يا أهل .. فيرجينيا فايرفاكس / ارلنغتون / فولز كورش / الاكساندريا

السلام عليكم ورحمة الله وبركاته ،،

انا يا أخوان جاني قبول في معهد فيرجينيا تك في منطقة اسمها فولز كورش (falls church)

وهي المنطقة قريبة ومجاورة لكل من فايرفاكس / ارلنغتون / الاكساندريا كلها شمال فيرجينيا وقريبة من دي سي

سؤالي عن اسعار السكن والحضانات وتكلفة المعيشة عموماً لشخص منظم مصاريفة وعاملها كنترول ..

في اي من هذه المناطق

رجاااااااااااااااااء يا اخوان افيدونا .. وجزاكم الله خير .. لأنه لازم نقرر الأن ..

تحياتي

وعليكم السلام اخوي والله يوفقك ويفتح عليك يارب

انا ساكن في الكساندريا .... بالنسبه ل falls church والمناطق المجاوره ... McLean ,fairfax,vieena,arlington,alexandria,crystal city
انصحك تبحث في الاماكن هذي كلها قريبه من بعض ويوصلها المترو ان كانت تنقلاتك بالمترو .... كل اللي ذكرتهم السكن فيهم نظيف الا falls church فيها تنوع من ناحية جودة السكن وعموما حط في بالك شقه بغرفه وحده صعب تلقى شي نظيف اقل من 800 دولار
والاسعار تتراوح بين 1000 و1200 لشي نظيف .... اكيد في استثناءات لكن هذا الغالب والله اعلم ...

طبعا بس للتذكير بعض الشقق فيها all utilities included ... يعني الكهرب المويه الغاز .... الخخ كلها عليهم نقطه مهمه وتريح راسك ... بعضهم يخليها عليك وبعضهم ياخذ مبلغ رمزي ... لا تنسى تستفسر عن الاشياء هذي ...

الحياه بشكل عام معقوله ... مو رخيصه ولا غاليه ... اذا عندك استفسارات خاصه ممكن على الخاص وحياك في اي وقت ..

بالنسبه للحضانات اسف والله ما اقدر اخدمك ... لكن اسال لك خلال الفتره هذي واتاكد لكن ما اظن رخيصه :(

اتمنى اني اكون افدتك واذا في اي شي اقدر اساعد فيه لا تتردد ... وبالتوفيق

السلام عليكم ورحمة الله وبركاته

كلام الاخ dr-ss سليم ميه في الميه وانا من سكان فايرفاكس والايجار هنا غرفه واحده ب 1100 دولار شامله الماء فقط والكهرباء عليك انت لكن دور ويمكن تلاقي شئ ارخص بكثير

تقبل تحياتي

مشكورين ياشباب .. ماقصرتو والله..


بس هل هذه المناطق قريبة من بعض .. يعني كأنها أحياء ..

مثلا في جدة : الصفا المحمدية الشرفية .. يعني المسافات تقريباً بينها نفس هنا ..
والرياض .. الروضة السويدي الشفا ..

مجرد أمثلة ..

والي معاه سيارة يقدر يسكن في الاكساندريا .. والمعهد في الفولز كورش عادي يروح ويجي ..وله مشواااااااار ..


وياليت العوائل الموجودين في هذه المناطق يفيدونا ..عن الحضانات والسكن ...

ترى بدء الدراسة لنا حيكون في 20 اكتوبر


تحياتي

السلام عليكم و رحمة الله و بركاته .. اتمنى اعرف كم تبعد مدينة بيترسبيرغ بولاية فرجينيا عن واشنطن العاصمة ؟؟ يعني اقدر اوصلها من واشنطن بالسيارة ؟؟

اله اعرفه بحكم اطلاغي وقرائتي

انه تقريباً 3 ساعات ونص ...

بيسبيرغ في الجنوب ودي سي في الشمال ..

تعدي ريشموند .. والاكساندريا .. وبعدين تدخل على دي سي ..


تحياتي

الله يعطيك العافية اخ فستق على الرد .. بس هل تعرف اذا كانت المدينة امان و لا لا ؟؟ يعني هل بيكثر فيها السود و الاجرام ؟؟
و هل بيتعرف اي معلومات عن مدينة شارلوتسفيل بولاية فرجينيا ؟؟

وعليكم السلام ورحمة الله ..


اخوي معليش بنقط معك : )
اخوانا سكان فرجينيا بغيت اعرف
لو سكنت بفيرفاكس والمعهد بارلنغتون
هل بينهم ميترو ولا باصات يعني سهل الموضوع
ولا يبيلها سيارة ؟

الله يجزاكم جميعا خير

اقتباس:

---

المشاركة الأصلية كتبت بواسطة 3hOud

وعليكم السلام ورحمة الله ..

اخوي معليش بنقط معك : )
اخوانا سكان فرجينيا بغيت اعرف
لو سكنت بفيرفاكس والمعهد بارلنغتون
هل بينهم ميترو ولا باصات يعني سهل الموضوع
ولا يبيلها سيارة ؟

الله يجزاكم جميعا خير

---

ارلنقتون يوصلها المترو بشكل عام ويغطيها كامله
بس المشكله وين سكنك بفيرفاكس ؟؟ المترو يخدمها بس مو بالشكل المطلوب

.. شكرا للتفاعل ..

وياريت الناس اله في هذه المدن يزيدونا وينورونا بخبرتهم عن هذه المناطق ..

لأن الحياة عموماً وحدة فيها .. ولكن المجرب غير الي جالس هنا يدور ويقراً


تحياتي