خمس شهور في مدينة فلادلفيا ( Phildelphia )

اقتباس:

---

المشاركة الأصلية كتبت بواسطة yasser.ali

اخوي عظيم الصمت .. شكرا على المعلومات المفيدة
الله يسلمك محتاج معلومات منك ومن الاخوان عن الجامعات هذي من ناحية الصعوبة ومعادلة المواد
وخصوصا اذا فيه احد يدرس بنفس الجامعة ونفس التخصص مانستغني عن رأيه ..
DREXEL UNIVERSITY
HOLY FAMILY UNIVERSITY
LA SALLE UNIVERSITY
TEMPLE UNIVERSITY
THOMAS JEFFERSON UNIVERSITY
UNIVERSITY OF PENNSYLVANIA
هذي الجامعات المعتمدة من التعليم العالي لتخصص التمريض
سؤال ثاني .. كيف وضع المدينة بالنسبة للعوائل ؟

---

هلا أخوي أود أن أعتذر منك على التأخر بالرد عليكم وذلك لأسباب خارجة عن إرادتي.

وأبارك لك بالشهر جعلنا الله وإياكم من المقبولين


والله بنفس التخصص ما أعرف ولكن ممكن استفسر لك وإذا لقيت أحد بنفس التخصص أبشر.

وبالنسبة لوضع المدينة للعوائل فهي ممتازة جداً وفيه بعض الأمريكيات المسلميات متحجبات وبعضهم مغطين وجيههم ويمشون بنقاباتهم وعباياتهم السود دون أدنى مضايقة وبالنسبة للسعوديات فيه نسبة مجبات وملثمات ومنقبات ولكن يلبسون عبايات ملونة موجودات عندنا بالمعهد وبالعكس لهم احترامهم وتقديرهم.


وبالنسبة لمعادلة المواد ممكن تراسل عدة شركات أمريكية ولكن أشهرها ( wes ) .



وبالله التوفيق،،







أخوك/
*عظيم الصمت*

اقتباس:

---

المشاركة الأصلية كتبت بواسطة DR.7m0o0dy

مشكووووووووووووووور يالغالي

---

هذا أقل من الواجب وأنا أخوك



أخوك/
*عظيم الصمت*

اقتباس:

---

المشاركة الأصلية كتبت بواسطة da7d0o7

اخوي ياليت تساعدني
انا صارلي اكثر من 5 شهور مو عارف اختار اي ولايه
لين كثير نصحوني بـ"بينسليفينا " جامعة "بين ستيت" لاني ابي اتخصص هندسة بترول

والحين صارلي اكثر من شهر مو عارف كيف اقدم او اجيب القبول

وكل ما رحت عند مكتب يقول ما نتعامل مع ذي الجامعة

ياليت تعلمني كيف اجيب القبول

---

هلا أخوي أود أن أعتذر منك على التأخر بالرد عليكم وذلك لأسباب خارجة عن إرادتي.

وأبارك لك بالشهر جعلنا الله وإياكم من المقبولين



الله يختار لك الخيرة المباركة

وقبل ما تتعب نفسك وتجيب قبول وتخسر مبالغ ادخل على موقع الوزارة وتأكد من اسم الجامعة هل هي معترف فيها أو لا هذي أهم خطوة تسويها.

وبعدها كل شي بيسهله ربك ولكن تأكد هل هي جامعة معترفة لأن فيه كثير من المبتعثين جو هنا وتوهقوا بأن جامعاتهم غير معترف فيها أو تكون معترف فيها قبل وبعدين أغلقت فأنت لا تمشي على كلام أحد إدخل بنفسك وتأكد والله ويسهل أمورك.




وبالله التوفيق،،






أخوك/
*عظيم الصمت*

السلام عليكم ..

كيف الحال اخوي

ابي اعرف المعاهد هذي وينها فيه بأي مدينه ..
وهل هي تبع جامعات يعني اذا خلصت اللغه انضم مباشره من غير ما اختبر التوفل

اسم المعهد ..
English language programs at UPENN

والثاني ..
ela pensilvania


ووش أفضلهم ..

وهل المدينه غاليه ..؟
وكيف الأمان فيها ..

