الأعضاء الإشتراك و التسجيل

الملتقيات
ADs

فلوريدا تامبا

فلوريدا تامبا


NOTICE

تنبيه: هذا الموضوع قديم. تم طرحه قبل 2578 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. يا العندليب ياغالي ..

    كلامك على العين والراس ...

    اذا مايهمك استقبال الملحق الثقافي ومناقشته بمشاكلك ياغالي فيه غيرك مهتم ويعتبرها فرصه ماتتعوض والحمدلله الكثير استفادوا خصوصا الي كان مستعد .. الملحق بنفسه استلم ملفات مجموعه من الطلاب ووعدهم ينهي الموضوع بداية الاسبوع الي يلي اللقاء ..

    واذا مايهمك نادي يحضر اجتماعات واحتفالات تخفف على الناس غربتهم غيرك يهمه ،،

    ومعليش يعني ماقد سمعت عن اي احتفال باي نادي بتامبا ؟؟ اذا كان جوابك لا فلاتلوم النوادي يا اخي اذا ما انت متواصل .. النادي عليه جزئيه وانت عليك جزئيه .. والنوادي بدون تواصلك مايقدرون يخدمونك .

    وبخصوص خدمة الناس .. انا ما اقدر اقول لاحد تعال بخدمك لغاية ما هو يطلب الخدمه ( لان كل شخص له متطلباته ) والنادي زي ما انت شايف جديد الى الان ما ادرجوه الملحقيه بالدليل الخاص فيهم ..

    فيه خطوات بخصوص التواصل مع الناس لكن ننتظر تنتهي الترتيبات الاوليه .. اما من ناحية الي يتواصل معنا ومحتاج اي خدمه فاعرف انه محد قصرنا معه ..

    واي خدمه انت تتكلم عنها اعرف انها موجوده وفيه من يخدمك فيها ..


    وبخصوص الخدمات المجانيه فالاخوان مايخدمونك بفلوس ومعليش محد يخدموك بفلوس بالامور هذي الا اذا هو شخص مايستحي .



    وبالاخير الطلاب نفسهم اذا فيه شخص طلب اي خدمه واحد قصر معاه من النادي الطلابي له مننا اننا نرضيه .



    وياجماعه المقارنات مالها قيمه لان ماهو هذا محور النقاش .
    7 "
  2. المشاركة الأصلية كتبت بواسطة ملك الطيبه
    المواصلات يا سيدي الفاضل في فلوريدا عامة سيئه فلا تتامل الكثير الا بعض الباصات اللي خط سيرها الشوارع الرئيسيه فقط
    اما عن معهدك فهو افضل بمليون مره من معهد تامبا
    وربي انك ملللللك هذا الكلام الي يفلج الصدر

