خمس شهور في مدينة فلادلفيا ( Phildelphia )

الجامعة هذي ممكن يكون قبولها شبه مستحيل لأن شروطهم صعبة

ولكن فيه جامعات ثانية ولكن والله ما عندي خلفية عنها ولكن أنصحك إذا تبين نفس المدينة شوفي جامعة دركسل

ومعهدها قوي بس معهد اليوبن أقوى منه.

ولكن ما يعاب على معهد اليوبن إنه ما يؤهل لدخول الجامعة مثل معهد دركسل.

والله يكتب لك ما فيه الخير.


وأعتذر منك إني ما قدرت أخدمك.



وبالله التوفيق،




أخوك/
*عظيم الصمت*

مرحبآ آقين ,

سمعت عن شي بس مو متأكدة منه وهو انو أكتب في الملآحظآت بيوم التدقيق الولآية اللي أبيهآ وإسم المعهد والجآمعة

أنآ بجرب وأنآ وحظي يعني هع

بس حبيت آخذ العلم الأكيد منك اخوي من خلآل كلآمك عن جآمعة دركسل ممكن تتكلم عنهآ شوي ؟!

وفيهآ تخصص Medical Laboratory Sciences بكلوريس ؟! وهل لآزآلت معتمدة وإلآ قفلوهآ ؟!

ومدري كيف أعرف هل هي من أقوى الجآمعآت في تخصصي أو لآ لو ممكن تسعدني أو تعلمني وش أسوي ~!!

ويآليت لو تكتب إسم المعهد والجآمعة لي :

وهل يدرسوني للتوفل في المعهد مع الدروس وإلآ يتطلب إني آخذ دورآت زيآدة ؟!

و ع كلآمك ان المعهد يؤهلني للدخول الجآمعة صح ؟َ!

وهل فعلاً أن نسبة الزنوج كبيرة ومشآكلهم كثيرة ؟!..{ قريت هالكلآم وخفت أختآر الحين بصرآحة

كيف الأمآن والأسعآر وهيك يعني ؟! يقولون غآلية وإلآ كيف لأني بعتمد ع المكآفئة ؟!

وهل العرب كثآر مرة ؟! مآبي أروح وأتكلم عربي هنآك ~!!

طيب و شسموهـ وين أفضل معهد جآمعة بنسلفيآ أو دركسل ؟! وهل هم الإثنين يعطوآ دروس للتوفل ؟! وهل قبولي في بنسلفيآ مستحيل ؟!

ويعنييي آمممم إذآ درست في معهد دركسل أقدر أدخل ج. بنسلفيآ وإلآ لآزم معهدهآ ؟! ..{ أبي نصيحتك تكفى ><"

مع العلم إني فوق 90% وأبي أدرس بكلوريس مختبرآت .. مآ أروح ويقولون هالتخصص بس لأهل بنسلفيآ ؟!

آسفة إذآ كثرت عليك أسئلة بس انت تعرف الوضع ومجرب فـ لآتلومني يآخوي

وإن شآء الله تقدر تسآعدني ع إستفسآرآتي لأني مشوشة بقوة وتدقيقي يوم السبت الجآي أبي أتأكد من كل شي قبل لآ أحط الملآحظة

بطلب هالمعهد والجآمعة يعني

و جزآك الله خير أنتظرك

هلا والله حياك


والله الحاجة هذي ما عندي معلومات عنها

لأن ايام تقديمنا اللي هو المرحلة الخامسة ما كانت فيه هذي الخيارات ممكن تكون جديدة انا ما ادري عنها

أما المعهد اذا تبين اللي أنا فيه او تبين حق دركسل الخيار لك.

ولكن اذا تبين حق دركسل هو قوي بس دراسته طويلة شوي

يعني كل سشن عشرة اسابيع وعندنا في اليوبن كل سشن 7 اسابيع يعني فيه فرق تقريباً ثلاث أسابيع.

أما من ناحية تخصصك تقدرين تدخلين على موقع الوزارة وتتأكدي بنفسك منه واي جامعة تبينها واي ولاية عشان ما تاخذين الكلام من أي شخص هذا رأيي.

جامعات فيلادلفيا كلها قوية يعني ارقدي وآمني من الناحية هذي

بالنسبة للمعهد أفضل UPENN لأنه قوي والجامعة دركسل ممتازة والمعهد حق اليوبن يؤهلك للتوفل وأنتي مرتاحة بإذن الله ولكن معهد دركسل بعد ما تدرسي عندهم سنة كاملة عشان تكوني مؤهلة لدخول الاختبار حقهم وتدرسي بالجامعة ولكن لو كنتي جاهزة وشروطك مستوفية من ناحية اللغة معك التوفل او الايلتس ما عندك مشكلة انتي اللي تفرضي نفسك عليهم ولا تشيل هم.


جامعة بنسلفانيا اذا والله استوفت الشروط عندك وش اللي يمنع انك تدخلينها يعني هم طالبين في التوفل نسبة 100من 120 وكانت باقي الشروط مستوفاه وش يمنع بس مثل ما قلت قبل ترى على ماسمعت مافيه الا طالب سعودي واحد فقط في جامعة بنسلفانيا ماشاء الله عليه تبارك الله الله لا يضره ويوفقه.

