بليززز من طلاب فلوووريدا طلب صعنوون
كيفكم صبايا ورقاااقيل
انا من الصبح وانا ادووور موووضع عن ذا المعهد ELI
تبع جاااامعه UNIVERSITY OF FLORIDA
الصراجه انا اشاء الله بجيه بس مدري كم عدد السعودين
وهل في ناس تسب البرامج حقته لاني مليت مدري احس الوقت ضايع وانا كل شوي قاعد ادور:wallbash:
المهم يالغالين ابستفسر عن
1 عدد العرب هناك وهل فيه تكدس
2 المهم يهئك لتوفل وجي ار اي
3 كيف وضعيت المدرسين اجتهادات ولا خطط مدرووسه
طبعا اتمنى مساااعده الاخوان الي هناك وهل ينصحوننا نجي ولالا
وانا دخلت منتدى و الملتقى حق جنزفيل بس ماحصلت الي ابي
اتمنى تنصحوووني
الشي الثاني
معهد جينزفيل ELI هووو نفٍسه ENGRLISH LANGUAGE CENTER )) ELC
وشكرا بس ضرووووري تكفووون
اختكم الصعنونه شووشو
رد: بليززز من طلاب فلوووريدا طلب صعنوون
اهلين اختي شوشو
انا ادرس بالمعهد هذا المعهد الصراحه عاجبني انا وتدريسهم مره كويس وعندهم كلاسات للتوفل بس لازم تكونين في ليفل معين من اللغه
من ناحية السعوديين طبعا فيه سعوديين كثير بس بالمقارنه بالمعاهد الثانيه هذا ارحم بكثير
امريكا الحين مليانه سعوديين وانا جربت معهد قبل هذا ماحسيت بطعم الغربه ابد كله سعوديين
بس يوم نقلت هنا لقيته اهون شوي من الباقي
عموما المدينه متوسط حجمها ومره هاديه وحلوه ومناسبه للدراسه واذا حبيتي تغيرين جو تامبا قريبه واورلاندو قريبه كلها مسافة ساعه ونص بالسياره
اي استفسار او سؤال انا تحت امرك
رد: بليززز من طلاب فلوووريدا طلب صعنوون
طيب وانا اخوك بجي انا وزوجتى ندرس هل ينفع والا لا
يعنى فيه عوائل هناك او لا
وكيف الحياه هناك امان والا لا
ياليت تجاوب على اسئلتى
رد: بليززز من طلاب فلوووريدا طلب صعنوون
مرحبا فيك يا الغالي
المدينه مناسبه جدا للمتزوجين واكثر اصحابي هنا سعوديين مع عائلاتهم والمدينه امنه وهاديه الحمدلله
واذا قربت جيتك وانا اخوك لا وصيك عطنا خبر وحنا انشالله بندورلك السكن اللي يناسبك وعلى حسب شروطك
هذا ايميلي اذا تبي اي استفسار ولا شي حاضرين يا الغالي qmr-15 @ hotmail.com
ترا مافي مسافات بس انا حطيتها عشان ممنوع اتوقع تحط ايميلك وشكرا
رد: بليززز من طلاب فلوووريدا طلب صعنوون
ماشاء الله يا أخ سعد الله يعطيك العافية
تصدق ان عندي قبول معهد اللغة اللي بجامعة فلوريدا .. زمان كنت ادور معلومات عن هالمدينة وما ألقى
والحين لأن قبول الجامعة ما جاني لأنها على ما يبدو صعبة شوي قررت أدور جامعة ثانية
حاليا قدمت على جامعة انديانا في بينسلفانيا واذا حصلت القبول بسرعه يمكن أصرف النظر عن ولاية فلوريدا مع انه كانت اختياري الأول
أنا من زمان ودي بجامعة ساوث فلوريدا اللي بتامبا بس لأني محتاجة قبول جامعة عشان أبتعث , قررت أدور جامعة أسرع وأسهل بالقبول
ايش تنصحني اخوي والله لسا محتارة بين الولايتين .. يعني أحيانا أفكر بعد ما أسافر أرجع أحول لفلوريدا بس خايفة من الشحططه والبهذلة ولك خالص الشكر
رد: بليززز من طلاب فلوووريدا طلب صعنوون
والله يا اختي انا مثل حالتك الجامعه قبولها صعب
عشان كذا انا القبول عندي من جامعة في اوهايو بس المعهد اباخذه هنا لمجرد تجربة شي جديد وفلوريدا ولايه مرررررره حلوه
بعد ما اجيب الايلتس واروح للجامعه حقتي او احول اخر سمستر لي في معهد الجامعه نفسها اللي عطتني قبول
لانه عادي يكون قبول المعهد في مكان والجامعه في مكان ثاني وهذا من واقع تجربتي مثل ماقلت لك
والله يوفقك ويوفقنا وجميع الطلاب
رد: بليززز من طلاب فلوووريدا طلب صعنوون
معاك حق أخوي
أنا لو كنت مثلك بطولي كان ما أهتم وأجرب أكثر من مكان
بس زي ما تعرف وضع العائلة محتاج استقرار
وفي نفس الوقت أتوقع إنه من الأفضل أن أستغل فترة اللغة كفترة تهيئة حتى أتعرف على المنطقة والجامعة اللي بدرس فيها
بالتالي أبدأ الماجستير وأنا مرتاحة ومزبطة كل أموري
الله يوفق الجميع ...
رد: بليززز من طلاب فلوووريدا طلب صعنوون
على طآري فلوريدا .. والله لي كم يوم احوس على معلومات .. يمكن تقدر عليها يا سعد !!
بسـألك عن معهد جامعه نورث فلوريدا .. بـ جـآكسنفيل ..
أبي معلومات عنه .. يعتبر ممتآز ولا وش وضعه بالضبط .
رد: بليززز من طلاب فلوووريدا طلب صعنوون
والله ياخوي المعاهد الثانيه مااقدر افتي فيها لاني ماجربتها
لكن جاكسونفيل زرتها وهي مدينه كبيره وسكانها كثيرين يعني مختلفه عن جينسفل
وهي بعيده نوعا ما عن اورلاندو وتامبا وفيها سود كثير اذا يهمك الموضوع :)
رد: بليززز من طلاب فلوووريدا طلب صعنوون
مـآ تقدر تسـأل لي !!
الأعراق والأجناس في جاكسونفيل :
الـبيض : 57%
الـسود : 29%
الهيسبانيك : 6,4%
الأسيويين : 3,5%