الأعضاء الإشتراك و التسجيل

الملتقيات
ADs

احتاج معلومات عن ولاية Weston,MA 02493

احتاج معلومات عن ولاية Weston,MA 02493


NOTICE

تنبيه: هذا الموضوع قديم. تم طرحه قبل 2607 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية زينب عبدالكريم
    زينب عبدالكريم

    مبتعث جديد New Member

    زينب عبدالكريم السعودية

    زينب عبدالكريم , أنثى. مبتعث جديد New Member. من السعودية , مبتعث فى السعودية , تخصصى تمريض , بجامعة جامعة الملك سعود
    • جامعة الملك سعود
    • تمريض
    • أنثى
    • القطيف, لسه
    • السعودية
    • Jun 2010
    المزيدl

    November 30th, 2010, 09:44 PM

    السلام عليكم ورحمة الله وبركاته
    احتاج معلومات عن ولاية :

    Weston,MA 02493

    كيف هي المعيشة فيها والغلاء؟
    نسبة السعوديين؟
    الامان فيها وتوفر الخدمات؟
    السكن ؟
    وكيف هي الدراسة فيها والجامعات؟
    وخاصة معهد TALK intrenational at Regis College?
    وشكرا
  2. [COLOR="Purple"]اهلين اختي زينب انا زييك انقبلت بنفس المعهد اللي انتي فيه على فكره انا بنت وداخله على عضويه زوجي
    والله ياحبيبتي انا اللي سمعت انها غاليه الولايه ككل لكن المديه نفسها مدري؟؟
    وبعد اللي اعرف انه للاسف ضاحيه يعني قريه صغيره وقريت انها مافي سكن للاجار يعني تظطرين تسكنين بولايه جمبها وكذا مثل بوسطن وغيرها والسكن ببوسطن من 2000 دولار وفوق يعني انا اشوفه مره اوفر
    اما بالنسبه للمعهد والله دخلت على موقعهم شكله حليل بس مدري كتبت موضوع هنا عنه ابي معلومات ماحد افادني ابي كيف مستواه وكذا تخبرين
    وغير كذا قلقانه سمعت انه يقولون انه مكتب تجسير جايب قبولات بعضها معاهد موقوفه مدري عن صحه ذا الكلام ولا اني عارفه كيف اعرف هذي المعلومه
    بالنسبه لللامان يقولو انها من امن المدن على الاطلاق عموما كل ولايه ماسايشو ستس يمدحوها والله الولاهي بس مشكلتها انها غالـــــــــــيه كثير وهذا عيبها يقولو من اغلى مدن العالم ويقولون اذا تعتمدين على المكافئه ماتكفي انا بالنسبه لي اشوفها مشكله
    اما الخدمات ماعتقد ويستون فيها خدمات بس المدن اللي جمبها فيها خدمات وانا اللي شفت تراها متطوره
    لكن ويستوون لااسف نوووو مافيها الا اشجار وكم بيت انا دخلت عليها وتمشيت بشوارعها من خلال قوقل ايرث
    وش بعد بقولك
    اممممممممم
    ايه صح
    فانا لما شفتها كذا قمت وكلبت تحويل لولايه اوهايو وللحين ماجانا اي رد وبصراحه خفت لما حولو القبولات للملحقيه خايفه انا تخربطنا لاحنا اللي هنا ولا حنا اللي هناك ولاحتى حجزنا موعد بالسفاره
    والله يستر بس ويسهلها
    بالنسبه لدراستي تبداء ب23-5
    مدري انتي مثلي اولا؟؟
    هذي المعلومات اللي عندي
    واتمنى اذا عندك معلومات تفيديني والف شكر
    تحيااااتي يمكن تصيرين صاحبتي اذا ماحولوني*_^
    7 "
  3. ايه ونسيت لارد بالنسبه للجامعات فيها اقوى جامعه على الاطلاق جامعه هارفرد وجامعتها يقولو حلوووو
    ااما السعوديين والله شكلي مافي الا حنا ماشوف احد يتكلم عنها وكل ماسالت طنشوووني <<فيس يصيح
    احسها مهجوره
    والله ارتفعت معنوياتي يوم شفتك
    7 "
  4. اممم امممم
    اقلها احد رد علي
    اخيتي انا موعد بداية الدراسة هناك تاريخ 21-3يعني مابقى شي
    انا خايفة صراحة وبقوة من مشكلة الغلاء وابغى احاول اغير الولاية بنفس الوقت خايفة ماادري وش يصير لاني مسجلة موعد بالسفارة
    وكيف اروح المقابلة وماعندي اي توني
    وكيف يعني لما طلبتي تغيير الولاية حولوكم للملحقية كيف عرفتوا انكم تحولتوا للملحقية؟
    ترى انا توه واصلني قبول المعهد امس
    تتوقعي يطول لو بطلب تغيير الولاية لين يجيني القبول؟
    تعبت نفسيا احس
    صحيح سؤال خيتوو انتي وش تخصصك؟
    لان انا تخصصي تمريض وبكمل ماستر ان شاءالله
    ترى انا مفكرة في اوهايو
    بس وش المعهد اللي انتي اخترتيه للدراسة ومعترف من الوزارة؟
    وشكرا لش دعمش وردش(:
    والله ييسر ويسهل امورنا
    7 "
  5. السلام عليكم
    اختي انا ما اقدر افيدك كثير بس اتمنى هالموقع يفيدك
    انا الموقع هذا اعتمد عليه وهو يعمل احصائيات عن جميع مدن وولايات امريكا
    انتي بس حطي اسم الدينه وجنبه اسم اولايه نفس ما انتي كاتبه Weston,MA

