الأعضاء الإشتراك و التسجيل

الملتقيات
ADs

طلاب Orlando

طلاب Orlando


NOTICE

تنبيه: هذا الموضوع قديم. تم طرحه قبل 2651 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عبدالله ابن سليمان
    عبدالله ابن سليمان

    مبتعث مجتهد Senior Member

    عبدالله ابن سليمان الولايات المتحدة الأمريكية

    عبدالله ابن سليمان , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى معهد لغه , بجامعة معهد ELS
    • معهد ELS
    • معهد لغه
    • ذكر
    • سان دييغو, كاليفورنيا
    • السعودية
    • Jan 2010
    المزيدl

    September 11th, 2010, 02:38 PM

    السلام عليكم ورحمة الله وبركاته
    تحية طيبه للجميع وكل عام وأنتم بألف خير

    أنا طالب في كاليفورنيا في مدينة سان دييغو وصار لي الآن 6 شهور
    الوضع الحمدلله كله كويس والمدينه ولا أروع
    لكن من زمان وأنا ببالي ولاية فلوريدا وبالتحديد مدينة اورلاندو
    وهنا جاي اسأل عن سكان هذه المدينه وأتمنى محد يبخل علينا لو بكلمة واحده

    الي دعاني لترك سان دييغو هو الغلاء الفاحش في هذه المدينه .. أما غير ذلك فالمدينه ممتازه من جميع النواحي

    سؤالي عن مدينة اورلاندو :

    كيف الأسعار بالمدينه من حيث السكن أولآ ومن ثم المواصلات وأسعار السيارات والأماكن السياحيه وغيرها ؟
    كيف الأجواء في المدينه وإلى كم تصل درجة الحراره في الصيف والشتاء ؟
    كيف عدد السعوديين والعرب في المدينه ؟
    ايش افضل الجامعات في المدينة ؟
    في العطلات الرسميه .. ماهي المدن القريبه التي يمكن زيارتها ؟
    * وأتمنى إضافة اي ملاحظات سواء ايجابيه او سلبيه لهذه المدينه .

    أعتذر على الاطاله .. وأتمنى من الجميع الإجابه على الاسئله ولو بعضها
  2. اورلاندو يا حبيبي اول شي سياااره اذا مافي سياره بتتوهق واسال مجرب

    الاسعار بالنسبه للسكن وبالنسبه لانها مدينه كبيره تعتربر متازه جدا يعني ١٢٠٠ ممكن تلقى شقق كبيره لو معاك عائله
    غير كذا السكن تلقا من ٦٠٠ وانت طالع طبعا كل ما قربت من الجامعه ولامعهد يسير اغلا بس السر كلو في السياره لو معاك تقدر تسكن علا بعد ١٠ دقايق ورخيص
    المصاريف ماهي غاليه مره تعتبر عاديه مقارنه بمدينه كبيره
    الجو قريب من جو جده بس في امطار وفي الشتا تسير بارده بشكل معقول

    اي سؤال عن اورلاندو انشالله عندي اجابه
    تبغا مساعده في قبول المعهد حق جامعه ucf ، تبغا استقبلك في المطار ، تبغا مساعده في تدوير سكن
    بدون مقابل بس راسلني علا الخاص

    بالتوفيق
    7 "
  3. بيض الله وجهك يابوعابد وكثر الله من أمثالك
    مساعدتك هذي على العين والراس وربي يطول بعمرك يالغلا
    من ناحية الجامعات .. ايش افضل الجامعات الموجوده في اورلاندو ؟
    وكيف الداون تاون لـ اورلاندو .. كبير ولا مزدحم .. وكيف الأمان هناك ؟
    وايش افضل الأماكن الي ممكن الاقيها ويكون فيها شقه مكونه من غرفتين وسعرها مناسب .. يعني كم السعر تقريبأ ؟
    وكم قيمة التاكس في المدينه ؟
    ولك كل الشكر والتقدير على تعاونك
    7 "
  4. افضل جامعه اللي هي ucf بس علا حسب انت بتدرس ماستر ولا بكالوريوس لانو البكلوريوس بصراحه صعب اما الماستر اهون لكن مو معناتو سهل يعن يبغالها شده حيل بس جامعه لها اسمها وقوتها غير كذا كلها كومينتي كولج بس اذا عندك استعداد في جامعه تامبا ممتازه وحلوه والمدينه حلوه يعني لو تفكر تدرس المعهد في اورلاندو وبعدين تطلع علا تامبا فكره حلوه وبينها وبين تامبا حدود ساعه بالسياره

    الداون توان والله ما افتيك فيه لكن يقولو انو حلو انا ما قعد فيه الا لمن انصدمت سيارتي الله يبعد عنكم الشر بس يقولو حلو

    اماكن سكن في كثييييييير يعني شقه غرفتين ي مثلا اللي ساك فيها انا حلوه وكبيره غرفتين نوم وصاله كبييييره ومطبخ ب ١٠٠٠ بس هذي سعرها غالي شوي لاني قريب من الجامعه يعني لو تبعد شوي تلقاها ارخص في حدود ٨٠٠

    التاكس اذا ماخاب ظني ٧ ٪
    7 "
  5. الله يعطيك العافيه اخوي عبدالله .. ماقصرت وبيض الله وجهك
    معلومات وافيه من رجال وافي
    أنا افكر اجي ان شاء الله بعد كذا 3 شهور علشان كذا افكر بمراسلة الجامعه بعد ما اكون خلصت اللغه
    وأنا ان شاء الله جاي ادرس الباكالوريوس وعسى الله يسهل الأمر
    شاكر ومقدر لك اخوي عبدالله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.