الأعضاء الإشتراك و التسجيل

الملتقيات
ADs

فزعتكم الله يوفقكم يا من يعرف جامعة جورج ماسن

فزعتكم الله يوفقكم يا من يعرف جامعة جورج ماسن


NOTICE

تنبيه: هذا الموضوع قديم. تم طرحه قبل 2672 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عبدالرحمن الطموح
    عبدالرحمن الطموح

    مبتعث جديد New Member

    عبدالرحمن الطموح السعودية

    عبدالرحمن الطموح , ذكر. مبتعث جديد New Member. من السعودية , مبتعث فى السعودية , تخصصى لغويات , بجامعة الله يكتب الخير لي
    • الله يكتب الخير لي
    • لغويات
    • ذكر
    • حاليا الرياض, الرياض
    • السعودية
    • Aug 2010
    المزيدl

    August 24th, 2010, 08:04 PM

    السلام عليكم ورحمة الله

    ومضان كريم وتقبل الله من الجميع الصيام والقيام يارب ؛؛؛


    الحقيقة قدمت أون لاين على جامعة جورج ماسن ولكن بقي فقرات معينة لم أفهمها بعد وهي
    1- أين وكيف أرسلهم الوثائق من الشهادات من جامعة وآيلتس وغيرها . هل أحملها أون لاين ؟ أو أرسلها لهم بريد ؟
    2- طريقة دفع الرسوم ؟
    3- بالنسبة للمعادلة التي يذكرها البعض عن طريق بعض المواقع مثل WEB- لم أفهم ماذا يقصد بها بالضبط ؟ شهادتي الجامعية مترجمة بالانقليزي ؛ هل أحتاج إلى معادلة فعلا ؟


    تحياتي وتقديري لكم ووفقكم الله في هذاالشهر الكريم يارب
  2. انا قدمت قبل 3 اسابيع

    1-ترسل لهم الاوراق بالبريد يعني اذا انت بالسعودية ترسلها لهم بالدي ات ال او غيره تقريبا تكلفك 480 ريال(طبعا لازم تعرف الطلبات زين وتكون كاملة مكملة مثلا لي انا كطالب دكتوراة طلبوني نسختين من كل كشف درجات البكالوريس والماستر ينحط في مظروف جامعتك اللي متخرج منها ويختم عليه و3 توصيات علميه تكتب في ورقة خاصه موجود على موقعهم وتوضع في مظروف الجامعة الرسمي ويختم على مكان تقفيلته زايد ظمان مالي زايد اوراق خبراتك اذا انت تكلمت عليها زايد سيرتك الذاتيه زايد شهادة اختبار اللغة زايد صورة من اول صفحة من جواز سفرك.

    زاايد تقرير يسمونه ايفالويشين هذه الورقه تنعمل في عدة موسسات معتمده من الجامعه وظيفتهم يقيمون كشف الدرجات حقك مثلا اذا انت بتقدم ماستر يصير لازم تسوي تقيييم لكشف البكالوريس المهم الموسسه تقيمة بحيث يكون موازي للنظام الامريكي.

    شف انا تعاملت مع هذول A2Z Evaluations, LLC
    وقلت لهم التقرير يا جماعه لا ترسلونه لي .. ارسلوه لجامعة جورج مايسن على ذا العنوان واعطيهم رقم الطلب حق الابليكيشن كمرجع لمن يوصل للجامعة. فية انواع من التقييم كورس باي كورس وهذا غالي وفيه عام هوه حسب موقع الجامعة طالبين كورس باي كورس لكن انا سالت الكلية وقالوا عام يمشي الحال وصار كلفني تقييم عام+حساب معدل=125 دولار تقريبا وقلي بتاخذ اسبوعين من وقت الاستلام او تقدر تعجل بس بقروش زياده. هذول يطلبون منك اوراق اصل يعني شهادة البكالوريس الاصل كشف درجات اصل. يمكن لو دورت غيرهم تلقى ابسط من ناحية هالامور ... ترسل الطلبات في مظروف ثاني لعنوان موسسة التقيم يعني الله يعينك 480 ريال ثانيه حقت الارسليه عن طريق الدي اتش ال...

    طبعا كل شغلك واوراقك بالانجليزي زي ما انت عارف.