    طيب وبالنسبة للسكن بكم وكم يبعد عن المعهد ؟؟؟؟
    7 "
  3. محور النقاش؟؟؟؟؟؟؟
    كلام كبييييييييير
    لكن للاسف كثر الكلام ما نفع احد !؟
    اما عني فانا ذكرى خالده في اذهان الطلاب باذن الله و يكفيني استقبال اهالي الطلاب لي في السعوديه وقت ما رجعت في رمضان و هذا بفضل الله لانهم عرفوا اني رجعت للسعوديه عن طريق هذا الموقع الموثق فيه رقم جوالي السعودي اللي حطيته عشان لا يضيع علي اجر باذن الله و انا بعيد و عشان لا يتعب احد في غربته او يحس انه رايح بلد ما فيها احد يخدمه و يساعده او على الاقل يوجهه .و الاخ هو اللي يحرص على اخوه بافعاله ماهو باكلام و انت اخر من يتكلم عن عن الافعال لانك تذكر انت ايش اللي سويته معي بيض الله وجهك قدام الناس يوم الحفل الله يسامحك و اتمنى انك ما تبرر هذي كمان لانك لو راجعت نفسك راح تعرف و ما في داعي لكثر الكلام بهالموضوع لان الكلام فيه راح يكثر .
    الترفيه عن العوائل ؟ كلام صحيح لكن ربنا قال ( اولى لك فاولى ) فمن المفترض ان اللبيب بالاشاره و الرجال افعال لا اقوال .
    الطلاب يا أخي الفاضل ( اقول اخي الفاضل لانك اعلم الناس انك لو احتجت احد و الله لا يحيجك الا لوجهه الكريم راح تلقاني اول الواقفين بجنبك) محتاجه من يساعدها اول ما توصل مثل ما انت كنت اول ما وصلت و المفروض دام النادي الطلابي عارف ان كل الطلاب اللي بيجوا لتامبا بيتواصلوا في هالموقع يفيدوهم عن طريقه او على الاقل يحطوا ارقامهم و ايميلاتهم عشان يفيدوا الطلاب اول ما يوصلوا اذا كان امر الطلاب فعلا يهمهم يعني في الوقت اللي هم محتاجين احد يرشدهم و هذا سبب وجود نادي طلابي و بعدها يرفهوا عنهم و عن عوائلهم بالطريقه اللي الله يوفقهم فيها لان الطالب اكثر ما يحتاج ان يكون في حماية اخوانه هو وقت وصوله لمطار هذي البلد و متى ما لقى احد يعلمه وين يروح و ايش يسوي راح تحلى مرارة الغربه و تهون عليه لان الانطباع الاول و انك تحس ان لك احد تستند عليه في بلد مالك فيها اهل هو الاهم لانه طول العمر ما راح ينسى هالتجربه و العكس صحيح .
    ان كان علي فانا تاذيت من هالغربه من وقت ما وصلت و تمنيت ان يكون في نادي طلابي يبيض الوجه في ذاك الوقت يساعدني لكن الحمد لله انا اساعد الناس بفضل من الله لاني ما ابيهم يطيحوا في اللي انا طحت فيه اول ما وصلت و مشوار رساله بدأتها منذ وصولي ما راح انهيها الا لما يامر الله مهما كثرت الاكاذيب عن افعالي اللي اقوم بها بامر الله و جزاك الله كل خير على كلامك اللي بين السطور و الله يسامح كل من اخطاء في حقي و قال عني كلام بغير وجه حق و الله وحده العالم بالنيه من ورا هالكلام و انت اعلم الناس هالكلام من اللي بدأه و من وين بداء

    و لازلت كما انا اللي يحتاجني انا تحت امره من المطار الى ان يتم الله عليه بفضله

    أخوكم : ملك الطيبه
    7 "
  4. اسمحلي اخوي تركي لي مداخله بسيطه بخصوص نقاشك مع اخوي ( ابو الطيبه )

    الغريب ان ابو الطيبه هاجم النادي السعودي الخاص بجامعة USF مع العلم انت نقاشك واسألتك حسب مايبدوا لي تخص جامعة UT والله اعلم.

    لكن بكل الاحوال عندي كلمه بسيطه ياليت تسمعها مني وانا اخوك .. اذا الله كتب وتشرفنا بوجودك معنا بتامبا ان شاء الله بتسمع وتشوف بعينك وراح تعرف وش الي يسود الوجه ووش الي يبيضه واذا حاب تعرف عن نادي USF تقدر تسأل رئيس نادي UT وهو بنفسه يعلمك هل هم يسودون الوجه ولا لا .

    -يا أخي (الاحرش)! تبيني أسأل رئيس النادي! وين الاقيه؟ ((وين المواصلات؟ تراك في تامبا.... التاكسي $$$؟ ))((من يدفعها؟؟ اروح لرئيس النادي؟؟ ليش؟؟ لانه رئيس النادي؟؟ ولي على منصب علشان الناس تروح تطلب منه مساعدته؟؟)) ولا علشان هو من يقدم خدماته@@@ للقادمين من المبتعثين؟؟

    -كيف تبيني أسأل هل هم يسود الوجه ولا لأ؟؟؟ وأنا اللي خادمني من المطار لين شراء السيارة... ((رجــــــل -واحــــد... أسمه... مـــــلــــك الطــــيـــــبـــه..!!!...!!!)) لاوبعد... خادم... أخوي قبلي...!!!... لاوكمان خادم... جاري... لاوازيدك... خادم.. ثلث الشباب اللي معي في المعهد و الفندق!!!!!!