انا معك إنك ما ودك تتكلمي عربي هناك عشان الواحد يتعلم بسرعة ولكن خلي عنك الكلام اللي يقولك لا تتكلم عربي عشان تتعلم بسرعة والله ان لو ما تلاقي احد يتكلم معك ان تسولفي مع الجدران ترى وجود العرب مهم والسعوديين بصورة خاصة ضروري حولك لأن ما راح يوقف معك خصوصاص أول ما تجين الا هم ومن بيساعد في باقي الامور غيرهم غصب الواحد يحتاج اللي حوله وهذا الكلام اقوله لك من واقع تجربه وشي انا عشته.

محتاجة لك ناس تعرفينه وتحتكي فيهم ترى الغربة مو هينة أبداً يعني لازم احد من ديرتك يكون حولك.

وبالنسبة للسود صح هم موجودين ونسبتهم حليلة ولكن لهم مناطقهم الخاصة وهي ولله الحمد بعيدة عن المنطقة اللي انا عايش فيها وما عليك من احد طالما انتي ماشية بحالك ولمعلوميتك أعلى نسبة مسلمين في فيلي هم السود بتشوفين المجبات والمنقبات اللي اذا شافوا وحدة محجبة يسلمون عليها لو من بعيد والحمد لله ما شفنا من فيلي إلا كل خير وتراهم اللي نشوفهم ناس فرند لي كثير وطيبين وطالما الواحد ماشي عدال ما عليه من أحد وما أعتقد بتروحين مكان في أمريكا ما راح تلاقين فيه سود لأن السود في كل مكان ولكن لهم مناطقهم اللي يتجمعون فيها ويتكاثرون فيها .


وإذا قررتي تبين نفس المعهد ابشري احط لك اسمه واسم جامعة دركسل او اي جامعة تبينها ولكن قبل أي خطوة

لا تنسي صلاة الاستخارة



وبالنسبة للأسعار المكافأة تبي تكفيك بإذن الله إذا عرفتي توازنين صرفيتك وممكن تقدرين بعد توفرين منها وترى كلنا عايشين على المكافأة يعني مو لحالك أمثالك كثيييييييير.


أتمنى أكون قدرت ارد بشكل مبسط على تسؤلاتك ولا تتشوشي ولا شي الحين قدامك مشوار طويل على بال ما تخلص اجراءات القبول التسجيل في البرنامج يعني يمكن تطلعون بشهر 2 او 3 ابعد 4 ولكن الله يوفقك ويسهل امورك.


وأهم شي لا تنسوني من دعواتكم بظهر الغيب.






وبالله التوفيق،،






أخوك/
*عظيم الصمت*

آممممممم ..{ بعدهآ تعصر مخهآ وتفكر

مدري كم مرة قرأت ردك بس كلآمك مطمن والله وشي جميل

وأعتقد إني بثبت ع معهد اليوبن ..{ أبي إسمه لآ هنت

وإن شآء الله أدخل موقع الوزآرة وأعفسه

الله يحرم يمينك ع النآر وإن شآء الله مآ ننسآك يآخوي من دعوآتنآ ,

الله يجزاك خير

وهذا اسم المعهد بس أهم شي تتأكدي أنك تكتبينه صح إذا جيتي تسجلين معلوماتك

( UNIVERSITY OF PENNSYLVANIA ENGLISH LANGUAGE PROGRAMS )


والله يكتب لك الخير ومشكورة على دعواتك.




وبالله التوفيق،،






أخوك/
*عظيم الصمت*

أخوي الله يرضى عليك وعلى والدينا والديك
معهد يوبين من ضمن المعاهد اللي الملحقية مقفلته !
مافيه مشكله اقدم عليه ، طبعا أنا على حساب البرنامج

الله يعطيك العافية اخوي وتجربة مميزة ونقل احلى للتجربة

بالتوفيق يارب

حياك الله اخوي

والله وأنا أخوك قبل عشر أيام تقريباً أنا مكلم المشرف حقنا وقالي انه مو مقفل

والله يوفقك لك خير ويتقبل دعواتك ويرحم والدينا ووالديك.

والله ياليت تتأكد من الموضوع هذا ولكن اللي مقفل على كلامه ELS والله يوفقنا واياك لكل خير.



وبالله التوفيق،،





أخوك/
*عظيم الصمت*

الله يجزاك خير

والله هذا اقل شي نقدمه النصح لأي واحد متحتاج النصيحة وإبدى الرأي ونقل التجربة

لأني قبل ما أجي أمريكا كنت احتاج لمعلومات كثيرة ومالقيتها غلا عن طريق هالمنتدى والآن جاء وقت رد الدين له.



وبالله التوفيق،،







أخوك/
*عظيم الصمت*

طيب سوال شاطح شوي

لو بادرس معهد في مكان و جامعه في مكان اقدر ؟ و كيف

انا على برنامج الملك