شباب اي سؤال عن اورلاندو

بارك الله فيك ياخوي وعساك على القوه
عسى الله يجعله في ميزان حسناتك ويجعله سبب في توفيقك ويبعد الشر عنك ويسهل عليكم الغربه وجميع اموركم

حبيبي انا متردد اني ادرس في فلوريدا لغه لانهم يقولون انه اللغه السائده هناك هي اللغه الاسبانيه وماتستفيد من دراستك للغه اقصد من احتكاكك مع العالم في فلوريدا ممكن تعطيني رأيك عن هذا الشي ؟؟

وبالنسبه للمعهد كيف تقييمك له بالنسبه للتأسيس اللغه كمستوى مبتدئ؟

وكيف نظام المعهد اللغه كم مدة التيرم عنده لكل مستوى ؟

كم عدد المستويات للمعهد ؟

هل الجامعه تعطي قبول مشروط باللغه للماستر اذا راح ادرس في معهدهم ؟؟


اسف اخوي على كثرت الاسئله
بارك الله فيك

سلام عليكم ورحمة الله وبركاته
وكل سنه وانتوا طيبين
معاليش اخوي عندي كم سوال عن المدينه
1 كيف اسعار السكن غرفه وصاله وغرفتين وصاله والسكن مع عائله ؟
2 كيف اسعار المعاهد في الشهرين ؟
3 وهل اللغة السائده الاسبانيه ؟
4وكيف الجو في الصيف كم تكون درجة الحراره بين كم وكم وفي الشتاء برضوا كم تكون لان يولد يقولو زي جو السعودي؟
5 وكيف المدينه غاليه ولا متوسطه ؟وكيف وناسه اوكئيبه ؟ و
واسف على كثرة الاسئله بس الله يوفقك وترا والله محتارين بالمدينه
وشكراا

اخوي لك الجمايل الله يوفقنا وياك ويرجعنا لاهلينا سالمين انشالله

شوف اذا تتكلم عن فلوريدا بشكل عام في مناطق لو ماتعرف اسباني بتروح فيها المعنى انو كلهم يتكلمون اسباني زي مصلا ميامي عن نفسي مارحتها لكن الامريكان بنفسهم يقولون لازم تعرف اسباني لو بتروح لكن اعرف شباب سعوديين هناك ماشيه احوالهم

لكن بالنسبه لفلوريدا الوضع عادي جدا صحيح تشوف الاسبان بس اغلبهم يتكلمون انجلش يعني عددهم زياده عن الاوضاع في باقي الولايات

بالنسبه للمعهد بقولك كلام الشباب اللي بدو فيه من الصفر لاني قبل لا اجي كنت درست قبلها في معهد وخلصت فتره الاساسيات
الشباب يقولو انو المعهد بالنسبه لو بتبدا من الصفر يعتبر ممتاز مقارنه بباقي المعاهد بس اهم شغله شفتها في المعهد التواصل يعني خليك مع تواصل مع المدرسين الاداره زي كذا وعلا فكره طيبيين وخدومين صحيح في عندنا عرب في المعهد نسبه عاليه بس يضل المعهد ممتاز

الترم ٧ اسابيع في كل ترم تخلص مستوى واحد

في ٤ مستويات وكل مستوى ينقسم الا قسمين A و B

بالنسبه للجامعه اذا كنت تقصد ucf فهم مايشترطون المعهد حقهم بس قبولهم صعب شويتين اغلب الشباب اخذو لغه هنا وبعدين يخشو كومينتي كولج ومنا يحولو علا الجامعه

في في اورلاندو جامعتين و٢ كميونتي كولج

الملحقيه تسمحلك بترمين فقط في الكومنتي كولج

بالتوفيق

خليلو خليلو فكرتني بواحد من القرايب اسمو خليل ، حياك اسال لين تطفش

١ - سكن مع عائله نادر لمن تلقا مو لقله العوائل لكن لانو في ناس ساكنيني عندهم ، بالنسبه للاسعار فهي مقارنه بمدينه كبيره حلووه جدا يعني ممكن تاخذ غرفه وصاله ب ٨٠٠ وفي اقل بس كل ما قربت من الجامعه كل ماغلي وكل بعدت كل مارخص



الحل هو تسكن في شقه مثلا غرفتين ويكون معاك احد راح يقل الاجار عليك زي وضعي انا ساكن في وحده من احسن المجمعات هنا واغلاها والسكن طالع عليه بالمويه والكهربا حوالي ٦٢٠ غرفتين نوم ومطبخ وصاله كبيره

٢- هذي اسعار المعهد انزل لاخر الصفحه تلقاها

UCF Center for Multilingual Multicultural Studies || Schedule & Fees

٣- نفس الكلام اللي بردي هذا ^^^^^^


٤- الجو تقريبا في الصيف زي جده وفي الشتا زي الرياض

المدينه حلوووه بس يبغالك سياره اول واهم شي
تقدر تمشي حالك بدون سياره فتره بس راح تتعب شويتين

تقدر تفيدني بمجمعات سكنية مناسبة للعوائل وتكون آمنة قريبة من جامعة UCF ؟
كل الشكر

صباح أو مساء الخير ..حسب التوقيت عندك D:

كل عام وانت بخير .. و بالتوفيق لك في دراستك .. ابغا اسألك كم سؤال ان شاء الله ما أتعبك ..

1- اش معنى (الكومنتي كولج) .؟ انا مافي افهم :P:P

2- كم تبعد واشنتن عن اورلاندو بالطيارة .؟ و كيف كان خط سير رحلتك ..؟

3- اسم مجمعين او ثلاثة على الاقل للسكن .. لأني احتمال كبير اجي في شهر يناير او نهاية ديسمبر ..

و شاكر لك تعاونك معنا .. و يعطيك العافية .. D:

حاليا في هذا السكن Arden Villas ممتاز جدا انا ساكن فيه ومن المغرب يقفلو البوابه وماتفتح الا بالكرت اللي يعطوك هو

في كذا مكان كويس غيرها بس خليني اجيب اسمائها ( اعرف المكان بس ناسي الاسم)

الوكمينتي كولج تقريبا زي ماتقول كليت المجتمع وتكون الدراسه فيها اسهل من الجامعه غالبا
وفي امريكا اذا خلصت سنتين في كومينتي كولج تقدر تحول منها علا اي جامعه يعني يقبلوك علا طول من غير وجع راس ويستخدموها الامريكان غالبا لانها ارخص عليهم في الرسوم من الجامعات العاديه
ملاحظه: في امريكا يهتمو من اي جامعه تخرجت مايهمهم فين بديت ابدا

دي سي تقريبا كانت حدود ساعتين او ثلاثه ماني فكر بصراحه
خط السير انت تحددو علا راحتك لكن بقولك نصيحه الطيران في امريكا تحجز رحلتك قبل باسبوعين تطلع التذكره ب ١٢٠ تتاخر ليوم الرحله ولا قبلها بكم يوم تلقا سعرها ٢٠٠
ولا تقول اوفر ٥٠ دولار واطلع ترانزيت ترا بتتعب خصوصا لو انت جاي من السعوديه --- اسال مجرب

بالنسبه للسكن نفس الي ذكرتو في ردي اللي فوق وبجيب اسماء ثانيه انشالله

بس تبغا عائله ولا سكن عادي يعني غرفه وصاله ولا يكون شقه ويكون فيها شركاء غرف بس صبعا تكون في مجمع سكني يعني كل شي فيها نظام

up up up up up up up up up up up up up up up