    تحطينه في مكان البحث وراح يبحث ويطلعلك كل شي عن المدينه
    الصحه , الغلاء المعيشي , نسبة الجرائم , الجامعات , التنقل ( باصات والا سيارات ملك والا تاكسي ) وحتى نسبة الاطباء بالمدينه , ونسبة البيض والسمر من الناس .. والكثيير
    طبعا كل هذا كيف تقارنينه بالباقي .. لانهم يحطون نسبة المدينه والمعدل ( الافرج ) حق امريكا ككل
    وانتي شوفي الجامعات او المعاهد الي تجبك وشوفي عنوانها وين وحطي اسم الدينه وشوف ايش وضعها

    بالنسبه للمدينه الي اني كاتبتها كل شي فيها حلو .. الامان والجامعات والتنقل و... و.. و كلها اشوفها ممتازه
    عدا شي واحد صدمني .. الا وهوو الغلاااااء .. غير طبيعي .. جداً غاليه
    يعني هذا عيبها ..


    بالنسبه للقبول وتقولين ما يمدي تجيبي قبول ثاني قبل الفيزا
    ترا اذا اخذتي الفيزا على معهد معين لاااااازم تروحين عليه .. اقصد تدخلين امريكا بالـ I-20 حق المعهد هذا وبعدين تروحين للمعهد وتقولين ابغى احول ويسوولنك ترانسفير على الي تبين

