طريقة تغير المعهد

السلام عليكم ورحمة الله وبركاته
كيف حالكم يالربع ؟؟
انا طالب مبتعث ياخوان وحاب اسئلكم عن طريقة تغير المعهد وكيف نظام الترانسفير لاني ودي بتغير معهدي لانه بصراحه ما ينفع لاتدريسه ولا نظامه .التدريس عندهم سمستر سمستر يعني البيقننق سمستر كامل وانا بصراحه مو عاجبني والتدريس يعني اللي يقوم بتدرسينا اساتذه صينيات وهولنديات ومكسكيات يعني الاكسنت عندهم معدووم يعني انا جاي لامريكا اتعلم اللغه والاكسنت حقهم فماني عارف كيف اغير من الحكومه الالكترونيه ومدري وش لاسباب المقنعه اللي تقنع فيها الحكومه الالكترونيه والادفايزر وبصراحه نظام الترانسفير ماني عارف كيف يعني اللحين انا راسلت معهد ثاني واللي راح يجيني قبول معهد وما ادري اذا يبون قبول جامعي والا يكفي الين ما اخلص اللغه واجيب لهم قبول جامعي .. الله لايهينكم يالربع اللي مجرب الترانسفير والنظام ابي اعرف كي ف الخطوات من الالف للياء هذا لا يقصر معي لاني شبه متعلق شوي هاللحين والله يوفقكم

هلا اخوي ..

اذا كنت على حسابك الخاص فتقدر تنقل من وين ما تبي .. بس جب قبول وزبط امورك ولما جاك الاي-توني
الجديد تقدر تسوي ترانزفير وتمشي للمعهد الجديد ..

أما اذا مبتعث .. فجب قبول - ويفضل يكون مشروط عشان ما يرفضونه في الحكومه الالكترونية - ثم تدخل
بياناتك بموجب القبول وبعدها تنتظر اسبوعين تقريبا لين يجيك الرد يا موافقه يا رفض .. بعدها تكلم مشرفك
يسوي لك ضمان مالي جديد باسم المعهد للي بتروح له .. وحبذا لو تزبط امورك من البداية مع المشرف وتقوله
اني ابغا انقل وتمشي معه خطوه خطوه .. :fireman:
وعسى الله ييسر امري وامرك والجميع ..

هذا اللي تسويه بكل بساطه .. واترك المجال لغيري


في امان الله

للرفع حتى تعم الفائدة ..