تكفووووووووون يا شباب ابي النصيحه من القلب
انا موظف في ارامكوا وراتبي سبع الاف ولكن الطموح اكبر بكثير ودي اطلع اكمل دراستي في امريكا وفي البدايه على حسابي الخاص وانشاء الله بلتحق بالبعثه ولكن مررررررررره متردد وخايف اندم على ترك الوظيفه تكفون ابي نصيحتكم هل الدراسه صعبه وهل القرار اللي راح اتخذه صح علما ان لي سنه ونص جالس اجمع المبلغ اللي راح اطلع فيه مبدئيا ممكن راح يكفي لمده ثمانيه اشهور
رد: تكفووووووووون يا شباب ابي النصيحه من القلب
أول شي أستخر .. و ثاني شي قبل لا تتخذ أي قرار أحفظ لك خط رجعة لإي إعتبار ، و فكر بالموضوع بشكل متعمق و جدي و ضع الأهداف مقابل المخاطر .
موفق يا عزيزي
رد: تكفووووووووون يا شباب ابي النصيحه من القلب
اقتباس:
المشاركة الأصلية كتبت بواسطة عمار ياسعودي
انا موظف في ارامكوا وراتبي سبع الاف ولكن الطموح اكبر بكثير ودي اطلع اكمل دراستي في امريكا وفي البدايه على حسابي الخاص وانشاء الله بلتحق بالبعثه ولكن مررررررررره متردد وخايف اندم على ترك الوظيفه تكفون ابي نصيحتكم هل الدراسه صعبه وهل القرار اللي راح اتخذه صح علما ان لي سنه ونص جالس اجمع المبلغ اللي راح اطلع فيه مبدئيا ممكن راح يكفي لمده ثمانيه اشهور
بسم الله الرحمن الرحيم
حياك الله يا أخوي ,,, أنا الصراحة ما ودي أتفلسف عليك بأعطيك رأيي بصراحة
شف إذا كنت بتجلس في أرامكو وتستمر فيها وفيه مجال تترقى في الوظيفة وبيزوود راتبك فهذا أفضل من وجهة نظري
وأنت أستشـــر الموظفين اللي معك وأستشـر المدير
وفـــي الآمـــور هـذي لازم تستخيـــر وشف ضميرك وش يقول
وعلى ما أعتقد ان أرامكو يعطون الموظفين دورات في الخارج
يمكن أنت أخبر مني في الموضوع هذا
الله يوفقك يا أخــوي
رد: تكفووووووووون يا شباب ابي النصيحه من القلب
استخييييير اول شي
وزي ماقال الاخ ارامكو تبتعث موظفيها وفي معانا طلاب مبتعثين عن طريق ارامكو لو قدرت
تجيبها من الشركه نفسها احسن
في اختيار ثاني لو قدرت تاخذ اجازه بدون راتب بس لا تترك الوظيفة وروح اميركا وشوف وضعك
بالتوفيق
رد: تكفووووووووون يا شباب ابي النصيحه من القلب
مشكورين يا شباب على كل الردود وما قصرتوا لكن انا حاولت اجيبها عن طريق ارامكوا لكن مع الاسف محاول فاشله لكن فيه امكانيه الرجوع للوظيفه بعد الاستقاله خلال سنه وهذا اتوقع انه راح يحدد اذا بكمل في البعثه او لا
رد: تكفووووووووون يا شباب ابي النصيحه من القلب
والله يالغلا اتمنى انك تفكر أكثر شوي ارامكو مو بسيطه عشان تستهين بالأنسحاب منها