطار بين المدينتين ؟؟ لأن الحقيقة ثلاث ساعات في الباص بعد رحلة من السعودية قد تتعبني وتؤخر وصولي للسكن ، خاصة إني توي ما أعرف مكان العائلة اللي باسكن عندها

بعدين كم أحتاج من الوقت بين وصول رحلة السعودية وتحرك رحلة فيلادلفيا لو باحجز من المملكة قبل وصولي ؟

تحياتي لك

موجود القطار ولكن هذا مريح واوفر لك القطار سعره تقريبا متبين 70 الى 90 $ اما الباص تحجزة 13$ او 12$

وانت شف اللي يريحك واختاره.

من ناحية العائلة اللي اعرفه انهم يستقبلونك وهو ملزومين في تهئية وسلية التوصيل للسكن في اول وصول لك.

وبالنسبة للوقت مجرد ما تخلص من الملحقية بتوصل على سبيل المثال اليوم توصل يبي لك يوم ثاني تخلص امورك من الملحقية وتمشي لفلي يعني اذا خلصت ممكن تمشي بنفس اليوم وممكن يقولون لك تعال بكرا.

فهي على حسب متى تنهي اجراءات التسجيل في المحلقية.


وبالله التوفيق،،




أخوك/
*عظيم الصمت*

الله يرضى عليك ويوسع لك رزقك ........(هذا الي اقدر اقوله )


انا ابخذ رايك بما انك عارف كل الوضع في امريكا من ناحيه المعيشه والتكلفه ....الخ


انا معدلي سيء جدا جدا و سجل اكاديمي كارثي

قدمت على قبول مشروط ولا قبلت قدمت على سوق العمل لازم لغه وانا تخصصي ممتاز انا حاسب الي مطلوب نسبيا ...

فقررت اني اجي لاميركا على حسابي ان حصل بعثه ولا اكون استفدت من اللغه والحمد لله


الي ابيك تساعدني فيه الله يرضى عليك ..لو بغيت اجي ل فلادلفيا 4 وممكن امددها 6 شهور كم تكلف مع العلم اني ابي اسكن مع عائله على شان الفايده وهل العوائل متوفره

طبعا راح اتبع سياسه التقشف في الصرف


واذا كنت تعرف ولايات حلوه وارخص من فلادلفيا وقريبه من الملحقيه ياليت تذكرها لي على شان ابحث عنها انا ان شاء الله الاربعاء القادم مقرر على الولايه

وشاكر ومقدر لك

اللهم آمين أخوي وإياك وكل مسلم يارب.

وجزاك الله خير على دعواتك

والله اللي اعرفه عن مدينة فيلادلفيا وفقط ومعلومات في بعض الاحيان تنقصها الدقة فلا تحملني أكبر من حجمي.

المعيشة في فيلادلفيا تعتبر مرتفعة الى حد ما وفيه ولايات أرخص منها بكثير ولكن فيه مدينة ديلور قريبة من فيلادلفيا نسبة التاكس فيها صفر والمدينة رخيصة بفرق عن فلي حسب ما اسمعه من الشباب وفيه مدينة فيلانوفا نفس الشي قريبة من فلي ورخيصة.

أما من ناحية المعدل فاسمح لي اللي بيقدر يفيدك فيه هي شركة المعادلة الامريكية لأنه الجامعات تطلب منك تحويل معدلك من 5 الى 4 وهذا بيغير كثير بالدرجات والنسبة حقتك.

والتكلفة على حسب مصروفك ولكن ما اتوقع راح تقل عن ستين الى سبعين الف ريال سعودي اذا مثل ماقلت تقشف وبالمدة اللي قلتها وترجع بنسبة كبيرة لتكلفة المعهد اللي بتدرس فيه.


وفيه ولاية اوهايو يمدحونها رخيصة وفيه الولايات الغربية بعد مثل اوريقون واللي حولها رخيصة بحسب ما وصلني من معلومات عنها.

هذا اللي قدرت افيدك فيه اخوي واعذرني على القصور.



وبالله التوفيق،،





أخوك/
*عظيم الصمت*

اعلان من النادي السعودي

تعلن إدارة النادي السعودي في جامعة بنسلفانيا بمدينة فيلادلفيا عن إقامة رحلة الى مدينة Six Flags الترفيهية في نيوجرسي خلال الاسبوعين القادمين

فمن يرغب بالانضمان يزور صفحة النادي السعودي في الفيس بوك لمعرفة تفاصيل التسجيل وطريقة الإنضمام.

ورابط النادي السعودي موجود في توقيعي لمن اراد الوصول إليه.

والمجال مفتوح للسعوديين والخيجيين والعرب وعاوئلهم.


والله ولي التوفيق،،





أخوك/
*عظيم الصمت*