وداعاً ايها الحلم .. أقكر أن الغي البعثة بسبب مصاريف الحضانة

نعم وداعاً ايها الحلم ... وداعاً يافرصة دراسة الماجستير في أمريكا ..

بهذه الكلمات أصبحت اتمتم مؤخراً .. بعد أن فشلت كل محاولاتي في وضع ميزانية تغطي تكاليف الحياة بكرامة هناك ..

بعد اكثر من بحث وتحري .. عن أسعار الحضانة للأطفال .. اكتشفت أن تكاليف الحضانة لطفلين بالإضافة الى إيجار شقة في دي سي .. تساوي تقريباً 3200 دولار .. غير المصاريف الالزامية الأخرى ...

ومجموع مكافاة البعثة لنا كلنا تساوي 3400 دولار .. فمن يستطيع العيش بـ 200 دولار شهرياً ؟؟؟؟؟ :smilie_gruenweiss::saddam:


لقد قرأت كثيراً ان هناك اناس ارجعو أطفالهم الى السعودية ( هل تعرفون معنى هذا القرار ) بأن تتنازل عن العيش مع طفلك ؟؟؟ :sweat::sweat:


مع تمنياتي للجميع بالتوفيق والنجاح ..


تحياتي

الله يعينك ويساعدك أخوي ..
واشنطن غالية .. ليش تختارها ؟
ابحث عن ولايات بها مدن أرخص .. أكيد موجود .. الحضانة مع ايجار السكن ماتوصل لنصف المبلغ ألي ذكرته !

استخير ثم استشير !!

الله يوفقك ..

هذا قرار صعب ولكن لاتستعجل وزي ماقالك ابحث عن ولاية رخصية

لو انك استشرت كان ما ورطت في واشنطن وانت عارف مصاريفك
حاول تنقل الى ولاية ثانيه ..
وبالتوفيق لك .. وترا هذا مو قرار
تحياتي ..

:saddam:

كل شي ولا البعثه وانا اخوك لا تطيرها .. والامور سهالات وبتزين ان شاء الله ..
انقل ولايه ثانية وانشاء الله راح تزين امورك .. دي سي وانا اخوك غاليه علينا وحن عزب
اما انت بعذرك وانا اخوك .. الاستخاره زينه قبل كل شي وان شاء الله تطمننا وتبشرنا انك لقيت
مكان مناسب لك وولايه مناسبه تقدر تعيش فيها .. وحاول انك اتواصل مع عوايل في ولايات ثانية
بالنقل لها ويساعدونك .. البعثه فرصه ذهبيه ما تبرق الا مره وحده طال عمرك .. اغتمنها وربك
بييسر كل امر صعيب ..

لاضاقت الدنيا عليك و تشاويت .. فارفع ايديك لخالقك لاتوضيك .. وادعوا تراك اقرب ليصرت ساجد ..

الله ييسر لنا ولك وللمسلمين كافه ..

يعني ماشاء الله عائلة + طفلين في عمر الحضانه ومختار دي سي
انت الي مطير البعثة من راسك
ابحث عن ارخص ولاية مو حتى عادية طالما معاك اسرة
امسك العصاية من الوسط الانسان صعب يبغى كل شي
بعثة وحياة مرفهه واسرة ومدينة ممتازة وحلوة يعني انتهت المدن تختار العاصمة الي حتى الامريكان تاركينها
البعثة ماهي تمشية البعثة فرصة اكمال دراسة على حساب الحكومة ...الاولاد مالهم ذنب ينتركو علشان الام والاب يكملون طموحاتهم ...نصيحيتي كأخت وأم قبل اي شي....حاول انك تنظر للجانب المشرق في الامر...وتمسك العصاية من الوسط...والله يوفقك

الغريب انك تبي تدرس ب دي سي ،، فيه اماكن كثير ارخص واااجد ،، دي سي من اغلى المدن بامريكا وطبيعي ماتكفيك المكافأه لحالك بعد ،، مو مع عائلة ،،

بالتوفيق

يا أخي لا تعقدها بإذن الله محلولة.. لكن أبدالا تضيع البعثة... زي ما قالوا الأخوان واشنطن مررررررة غالية... في ولايات كثير رخيصة و المكافأة تكفي وزيادة.. صديقتي في أوكلاهوما هي وزوجها و 4 أطفال 2 منهم تحت سن المدرسة ( في الحضانة ) و ماشاء الله تبارك الله المكافأة تكفي و تزيد 250 دولار تقريبا كل شهر... حاول تلاقي قبول في ولاية رخيصة..

فيه ولايات نص السعر الي حددتة يغطي عليها
بس انت اختر العاصمة
الحين انا وانا طفشانين من غلا الرياض ودنا نروح لديارنا
اجل وش لون هناك
فيه مدن رخيصة بس انت استفسر عنها

أشكر الجميع على التفاعل ..

بس إختيار الولاية والمعهد مو بكيفي ...

القبول جاه من قبل الوزارة للمعهد ولتغير المعهد .. والولاية يجب موافقة الوزارة خطياً ..

وأنا راسلت الوزارة أكثر من مرة ... ولكن لم يأتي رد ...


والله مقهووووور لأن فرصة البعثة ماتتكرر ثاني ...


اله عنده طريقة مجربة لتغيير الولاية يقول .. يمكن يكون في أمل ...


وجزاكم الله خيراً ..

والله تفاعلكم أعطاني امل جديد ..