    3- اما طريقة الدفع للجامعة فانا دفعت اولاين بعد ما انتهيت من الطلب قبل لا تسوي ارسال يقلك ادفع فانت تدفع بكريدت كارد لك او لاي بنفس اسم العائله او اظن تقدر ترسل شيك مع المضظروف بس هذه اتاكد من تفاصيها.
    ونفس الشي عن التقييم عبيت الطلب على موقعهم ودفعت اولاين.

    وموفق يالطيب
    7 "
  3. الله يجزاك خير ويرحم والديك أخوي بندر على المعلومات المفيدة ؛ طيب حبيبي
    1-أنا حاولت أدفع أون لاين بس المشكلة ما طاع يقبل معي ؛ فما أدري هل فيه فيزا معينة تصلح لأون لاين ؟

    2- أين أجد عنوان الجامعة البريدي الذي أريد الإرسال له ؟

    مع خالص شكري ودعائي لك
    7 "
  4. ياشباب الله يجزاكم بالجنه كيف دراسة الجامعه بالنسبه لماجستير الحاسب الالي - أمن معلومات أبي يشكل عام دراسة الماجستير في الجامعه هذس سهل أم صعب أيضاً من ناحية القبول هل أقدر أحصل على قبول مشروط باللغه بحيث اذا خلصت المعهد عندهم أقدر أدخل الماجستير بدون توفل جي آر اي أفيدوني رحم الله والديكم
    7 "
  5. المشاركة الأصلية كتبت بواسطة nayaf2022
    ياشباب الله يجزاكم بالجنه كيف دراسة الجامعه بالنسبه لماجستير الحاسب الالي - أمن معلومات أبي يشكل عام دراسة الماجستير في الجامعه هذس سهل أم صعب أيضاً من ناحية القبول هل أقدر أحصل على قبول مشروط باللغه بحيث اذا خلصت المعهد عندهم أقدر أدخل الماجستير بدون توفل جي آر اي أفيدوني رحم الله والديكم
    بالنسبة لردك انا رحت شفت الموقع حقهم يبون جي ار اي بس مو ضروري يعني القسم يتطلب جي ار اي بس مو ضروري يعني ان وجد

    وانا بقدم عليهم ماستر حاسب بس انتظر المعادله عشان ابي قبول مشروط لان معدلي طايح

    ادعي لي بالتوفيق احتاج دعواتكم
    7 "
  6. للاخوان اللي يسالون هل الجي ار اي مشترط او لا افضل شي ارسال ايميل للقسم واللي هو راح يعالج الابليكيشن لمن تقدم

    ارسل ايميل على هالعنوان وهو عنوان كلية الحاسبات (تم حذف الإيميل لأن عرضه مخالف لشروط المنتدى)

    اذا بتسال عن جي ار اي ممكن تكتب كذا :

    I have full scholarship from Saudi Arabia government, and I am interested in the program: PhD in Information Technology with concentration in Information Security and Assurance.

    So I am wondering about GRE test, it is required to take this test

    اللي باللون الاحمر غيرة حسب تخصصك بس ظروري تكتب انه عندك بعثه لانه بحالتي انا قالوا دكتوراة على حساب جامعتنا اللي هي جورج ماسن راح نطلب جي ار اي لكن في حالة لديك بعثه يصير مو شرررط تقدمه .. فاتوقع الماستر من باب اولى ماافيشش هالاختبار.

    واللي يسال عن الماسترر بالسيكروتي اقله ياحبيبي لازم تشد حيلك وانت لان عند بكالوريس تقدر تطالع بمواد المساتر وتشوف مناسبه لك او لا اذا انت هاوي برمجه ترا البرنامج حق ماستر السكروتي مافيه برمجة كثيرررر ابد ومن هالقبيل تحكم.

    اخوي الطمووح انا ببريطانيا ودفعت عن طريق بطاقة خاصه مش موجوده بالسعودية بس الغالب انه كريدت كارد تمشيييك معاهم والعنوان حق الجامعة يجيك باااخر شي بعد ما تدفع احفظه عندك

    سلام
    7 "
  7. المشاركة الأصلية كتبت بواسطة shito0on
    بالنسبة لردك انا رحت شفت الموقع حقهم يبون جي ار اي بس مو ضروري يعني القسم يتطلب جي ار اي بس مو ضروري يعني ان وجد

    وانا بقدم عليهم ماستر حاسب بس انتظر المعادله عشان ابي قبول مشروط لان معدلي طايح

    ادعي لي بالتوفيق احتاج دعواتكم

    ياعسى ربي يوفقك ان شاء الله وندخل التخصص سواء ونتساعد ان شاء الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.