يعني راتب البعثه 1800 يكفي ؟:(

ننتظر ردك

اقتباس:

---

المشاركة الأصلية كتبت بواسطة abo-3abd

السلام عليكم ..

كيف الحال اخوي

ابي اعرف المعاهد هذي وينها فيه بأي مدينه ..
وهل هي تبع جامعات يعني اذا خلصت اللغه انضم مباشره من غير ما اختبر التوفل

اسم المعهد ..
English language programs at UPENN

والثاني ..
ela pensilvania


ووش أفضلهم ..

وهل المدينه غاليه ..؟
وكيف الأمان فيها ..

يعني راتب البعثه 1800 يكفي ؟:(

ننتظر ردك

---

وعليكم السلام ورحمة الله وبركاته


يا هلا والله حياك أخوي بخير ربي يسلمك من كل شر

المعهد هذا الأول وصلت خير

هو نفس المعهد اللي انا ادرس فيه وهو ممتاز صح فيه نسبة سعوديين مش بطالة ولكن المعهد قوي ويأسسك بشكل ممتاز بإذن الله.

اما المعهد الثاني اللي كتبت اسمه ما ادري والله بس ما فيه جامعة في فلي حسب معلوماتي بنفس الاسم ممكن يكون اسم ثاني لها ما ادري والله.

أما المعهد يؤهلك وبقوة للتوفل ولكن إنهاء اللغة فيه ما يؤهلك لدخول جامعته لأن الجامعة لها شروطها الخاصة والله يوفقك ولكن إذا تبي نصيحتي أنا جالس أسس نفسي باللغة وبعد ما اوصل للمستويات المتقدمة وشفت نفسي أقدر أعتمد على نفسي أروح لأي جامعة تقبلني ما عندي مشكلة فهو قوي من ناحية التأسيس وهو ما نحتاجة جميعاً.


وبالنسبة للمدينة ما اقولك انها رخصية ولا غالية يعني ما تقارن بواشنطن ولا نيويورك وللكن تعتبر تقريباً سادس أغلى مدينة أمريكية.

والمكافأة كافية بإذن الله ولكن ترجع لطبيعة الشخص هل هو صرفيته عالية او شخص اقتصادي ولكن أمريكا تعلمك الإقتصاد غصب مو برضاك وهذا ما صار معي صرت استاذ بالاقتصاد وعرفت كيف اقتصد.


وإذا تبي شي انا حاضر وأنا أخوك وأتمنى إني أكون أفدتك بما قدرت وإعذرني على التقصير.




وبالله التوفيق،،





أخوك/
*عظيم الصمت*

ماقصرت يالغالي ..

ابي فزعتك تكفى

ابي اجيب قبول من المعهد ..
وش احتاج ..
ووش المطلوب عشان يجي القبول ؟

انا مره مستعجل ..

وهل القبول من المعهد هذا سهل عن طريق موقعهم ؟

انا داخل على الله ثم عليك اخوي ..
ابيك تقولي الخطووات لأني مستعجل ..

وبكم الدراسه عندهم ..


وهل هو معترف فيه بالوزاره ؟؟؟

طيب اخوي ابي اسألك عن الجامعه ..

وش الجامعه الي معهدها قوي ومعترف فيها اهم شي
هل التقديم عليها صعب ؟
يعني ابي ادرس لغه بمعهد تبع الجامعه اضمن ولا ؟!

اقتباس:

---

المشاركة الأصلية كتبت بواسطة abo-3abd

ماقصرت يالغالي ..

ابي فزعتك تكفى

ابي اجيب قبول من المعهد ..
وش احتاج ..
ووش المطلوب عشان يجي القبول ؟

انا مره مستعجل ..

وهل القبول من المعهد هذا سهل عن طريق موقعهم ؟

انا داخل على الله ثم عليك اخوي ..
ابيك تقولي الخطووات لأني مستعجل ..

وبكم الدراسه عندهم ..


وهل هو معترف فيه بالوزاره ؟؟؟

---

ما طلبت شي أخوي

أبشر المطلوب سلمك الله إذا تبي عن طريقي أرسل لي صورة جوازك وضمانك المالي

أو أذا تبي عن طريق المعهد اعطيك الربط حقهم

حاضر بعد تدلل بس


وإذا اوراقك تمام بعون الله

احسب أربع أيام وهو عندك أنا وصلتهم أوراقي الاثنين ويوم الخميس اتصلوا علي UPS اللي بالرياض يقولون عندك ارسالية من امريكا تحب المندوب يوصله لك او تجي تستلمها.