    -لاوأزيدك كمان.... رايح جاي خادم الشباب... (ماخذ واحد يدور فيه.. سوق سوق.. محل محل... حتى يشتري الاخ... على مزاجه...(من يعمل هذا؟؟؟؟؟ كل يوم مع الشباب؟؟؟)الجواب(ملك الطيبه)... ليش؟؟؟؟هو من يتصل علينا ويسألنا.. ايش ناقصكم؟؟!!... أول ماجيت إلى تامبا.. وأنا أسمع من أخوي... ومن أصدقائه.. عن (مــــلـــك الطـــيـــبة)..!!..( وماسمعت عن...(النادي السعودي؟؟!!!))..الصراحة.. أول ماسمعت عنه.. توقعت أنه هو.. رئيس النادي!!!..) لكن..للأسف... صار العكس... مع احترامي لرئيس النادي..ونأبه..والأدارة الموقرة..

    -لاتلومون(ملك الطيبه)...ولاتولوموني... ماشفت لكم او اصدقائي اي ارقام للتواصل؟؟!!؟؟!!

    تحياتي لك والله يوفق و يهدي الجميع .[/QUOTE]

    ولك..
    7 "
  5. السلام عليكم ورحمة الله وبركاته

    اخوي (الأحرش)..

    ممكن تزعل من كلامي... او مايرضيك ماسوف اكتب.. لكن رجائي انك.. تتفهم رائيي وتتقبله.. لانه حق.. والحق لاخلاف فيه..

    -كوني كاطالب جديد... واحتاج من قبل وصولي الى المعلومات الكافية عن الجامعة والمدينة.و..و..الخ.. من أسأل؟!؟ اكيد بتقولي اكتب لنا عن طريق المنتدى.. والشباب ماراح يقصر معك..كتبنا عن الطريق الموقع.. وردو علينا الاخوة .. ماقصرو... (لكن من رد وقدم خدمة في نفس الوقت)... ا((لنادي السعودي؟؟!! للأسف لأ؟؟!!!)) لكن رد(ملك الطيبة*) على أسألتي... وسألني متى وصولي؟؟.. حتى يجهز لي السكن المؤقت...؟؟ أين النادي السعودي؟؟؟؟؟؟؟؟؟؟؟؟؟؟؟؟!!؟؟؟؟؟!!
    -أذا كون النادي السعودي يخدم المبتعثين وأهالي المبتعثين في الترفيه.. فجزاهم الله خير... (لكن).. ألاولى و الأهم.. أنهم يخدمون من هم قادمون.. أو من وصل حدبيثا.. لأن النادي يخدم من هو محتاج عند وصوله.. حتى أستقراره... لا... (يقدم الترفيه)^^ على من هو في أمس الحاجة.. إلى المساعدة؟؟!!
    -ّّّّّّّّّّّّّّّّّّّّّّّّّّّّّّّّّّّّّّّّّ
    7 "
  6. يا ابو الطيبه ..

    اولا الله يهديك .. بين السطور ماذكرت شي .. ولاتصير مثل المثل الي يقول الي على راسه بطحا يحسس عليها وانا اخوك .. لاني انا اول واحد اشهدلك بافعالك وانت عارف اني ما اقبل من احد انه يتكلم بظهرك بحكم اني اعتبرك اخ حتى لو كنا مشغولين عن بعض .

    واذا على التلميح يا اخي شوف انت وش كاتب بالردود السابقه وتعرف مين الي يلمح .. هذا غير كلمتك اننا حنا نسود الوجه .

    انت الان تتشره على قصة يوم الحفل وكان الاولى تكلمني فيها يا ابو الطيبه .. لان هذيك القصه لا احد كلمك فيها ولا مس لك شعرها فيها وبالعكس لما انت تكلمت انا ضحكت معاك وقلت لا ابوسهل قدامك ماعليك من هالرجال انا اتفاهم معاه ( لاني افترض اخوتي لك تقبل الميانه ) .. وبعدين مين كلمك يوم الحفل يا ابوطيبه ؟؟ الكلام كان بيني وبين ابوسهل ولما عصبت انا كان كلامي مع الشخص الي جنب ابوسهل لانه تكلم بطريقه ماهي لائقه ..

    وعموما باخر الحفل جيت لابوسهل وقلتله اسف ان كانك زعلت وهو بنفسه قالها ( وهو موجود تقدر تسأله ) قال انا اسف لاننا المفروض نتفهم موقفك والضغط الي عليك .. والشخص الي انا عصبت بسببه جابه ابوسهل وحصل نفس الشي معاه واعتذر وبرر موقفه ..