    بالتوفيق يارب
    7 "
  6. عزيزتي الأخت :
    كنت تبحث عن معلومات عن ماساتشوستس ويستون.
    أنا طبيب أسنان يقيم في ولاية ماساشوستس ، وأود أن أبلغكم أن ستون هي مدينة للأثرياء جدا فقط مع عدم وجود مكان للطلاب حتى لو كنت الأميرة.
    من جهة أخرى في مدينة بوسطن لديها الكثير لتقدمه ، والعديد من الجامعات موجودة في بوسطن وحولها.
    نفقات المعيشة في جميع أنحاء بوسطن أقل تكلفة ويمكنك استئجار غرفة نوم واحدة لأقل من ألف.
    يرجى الاتصال يوسف موقع المسجد.
    أو الاتصال بي في azezadental@hotmail.com
    لمعرفة أي نوع من التخصص الذي تبحث عنه.
    7 "
  7. هلا والله فيك
    والله انا مدري هم حولونا للملحقيه او لا بس امس كاتبين بالمنتدى انه مكتب تجسير مرسل رسايل لاكثر الاشخاص على انها تحولت الملفات للملحقيه عاد مدري والله انا ماوصلني
    بالنسبه للتحويل والله اني مدري قدمت ولي تقريبا 5 ايام مقدمه تحويل ولافي حس ولاخبر والمشكله ماحجزنا مود بالسفاره
    وبالنسبه للمعهد انا ماحددت بس طلبت الولايه وسمعت ان كل معاهدها حلوووه
    وتخصصي اقتصاد منزلي عام وبكمل ماستر ان شالله تغذيه علاجيه
    ويقولون ان التحويل يستغرق اسبوعين على بال مايبدلون الولايه وانا والله مدري عن صحه هالكلام برضو
    والعفو ماسويت شي المشكله اللي عندك عندي الله يسهل امورنا يارب
    تحياتي
    7 "
  8. السلام عليكم
    انا تخصصي تمريض انقبلت بنفس الولاية ونفس المعهد
    والله يستر من تجسير تاللي رامينا بولاية الاثرياء هذه

    الولاية مره غاليه على ماسمعت ومدري شلون اغير الولاية
    لاني قدمت عالفيزا ودفعت رسومها ورسوم السيفيس
    ووصلني الاي توني حقي
    والدوام يبددأ 13 مارس
    يعني مابقى شي
    شلون اغر الولاية بتتخربط كل الامور والاي توني بيتغير وكل شي لازم يتغير
    وانا وضعي المادي يادوب يمشيني والله يستر
    قالولي تقدري تغيري من الملحقية لكن للحين ماصادفت احد غير من الملحقية

    والله مره خايفة ومرتبكة ومو حاسة ان كل شي تمام ومتشائمة

    وللاسف سويت موعد ب 20 ديسمبر بالسفارة بالرياض
    ولو علي ابي اغير الولاية الحين بس احد يسعفنا

    والله يقولوا كل شي بها الولاة غالي خاصة السكن موت


    والحل ؟؟؟ والله حرام يرمونا ولا يدرون وش ظروفنا المادية

    ارسلت ايميل لتجسير ولا عبروني حتى

    هذا والله ولي التوفيق
    7 "
  9. هنا برضو جايه ارد عليك لاتشكي لك ابكي لك
    لانه على اساس حنا مدخلنا على البنوووك الحمدلله والشكر مايقدرو ظروف الطلبه صراحه
    انا والله مافهم بامور الفيزا ذي
    لكن بصراحه انا طلبت تحويل من الولايه لاوهايو لان موعد دارستي بشهر 5 ميلادي
    وطبعا مسجات متعدده ماحد اعطاني فيس
    الا ابشرك امس ردو وقالو اختاري مدينه من مدن اوهايو وعلى الله تتكمل الاجراءات واخلص لاني ماحجزت للحين موعد بالسفاره استنى ننتهي من ذي الخربطه لاحول ولا قوه الا بالله
    بالنسبه للسبب اللي خلاني اهج منها هي ارتفاع اسعار السكن وانا بصراحه ماقدر عليها
    بس انا قريت ممكن اذا رحتي هناك وجلستي مده تقريبا على ماعتقد 3 شهور بس تاكدي من المعلومه ممكن تحولين من الولايه وتذكرين لهم الاسباب والسبب ترى مقنع جدااا لاتخافين
    انا اخاف تغيرين شي وانتي حاجزه موعد بالسفاره علشان كذ انا اقول من وجه نظري ةالشي راجع لك استني وروحي وشوفي الوضع هناك وبعدها يحق لك التغيير
    وترى الولايه حلوووه جدا بس عيبها الغلاء
    وبعدين قبل كل شي تسوينه استخيري والله يدبرك على الصالح
    تحياتي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.