استفسار المستندات المطلوبة للحصول على تأشيرة طالب؟؟؟

يا غالي هالأمور مذكورة في مواقع عربية كثيرة بالتفصيل ، لكن عموما أجاوبك باختصار:
1- رح لبنك سامبا وقل تسديد رسوم فيزا أمريكية ، وهم راح يعطونك وصل ويأخذون المبلغ ، يعني ماتحتاج شيء ، قل رسوم فيزا أمريكا وبس ، والباقي عليهم .
2- الضمان البنكي كشف حساب بنكي للوالد للأشهر الثلاثة الأخيرة فيه مبلغ يغطي تكاليف الدراسة كاملة ، يعني فوق 17 ألف دولار تقريبا
3- هم يخافون انك إذا رحت تدرس ماعاد تعود ويعجبك الجو وتجلس هناك ، عشان كذا لازم تبين لهم : انك متعلق ببابا وماما وأهلك وان مستقبلك في بلدك وأقاربك ولاراح تقدر تعيش من دونهم وووو ، من هالسوالف المكررة ، وقل لهم : يا جماعة الخير لو عطيتوني جنسيتكم ما أخذتها (كثر منها)

انا الي قابل معي واحد بسفارة الرياض سألني انت رايح تدرس لغه قلت له ايه

قال لي طيب وبعدين قلت له انا ناوي اجلس ثلاث شهور على حسابي اذا جاني انضمام للبعثه كملت دراستي و اذا ما حصلت رجعت على الأقل و معي لغه

و اذا كنت موظف الأفضل انه يكون معك تعريف من عملك موجه للسفارة فيه راتبك و وظيفتك مع انهم ما طلبوه مني و كنت مسجل اني موظف ولا أحد سألني عن التعريف

و نصيحه لا تجيب لهم طاري الجنسيه بس حاول تذكر له النقطه هذي انك بتروح و ترجع اذا ما توفقت هناك

و على فكرررهـ الأمووووور سهااااااااااااااااالااااااااااااااااات بالسفاره لا تضيق صدرك

قسم انهم افضل من موظفين الأحوال المدنيه و الجوازات

تكفيك على الأقل ابتسامتهم لك

و الله يوفقك يارب