    يعني كله كلام انت ماكان لك فيه لا ناقه ولا جمل .. وبالاخير اقولك روح ارجع لرجل الوقور المحترم ابوسهل وناقشه واسمع رايه لانك ماراح ترضا انت بكلامي وهو يقولك هو انا غلطان ولا لا .


    مع العلم كل الي صار انت ماكلمتك فيه ولاناقشتك بشي يا ابو الطيبه وانت من نفسك قمت وزعلت الله يهديك .


    وبحكم انك قاعد تتشره يا ابو الطيبه ليش مانظرت للكلام الي قلته لك بالتلفون وماجيت اكتب قدام الناس هنا واوريهم ان ابو الطيبه قصر معي ( زي ما انت كتبت عني بخصوص الحفل ) ؟؟

    انا اتوقع انك ناسي حتى انا ايش قلتلك .. وبذكرك الان .. انت قبل ماترجع لسعوديه مين الجاك لحد باب بيتك يسلم عليك قبل الرحله بكم ساعه وبالفجر ؟؟ جيتك وقلتلك اذا وصلت السعوديه كلمني وطمني عليك ( زي كل مره انت تسافر فيها ) صح ولا لا ؟؟ وللاسف سحبت على ولاسمعتلك حس لغاية يوم العيد كلمت على بعض الشباب وعايدتهم ولادقيت ولا سألت الله يهديك .. ولما ورجعت لتامبا ماكلمت ولا سألت ولاحتى علمتني انك غيرت الجوال ورغم هذا قلت معليش طلعت رقمك وكلمتك وتشرهت عليك بالتلفون وقلتلك خلينا نتقابل اذا فضينا .. ولما انا فضيت بعد يومين من الاتصال كلمتك وانت قلتلي طالع مع واحد من الشباب برا تامبا وقلتلك اذا رجعت كلمني خلينا نتقابل .. وقلتلي طيب ..


    وسحبت علي لين يوم الحفل وهو اول مره نتقابل من بعد سفرك لسعوديه ومع ذلك ماقلتلك شي واللتمست لك العذر وجيتك انا وسلمت عليك وقعدنا نضحك وبعدين سحبت على جنب وجلسنا نسولف حتى برا القاعه ولتذكير انت كنت تتكلم عن وزنك كيف زاد بالسعوديه .



    يعني بالله يا ابو الطيبه الحين مين الي قصر مع الثاني ؟؟ ومين بالاخير الي تكلم بظهر الثاني ؟؟ ومين الي حرص على الثاني بافعاله ؟؟

    ومع ذلك جيتك هنا بالمنتدى وماكلمتك وجهت كلامي للاخ تركي وقلت استغرب ان ابو الطيبه يدخل النادي السعودي بالموضوع ويقول يسود الوجه ( لانها كلمه كبيره )

    مع العلم اذا انت زعلان مني مالك حق تقول ان النادي السعودي يسود الوجه .. يا اخي انت تغلط بهذي الكلمه على ناس مالهم اي ذنب بالي انت تتكلم عنه ومنهم ناس هم اخوانك وزملائك .. وحتى لو فرضنا فيه تقصير من النادي بسبب شخص معين هل ينقال انه يسود الوجه ؟؟ هل يصح اني اقول ان ابو الطيبه يسود الوجه لانه مدحلي سياره وهو بنفسه جربها ولما اشتريتها ما تقعد معي شهر الا ومدخلها الورشه ؟؟ عشان شي واحد انسى كل شي واعتبره شي سيئ واسود ؟؟

    لا يا اخي هذا غلط ومايصح ..


    وعن طريقة خدمات الناس .. انت تقول انت حاط رقمك هنا وتقصد اننا حنا مانتعاون هنا مع الناس.. يا حبيب قلبي يا ابو الطيبه انت ماتبي احد يقرب من المنتدى وصارت اكثر من مره وانا لي تجربه سابقه معك ولما كنت اكتب وارد على الناس واتعاون معه بدون سابق انذار هاجمتني مع العلم ماجيتك ولاكلمتك وبالاخير غلطت على ولما عرفت مين انا مسحت كل شي .. واكيد انك ملاحظ اني من وقتها ماكتبت والسبب ما ابي اكدر خاطرك لان هذا المكان هو مجالك وانا تاركه لك ..