واللي تبيه أنا حاضر لك أو من يعز عليك.


وبالنسبة للمعهد أنا كنت على اتصال مع المشرف الخاص فيني ويقول انه ما أغلق يعني مازال فيه استقبال طلاب من السعودية.


وفيه جامعة دركسل قوية ومعهدها يأهلك بنسبة كبيرة للدخول للجامعة إلا إنك تخضع لاختبار بعد ما تخلص اللغة عندهم اختبار خاص فيهم وفي جامعتهم.

أنا ئخصياً ودي أدخل جامعة دركسل لو حصلت لي ما ترددت نهائي.



وما طلبت شي وأنا أخوك.


وإن إحتجت سكن والا شي حاضر باللي أقدر عليه.


وبالله التوفيق،،




أخوك/
*عظيم الصمت*

السلآم عليكم اخوي

ويعطيك ألف عآفية بصرآحة أكثر من مفيد موضوعك وجزآك الله خير عليه

بس حبيت أستفسر بنسلفيآ جآمعآتهآ فيهآ تخصص مختبرآت طبية (بكلريوس) وكيف هل تعتبر من أقوى الجآمعآت في هالتخصص وإلآ ؟!

وإذآ تعرف كم ترتيبهآ ع جآمعآت أمريكآ والعآلم (يعني بصرآحة أبي أتغرب ع شي يسوى)

ومعهد اللغة اللي انت فيه القبول سهل فيه ؟! وكم ليفل فيه ؟! والليفل كم اسبوع ؟! ..{ وتحس انك صرت تتكلم اللكنة الأمريكية بطلآقة ؟!

و والله عندي أسئلة كثيييير بس تقدر تقول ننتظر القبول النهآئي وبعدنآ مشوشين التفكير

بالتوفيق يآرب وبيض الله وجهك وكثر من أمثآلك :) ,

اقتباس:

---

المشاركة الأصلية كتبت بواسطة حسن الحجيري

الأخ عظيم الصمت السلام عليكم ورحمة الله وبركاته.

بإذن الله سأصل إلى فيلادلفيا الجمعة القادم بعد يومين في واشنطن لإنهاء الاجراءات.
سأدرس اللغة في معهد بنسلفانيا UPEEN ELP وقد راسلتهم بالنسبة للسكن مع عائلة وأرسلوا لي إحدى المواقع المتعاونة معه Right At Home Homestay - HOME , أنهيت تعبئة النموذج وأرسلته لهم.

راسلوني بأنهم سيردون علي خلال اسبوعين وبهذا سأضطر إلى استئجار فندق لمدة أسبوع للسكنى فيه. وهذا ماحصل بالفعل, فقد دخلت على البوكينق وحجزت في إحدى الفنادق على شارع Chestnutواسمه Club Quarters in Philadelphia

أولأً: هل هذه المنطقى أمنة بحيث أن الشخص يستأجر مطمئناً.
ثانياً: هل هذا الفندق جيد أم تنصحني بفندق أجود منه.
ثالثا: هل خطوتي سليمة أن أنك ترى حلولاً أخرى.


ثا

---

وعليكم السلام روحمة الله وبركاته

أعتذر مك أخوي لتأخري بالرد عليك

وذلك لظروف خارجة عن إرادتي واشهر عليك مبارك وتقبل الله منا ومنك.


بالنسبة لخطوتك ممتازة جداً وأهنيك عليها لأنك عرفت تتصرف.

شارع اللي انت ساكن فيه شارع كبير ومعروف ولكن أنا مو ساكن في هذي المنطقة يعني اعتذر منك والله ما اعرف الفندق ولكن اهم شي تكون ساكن قبل شارع 42 و43 و 44 واللي بعدها وإذا كنت قريب منها أقول توكل على الله واهم شي ما تطلع بالليل يعني حدك آخر العصر.

وآسف إن ردي عليك جا بعد وصولك ولكن يعلم الله انها ظروف خارجة عن إرادتي.

والله يسهل أمورك.



وبالله التوفيق،،





أخوك/
*عظيم الصمت*