دليل مبسط للطلبة الجدد في Virginia

سلام عليكم اخ ماجد الله يعطيك العافيه وماتقصر ... بس حبيت اعرف انت تدرس في اي جامعه بالضبط في فرجينيا لاني افكر اني انقل الى فرجينيا بس الكل يقول الي انه فرجينيا غاليه ويمكن المكافاه ماراح تكفي هناك

هلا والله اخوي . انا بجامعه virginia commonwealth university

بس لا يا اخوي المكافات تكفي باذن الله ، من فتره للثانيه بتحتاج مبلغ بسيط من اهلك

بس اغلب الوقت تكفي .. كنا عايشين ب 1300 دولار الان 1840 شهريا

اسعار الولايه حلوة انا اشوفها !

اخوي وين هي اقرب ملحقيه من فرجينيا انا رايح علا حسابي بس حبيت اعرف كيف ادم عليها من هيناك

هلا ماجد ,,,,,
كيفك حبيبي عندي كم سؤال عنDC ارجو انك تتقبلها بصدر رحب,
1-انا تخصصي قانون وناوي ادرس في DC كان عندك كم معلومةعن الجامعات هناك اكون لك من الشاكرين
2-كيف DC معاك سمعت انها ممله
3-كيف معهد جامعة جورج تاون لاني ادرس فيه وكيف الدورم حقهم لاني ناوي اسكن فيه
4-كيفك مع البرد
شكرا جزيلا,,,,,,,,,,,,

السلام عليكم

جزاك الله كل خيـــر اخوي على مساعدتك للطلاب

اخوي لا هنت
هل هنــــاك جامعات في فيرجينيا تعادل دبلوم الكليه التقنيه ...؟

وكم اسعــار السكن مع عائلة ... لاني بطلع على حسابي باذن الله
ويهمني امر المصــاريف .. يعني حاط في بالي 700 للسكن مع عائلة و 1800 للمعهد
هل الاقي بهذا السعر او اقل منه ...؟

وكم المصاريف المتوقعه للاكل والشرب والمواصلات شهريا ...

بارك الله فيك

هلا اخوي .. ترى ما عندنا الا ملحقيه وحده في امريكا موجوده في واشنطن دي سي

حاليا يبنون موقع جديد لها بفرجينيا بس ما اعرف ويييين بالضبط !

هلا والله اخوي

1) والله يا خوي كل الجامعات تتطلب منك التوفل او الايلتس وبما انك قانون لازم تختبر وتعدي ال LSAT !
2) حراااااااااام عليك اخوي ، والله حلوة دي سي ولة مليت منها تقدر تطلع نيويورك .. تبعد عنك 4 ساعات
3) والله المعهد ما ادري عنه !! اما من ناحية الدورم ,, انا اشجع انك تسكن فيه بس حط حدود للي بيسكن معك . انشاءالله يطلع محترم ، لان في بعضهم يسرقون من اغراضك ووو. بس من ناحية لغه راح تستفيد ! والله يعينك على موضوع دورات المياه المشتركه للطابق كامل. بس بعض الجامعات تكون لكل غرفه دوره مياه خاصه فيها ، ما ادري عن جامعتك!
4) والله البرد احلى شي !! انا من عشاااااااااااق التزلج.

العفو حبيبي اتمنى ان اجاباتي اعطتك فكره مبسطه علن اللي تبحث عنه

هلا بك اخوي ، والله سؤال جديد علي حبييبي. ما عندي فكره لان اغلب اللي يجوني يكونوا خريجين ثانوي او بكالوريوس. بس اخوي اتوقع انها صعبه ، لان اعرف واحد من الشباب جاي وعنده 78 ساعه ما عادلوا له الا 35 ساعه بس !

اما بالنسبه للسكن مع عائلة 700 كثير حبيبي ، العوائل اسعارهم من 350 الى 500 !! ما في امل تزيد عن ال 500
المعهد اللي ادرس فيه تكاليفه $1,800 << تكاليف السيشن الواحد شهرين
------
$4,418 << التكاليف المطلوب تواجدها في رصيد البنك

المواصلات يعتمد هل راح تكون عندك سياره ولا لا .. ويعتمد وين تسكن بالنسبه للجامعه
اما من ناحية الاكل ، اذا صرت تشتري مقاضي بدل ما تطلع كل يوم تاكل برا
انا ساكن مع واحد غيري وندفع شهريا 200 دولار مقاضي البيت كامله ,, بس انت لا تنسى انك ساكن مع عائله يعني ما راح تصرف على مقاضي واكل اكثر من 80 دولار شهريا لانك بتاكل مع العائله . يعني كل ما بين فتره والثانيه تشتري عصيرات ولا اكل انت تحبه.

ما قلت لي اخوي وين ناوي تدرس ؟

اتمنى اكون افدتك يا حلو
وبالتوفيق

يعطيــك العافيه اخوي وما قصرت

في البدايه انا كنت حاط عيني على ولايه جورجيا في مدينة ستيس برو
والمعهد كان تابع للجامعه والسيشن الواحد 14 اسبوع بـ 3100 دولار

لكن لما استشرت واحد من اخوياي .. ما نصحني بالمعهد بسبب ان السيشن طوله 3 شهور ونص تقريبا
قلت خليني اشوف فيرجينا ... وللحين ما حددت وين بفرجينيا لاني ما ادري عنها شي ..
عشــان كدا ابي مســاعدتك واستشارتك ولك مني دعوه في ظهر الغيب

وبصراحه .. اعرف اثنين ..في امريكا وكلهم نازلين فيني تحطيم
الاول يقول ترا البلد غاليه جدا وانه صرف حق 200 الف الى ما انضم
ومسأله الصرف ما تهمني لاني ان شاء الله اقدر اتحكم فيها
لكن اللي يهمني ... امر المعادله ...
الثاني وهو نفس وضعي يقول انا مالقيت احد يعادل وانهم نصابين .. بينما كلام الاعضاء اللي بالمنتدى غير .
فيه منهم اللي يقول انه عادل وفيه اللي يقول انه لقى وباقي ما عادل ..

انا مخلص 84 ساعه ... ولو لقيت جامعه تعادل 30 بقول خير وبركه ...

طيب اخوي .. فيــه مكاتب عندكم تساعدني على جلب قبول اللغه والجامعه ... وتساعدني في مسأله المعادله ..؟

لان بصراحه انت ذكرت ان سكن العائله لايتعدى 500 دولار ... وانا شايف انه مبلغ لقطه على قولهم ...

الله يوفقك اخوي وين ما كنت ويريح خاطرك ..

هلا اخوي .. على كلامك التحكم بالصرف يختلف من ضخص لشخص
اما بالنسبه للممعادله ، يا ريت لو تقدر ترسل لي على ايميلي نسخه من شهادتك بالانجليزي وانا ممكن اسال جامعتنا اشوف كم راح يعادلون لك
بس عشان اعطيك فكره . اما سكن العائلة اعرف ناس كثير ساكنين ب 400 دولار
بس وين تلاقي عائلة ، انا مدري
وما في مكاتب حبيبي انت تخل على مواقعهم وتعبي الابليكيشن وهم يردون عليك

والله يوفقك اخوي
ايميلي
majed@saudiusa.com