    واذا صار النادي رسمي بكل اموره راح تلقا شخص مسؤل عن التواصل .. لاتنسى ان النادي جديد


    والحين نجي لكلامك اللبيب بالاشاره يفهم على قولتك .. الدليل الي انت مستند عليه ماله اي دخل بالموضوع .. ومايصح نفسر الامور بالطريقه الي تعجبنا ..

    " أَوْلَى لَكَ فَأَوْلَى *ثُمَّ أَوْلَى لَكَ فَأَوْلَى "

    هو تعبير اصطلاحي، يتضمن التهديد والوعيد. ومعناها: قاربك ما تكره، فاحذره. وهو مأخوذٌ من الوَلِيِّ، وهو القرب.
    وفي ( زاد المسير ) لابن الجوزيِّ:”قال ابن قتيبة: هو تهديد ووعيد. وقال الزجاج: العرب تقول: أولى لفلان، إذا دعت عليه بالمكروه، ومعناه: وَلِيَكَ المكروه، يا أبا جهل ! “.
    وقال الكرماني في ( أسرار التكرار ):”فإن قوله:" أَوْلَى "تامٌّ في الذمِّ، بدليل قوله:" فَأَوْلَى لَهُمْ "(محمد: 20)، فإن جمهور المفسرين ذهبوا إلى أنه للتهديد؛ وإنما كرَّرها؛ لأن المعنى: أولى لك الموت، فأولى لك العذاب في القبر، ثم أولى لك أهوال يوم القيامة، وأولى لك عذاب النار، نعوذ بالله من شرها “.

    قوله تعالى:" أولى لك فأولى * ثم أولى لك فأولى"
    قال قتادة :
    "اقبل ابو جهل بن هشام يتبختر، فأخذ النبي صلى الله عليه وسلم بيده فقال: " أولى لك فأولى * ثم أولى لك فأولى" . فقال : ما تستطيع انت ولا ربك لي شيئاً، اني لأعز من بين جبليها. فلما كان يوم بدر اشرف على المسلمين فقال: لا يعبد الله بعد هذا اليوم ابداً. فضرب الله عنقه، وقتله شر قتلة " . وقيل: معناه: الويل لك.



    ومع ذلك ابرد على نقطتك لاني فاهم الي انت تقصده وهو ان خدمت الناس اولى من اهلك .. وارد عليك بقوله صلى الله عليه وسلم (خيركم خيركم لاهله وانا خيركم لاهلي )


    عن أم المؤمنين عائشة -رضي الله تعالى عنها- قالت: قال رسول الله صلى الله عليه وسلم: خيركم خيركم لأهله وأنا خيركم لأهلي أخرجه الترمذي.


    في الحديث كمال دين الإسلام، وأنه أعطى كل ذي حق حقه، وفيه كمال خلق النبي صلى الله عليه وسلم، الذي لم تُغفله أعباء الرسالة وأمور الأمة عن رعاية أهله، وفيه أن القيام بحق الأهل من التعبد لله تعالى، أن تقوم بحق الأهل؛ لأن ذلك أولًا من الواجب الشرعي عليك.
    و أيضًا أن العناية بشأن الأهل من أسباب التوفيق الإلهي،وإذا قام به الزوج تقربًا إلى الله -تعالى- ومصدر للتزود من العلم أعانه الله -جل وعلا- على جميع شئونه، وعلى جميع حوائجه، أما إهمال البيوت وتضييع الأولاد بدعوى التفرغ للعمل أو العلم فهذا الزوج يذنب بحق أهله ويضيع الأمانة ..

    في الأخير..لنقف وقفة تدبر وتدارك لقول الشوكاني رحمه الله تعالى :عندما قال في شرح الحديث..
    ففي ذلك تنبيه على أعلى الناس رتبة في الخير وأحقهم بالاتصاف به هو من كان خير الناس لأهله فإن الأهل هم الأحق بالبِشر وحسن الخلق والإحسان وجلب النفع ودفع الضر ، فإذا كان الرجل كذلك فهو خير الناس ، وإن كان على العكس من ذلك فهو في الجانب الآخر من الشر ، وكثيراً ما يقع الناس في هذه الورطة فترى الرجل إذا لقي أهله كان أسوأ الناس أخلاقاً و أشحهم نفساً وأقلهم خيراً ، وإذا لقي غير الأهل من الأجانب لانت عريكته وانبسطت أخلاقه وجادت نفسه وكثر خيره ، ولا شك أن من كان كذلك فهو محروم التوفيق زائغ عن سواء الطريق ، نسأل الله السلامة .





