عرض للطباعة
سلآم عليكم
سكآآن فيرجينيآ والدآرسين بوآشنطن الموضوع موجه لكم ..
ابحث عن سكن قريب من وآشنطن بفرجينآ .. المشكله آن الاسعآر غآليه كل مآ قربت لدي سي .. وتطق الـ 2000 دولآر حسب موآقع تآجير الشقق ...
ياليت آن آحد الاخوآن من آهل فيرجينآ يعطينآ العلم ..
آخوكم بيسكن بفرجينآ ودرآسته بجورج تآون .. وبصرآحه الوآحد يشيل هم ودي القى شي قريب او شي جمب الميترو ..!
أهليين
قريب من جورج تاون منتب لاقي شي، وإن لقيت، بتلقى شي موب نظيف بسعل قليل.
قلي كم توصل ميزانيتك، وأنا أعلمك وش الخيارات المناسبة لك..
وإذا بتدور بنفسك، دور ب الاكساندريا هناك الشقة الغرفة الوحدة النظيفة تلقاها بـ ٨٥٠ شاملة كل شي.
أنا أخبر واحد هو وعائلته بيمشي، مستأجر شقة ثلاث غرف وثلاث حمامات وصالة كبيرة وغرفة طعام ومطبخ فيه ثلاجة وغسالة صحون، والعمارة مؤمنة تدخل وتطلع بمفتاح سكورتي، وفيها جيم، وفيها مسبح وبلياردو وساحة استقبال ضيوف والشقة بالدور الاول، والعمارة يوقف عندها باصين واحد يوديك لمحطة بولستون علي الخط البرتقالي والثانية بنتاجون سيتي علي الخط الازرق، وفيه شاتل مجاني بعد يوديك ومسافة مشي لتارجيت لمحل شيشة عربي لماكدونالدز لبقالات عربية لجيان فايف جايز لسفن الفن.
هو الرجال بيمشي وباقي بعقده ست شهور يبي أحد ياخذ منه إذا أنت تعرف اثنين بيشاركونك السكن ارسلي وانا اعطيك شلون تتواصل مع الشخص، المبلغ ٢٣٠٠ دولار بالشهر، يعني بيطلع الواحد منكم ٧٦٦ بدون شاملة كل شي ما عدا الكهرب.
شكرا
الله يجزآك خير يا سلطآن ع الرد
ثلآث غرف كثيره علي .. معي الاهل
ادور شقه غرفه او غرفتين والميزآنيه 1500 او حولهآ
قريبه من الخط البرتقآلي
مآ آدري هل فيه شقق تؤجر مفروشه .. وكم اسعآرهآ ..
بالنسبه لنظآم الموآصلآت وشلون الوآحد يوصل للمعهد ..
الميترو خطه مآ يمر بمنطقة جورج تآون .. هل فيه بآص يوصلك ممن آقرب نقطة ميترو للجآمعه ؟ يعبر النهر اقصد ؟
إيه تلقى بس بعيد بفيرفاكس
وتقدر تشوف ال Southern towers
بالاسكندرية على السيمنري رود به شقق غرفتين والعمارة كويسة امنة وباصات كثيرة تاقف به وجيم وبول وحديقة وقريبة من حضانة وتجي باصات الابتدائي والمتوسط
وجورج تاون يا طويل العمر، تروح عن طريق البرتقالي إلين foggy bottom
ومن هناك تاخذ باص اعتقد ٣١
واشوف انا الطلاب ينزلون بروزلين وفيه باص خاص بالجامعة ياخذهم من هناك للجامعة
لان من عند روزلين قريب بس يقطعون البريدج
عموما فيه هذا الموقع
Metro - Home page
تحدد النقطتين اللي بتروحلهم
وهمن يعطيك اكثر من اقتراح والمواعيد وكلش
اخوي سلطان انا معهدي هو inlingua في مدينة Arlington بولاية فرجينا
وانشاء الله جاي باخر اكتوبر تقريبا 27 .
ممكن تعطيني مقترحات عن السكن لاني والله ماخذ همه مزنيتي بالشهر 700 دولار مع علم اني جاي وحيد واحب ادور على الرميات المشتركه
سبعمية أحس إنها صعبة أو ما تلقى شي كويس بهالمبلغ، أو إن لقيت فبتلقى مع ناس ثانيين.
انا اقترح عليك تكلم المعهد نفسه يدبرلك أحد تسكن معه قبل تجي.
حتى العوايل هنا ٩٥٠ بالشهر
أنا ما أعرف سعوديين يبون أحد زود معهم... إذا حصلت ناس يبون ثالث او كذا علمتك.
ولا قربت جيّك وما حصلت شي ارسلي وعلمن، اشوف اذا اقدر ادبرك...
المشكله المعهد ما عنده غير سكن عوائل ولا ابي سكنهم افضل الروميات الشقه المشتركه حتى لو مع اجانب ما يهمني ، الكثير يذم السكن العوائل لا تستفيد منهم ولا يفيدوك حتى باللغة . فلو تعرف روميات لو مع اجانب ما يهم . وبالنسبة للسكن عادي ما يهمني زين ولا ماهو زين انا ماني ناوي اشتريه كله عبارة عن كم شهر اذا انضميت كان بها واذا ما انضميت رجعت .
هلا أخوي معليش انا سؤالي ماله دخل في السكن و ما راح يساعدك لكن ودي اعرف وش تدرس في جورج تاون
ودي انقبل في هالجامعة يا ليت أحد طلاب جورج تاون يساعدني
إذا تبي سكن مشترك
إدخل موقع craiglist
بتلقى ناس واجد يطلبون
مرحبا أخ "تحكمني قنآعآتي" الأخ سلطان ما قصر وضح بعض المعلومات يعطيه العافية حاليا أنا أسكن بفولس تشارش وفي نفس المبنى الذي أقيم فيه مع عائلتي تتوفر المواصفات المناسبة لك من حيث السعر والقرب من المحطة هناك تقريبا 2 أو 3 يدرسون في نفس معهدك إن كان المقترح مناسب لك أتشرف بالتنسيق لك حظا موفقا
محمد الحسن