تقرير عاجل اعتداء على مجموعة طلاب سعوديين في امريكا ( بلي موث , نيوهامشير )

والله رد موظف الملحقيه صحيح تبي يجي يضارب معكم
اصلا وش دخل الملحقيه بهذا الموضوع
ثانيا كل الناس معرضين لهذا الموقف مو بس سعوديين
اكثر شى ضحكني الي يقول ارسل برقيه للملك يعني تبيهم
يحطون لهم حارس عند بيتهم هههههه
خلاص اتبوا شكوا عند الشرطه وان شاء الله بتاخذون حقكم
وذا الشرطه ما اهتمت بمشكلتكم كلموا السفاره عشان تتفاهم مع الحكومه
واتمنى لكم الشفاء

الجناة ليسوا من اهالي المدينة ..
والقضية انتقلت للمحكمه

يا اخي لو احد منهم هو من اخوانك ولا اهلك ولا حتى ربعك ماكان تمصخرت وضحكت بهالطريقه الله يهديك .. هذولا مهما كان ناس من ديرتك وعزهم من عزك وذلهم يهينك ..

التافه الي رد عليهم من الملحقيه المفروض يجازونه لانه هذا ماهو رد لناس بحاله زي الحاله الي كانوا فيها الشباب المعتدى عليهم ..

الكلمه الطيبه لها اجرها عند الله ... وتبسمك في وجه اخيك صدقه كما قال الرسول عليه الصلاة والسلام ..

ابسط شي كان ممكن يقولهم ان شاء الله خير وبنشوف وش نقدر نسوي حتى لو ماكان بيده شي يسوويه او حتى يوجههم ويقولهم المفروض تسوون كذا وكذا .. مو يستخف دمه ويقول هالكلام لان لو احد داق عليه من اهله وقايل هالكلام كان بيروح فعلا يضارب معه..






وبالاخير يا اخ ميكي المفروض من موظف الملحقيه ( الي للاسف هو موظف فيها ) التافه ياخذ الملعومات من المتصل وهو يرفع الموضوع للجهات المختصه من السفاره .



ياليت نهتم ببعضنا ولو بالغربه فقط لان بكره ما احد يدري يمكن يصير شي وانت تحتاج خدمة اي شخص .( الله لايحوجك ولايحوجنا )

الله يشفيكم ويعافيكم
وارجوكم رجا لاتخلون حقكم مو كل يوم سعودي مضروب حتى في سوريا ينضربون

المشكله انهم بدوا يوظفون ناس ماعندهم غيره ولا حميه حتى على انفسهم قبل مايكون عندهم غيره على ابناء جلدتهم
انا من رأيي المفروض يختبرون اللي راح يتوظفون في مناطق خارج المملكه
ويسمونه اختبار المرجله
يشوفون كيف غيرته وفزعته
اما اللي يبي يكبر الوساده. ويريح مخه يجلس بيت ابوه او يروح ديزني لاند يشوف *ميكي* ماوس
صحيح اريح انك تكون دجاجه وتضحك على العالم مثل ماحصل للأسف من ناس يسمون نفسهم سعوديين..
بس ماشوف ان فيها من المرجله اي شي..

ولو اني مسئول, كان اقبضهم تذاكرهم واخليهم يرقدون في حضن امهاتهم في ديرتهم احسن من سلبيتهم على اخوانهم المبتعثين

مقاضاة شبان أمريكيين اعتدوا على 7 طلاب سعوديين مرددين "عودوا إلى أفغانستان"

منجد وهو صادق وش تبونه يسوي لهم ياحبيبي وتقول م(جموعة بعد ) شكلهم مايعرفون يدافعون عن نفسهم
هههههههههههههههههههههههاي كسر فى الانف والله شكله بكس نفش وجهه

مشكلة عيالنا ماش اجسام بكس واحد كسر عظامة مشكلة واللة انا ماتوقع من الباب للطاقة بيجون ويخشون علي الشباب فية شي اكيد الحمدللة على السلامة وماتشوفون شر ان شاللة وحقكم راح يجيكم باذن اللة

الى المراقبين
فيه حثاله وللأسف قد يكونون مبتعثين او حاقدين او هم نفسهم الحثاله اللي تلقاهم يردون على الطلاب ويردون عليهم في الملحقيه وغيرهم
وقد يدخلون ب نك نيم متعدده, اتمنى ايقافهم ولو فيه احد يقدر يجيب اساميهم, ويعطيني اياهم يكون يعمل خير..


من رأيي حرام الدوله تصرف على مبتعث عله على الدوله قبل مايكون على اخوانه.
للتواصل اتمنى مراسلتي على الخاص

كأن فيه ناس تؤيد هالصار ؟!
والله لو اخوك او انت ماقلت كذا !!
راعو شعور اخوانكم جايين تقولون هالكلام اللامسؤول ؟!

افرض جدلالا لو السعودين ضربو الشباب الامريكان , تتوقع راح يطلعون منها ؟!

والاخ يقول عظماكم ضعيفة !!!
تدري بأيش انضربو و كيف انضربو ؟ تدري كيف قوة الضربة ؟

يا جماعة هذول اخوانا والي صار لهم يسيء لنا حييييييل ك دين اسلامي و ان جنسياتنا سعودية !!