    وبرغم هذا فانا اقولك انت خدماتك رائعه ولا غبار عليها لكن لاتخربها بكلامك عن نفسك يا ابو الطيبه الذكر الطيب يجيك من الناس ماتحتاج تذكر نفسك .


    مثلا يا ابو الطيبه انت تتكلم بصيغة الشخص الي ما انخدم اول ماجا .. اول ماجيت صحيح ماخدمك النادي السعودي لانه ماكان موجود بس لاتجحد حق احد لانه فيه من خدمك وجا الى باب بيتك وطق عليك الباب .. وبعمرنا ماشفنا هالرجل جاي ويتكلم ويقول انا خدمت وانا راح ابقا وماراح انسى لان هذا المفروض من الي يخدم .. الخدمه لله مو لذكرى الناس ولكلام الناس .

    وعن كلامك انك اول من يقف معي وانا لا انكر هذا الشيئ ارد عليك واقولك هل قد احتجت شي وقصرت انا معك ؟


    وانا قايلك محور نقاشي ( الكلام الكبير على قولتك ) هو كلمتك بخصوص سواد الوجه وماهي مقارنات بينا وبين غيرنا .. يا ابو طيبه اذكر كلامي معك قبل ماتسافر وانا اخوك .. انت احياننا تعصب وتزعل من شي وتهاجم العالم بكلامك وبكذا تخسرهم وهذا مثال على كلامي هاجمت النادي لسبب او سببين تخص اشخاص معينين وظلمت البقيه بكلامك وفوق هذا شوهت سمعت مجمعه عشان شي واحد .. يعني بالله لما احد يقرا كلمة يسودون الوجه وين بيروح باله ؟ وش الاشياء الي بينظرها عن هالناس الي تتعاون بهالنادي ؟؟

    هذا مايجوز وانت عارف هالشي .




    بالاخير بعد هذا الكلام الطويل كل الي اتمناه منك انك تطول بالك وحاول تاخذ الامور بهدوء ومهما شفت شي ماعجبك استر على الناس وحاول تصلحه بينك وبينهم .. انت كم مره تزعل وتقول كلمه وتخسر فيه ناس انت نفسك تستغرب ليش زعلوا وابسط سبب انك ضميتهم بكلمه مالهم ذنب فيها .. ولاتظن انك ماتغلط اكيد انك تغلط لان كل البشر يغلطون لكن ما قد جا احد وكتب عنك هنا ومثال على ذلك انا ماكتبت هنا الا عشان ارد على نقطه في كلامك ولاقبل كذا مخلي الموضوع بينا انا وانت ولاقلت لاحد شي .


    ابو الطيبه كمل طيبتك وخدماتك الرائعه بهدوئك وحلاوة لسانك ... "ولو كنت فظًّا غليظ القلب لانفضوا من حولك " .


    تحياتي للجميع وخصوصا اخوي ابو الطيبه وجعل البسمه ماتفارق وجهك ابد.
    7 "
  7. يبدو ان الرساله ما وصلت ؟؟؟؟؟؟؟؟؟ نعيد نفس الرد
    كلام كثير على الفاضي

    محور النقاش؟؟؟؟؟؟؟
    كلام كبييييييييير
    لكن للاسف كثر الكلام ما نفع احد !؟
    لكن للاسف كثر الكلام ما نفع احد !؟
    لكن للاسف كثر الكلام ما نفع احد !؟
    لكن للاسف كثر الكلام ما نفع احد !؟
    اما عني فانا ذكرى خالده في اذهان الطلاب باذن الله و يكفيني استقبال اهالي الطلاب لي في السعوديه وقت ما رجعت في رمضان و هذا بفضل الله لانهم عرفوا اني رجعت للسعوديه عن طريق هذا الموقع الموثق فيه رقم جوالي السعودي اللي حطيته عشان لا يضيع علي اجر باذن الله و انا بعيد و عشان لا يتعب احد في غربته او يحس انه رايح بلد ما فيها احد يخدمه و يساعده او على الاقل يوجهه .و الاخ هو اللي يحرص على اخوه بافعاله ماهو باكلام و انت اخر من يتكلم عن عن الافعال لانك تذكر انت ايش اللي سويته معي بيض الله وجهك قدام الناس يوم الحفل الله يسامحك و اتمنى انك ما تبرر هذي كمان لانك لو راجعت نفسك راح تعرف و ما في داعي لكثر الكلام بهالموضوع لان الكلام فيه راح يكثر .
    الترفيه عن العوائل ؟ كلام صحيح لكن ربنا قال ( اولى لك فاولى ) فمن المفترض ان اللبيب بالاشاره و الرجال افعال لا اقوال .
    الطلاب يا أخي الفاضل ( اقول اخي الفاضل لانك اعلم الناس انك لو احتجت احد و الله لا يحيجك الا لوجهه الكريم راح تلقاني اول الواقفين بجنبك) محتاجه من يساعدها اول ما توصل مثل ما انت كنت اول ما وصلت و المفروض دام النادي الطلابي عارف ان كل الطلاب اللي بيجوا لتامبا بيتواصلوا في هالموقع يفيدوهم عن طريقه او على الاقل يحطوا ارقامهم و ايميلاتهم عشان يفيدوا الطلاب اول ما يوصلوا اذا كان امر الطلاب فعلا يهمهم يعني في الوقت اللي هم محتاجين احد يرشدهم و هذا سبب وجود نادي طلابي و بعدها يرفهوا عنهم و عن عوائلهم بالطريقه اللي الله يوفقهم فيها لان الطالب اكثر ما يحتاج ان يكون في حماية اخوانه هو وقت وصوله لمطار هذي البلد و متى ما لقى احد يعلمه وين يروح و ايش يسوي راح تحلى مرارة الغربه و تهون عليه لان الانطباع الاول و انك تحس ان لك احد تستند عليه في بلد مالك فيها اهل هو الاهم لانه طول العمر ما راح ينسى هالتجربه و العكس صحيح .
    ان كان علي فانا تاذيت من هالغربه من وقت ما وصلت و تمنيت ان يكون في نادي طلابي يبيض الوجه في ذاك الوقت يساعدني لكن الحمد لله انا اساعد الناس بفضل من الله لاني ما ابيهم يطيحوا في اللي انا طحت فيه اول ما وصلت و مشوار رساله بدأتها منذ وصولي ما راح انهيها الا لما يامر الله مهما كثرت الاكاذيب عن افعالي اللي اقوم بها بامر الله و جزاك الله كل خير على كلامك اللي بين السطور و الله يسامح كل من اخطاء في حقي و قال عني كلام بغير وجه حق و الله وحده العالم بالنيه من ورا هالكلام و انت اعلم الناس هالكلام من اللي بدأه و من وين بداء

    و لازلت كما انا اللي يحتاجني انا تحت امره من المطار الى ان يتم الله عليه بفضله

    أخوكم : ملك الطيبه

    ( و ارجع اقول اللبيب بالاشاره )

    انا لا انكر فضل الرجل اللي ساعدني بعد 15 يوم في الفندق و هذا الرجل هو صاحب شخص عزيز لكن و بين قوسين (15) يعني انا ذقت اللوعه يا سيد
    اما عن جيتك لبيتي يوم سفري عشان تسلم علي فانا اذكر انك دقيت عشان تضارب معي و انا عديتها و قلتلك اني مسافر و دليل اني احترمتك هو اني لغيت كل التعليقات بينما تعليقاتك لا زالت موجوده و كل واحد يعمل باصله و ترى ارجع اقول النادي الطلابي يسود الوجه لان عندي ما و من يثبت العمولات اللي يتم الاتفاق عليها من ورا خدمة الطلاب يا ..... الحبيب
    و كبير على راس نادي كل من فيه الا من رحم ربي بيحاول يستفيد من ورا الطلاب و من طرق اخرى . و كل شئ موثق بالاشخاص من و الى.
    7 "
  8. ههههههههههههههههههههههههه والله ما ادري من الي يكثر كلام وماعنده رد على الموضوع ؟؟

    عموما يالبيب ياحبيب لاتكثر من ( انا ) فالناس تتعوذ بالله منها وان الله قدرك ورديت على كلامي كملنا .. غير كذا فانت تكثر من الكلام على قولتك وما راح اشبهك بالنساء لاني اتعامل باصلي .
    7 "
3 من 7 صفحة 3 من 7 ... 234 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.