تكفون يا اهل جورجيـــــــــا ...الفزعه

بسم الله الرحمن الرحيم







اخواني اعضاء المنتدى الافاضل , السلام عليكم ورحمة الله وبركاته ...وبعد طبعا هذا الموضوع قد نزلته في قسم الطلاب الي يدرسون على حسابهم الخاص ومافي احد رد علي نهائيا فيعني من خلال بحثي عن تخصصي لقيته في جامعة Georgia State University



والجامعه ذي ما اعرف عنها ولاشي ولاعن الولايه فتكفون افيدوني باللي يطلع معاكم ....



انا ياشباب درست في فرع جامعة ( لوماليندا ) الامريكيه الي فالرياض ..وتخصصي (اخصائي علاج تنفس)

(Respiratory Therapy)


والجامعه معترف فيها من التعليم العالي وكمان التخصص مطلوب ونادر , وخلصت تقريبا 92 ساعه تقريبا..


بس طفشوني ,, وماقدرت اكمل فيها , وكل يوم سالفه الله لايوفقهم .. وضيعت فيها 4 سنوات بس كذا هباءا منثورا


بس الشيء الوحيد الي اخذته منهم السجل الاكاديمي بس ... والحمدلله الله وفقني وطلعت لامريكا طبعا مثلي مثل اي


طالب ما اعطاه التعليم العالي ( وجه ) وطلع عن طريق مكتب .. وعلى طاري المكتب ,, الله يوفق صاحب


المكتب وين ماراح ... فعندي كم استفسار ابغى احد يسعفني وتكفون خويكم لاتخلوووونه ..,, مع العلم انا الان فاتح


ملف بالملحقيه وجاني الرقم ,, وجالس ادرس حاليا في معهد ( geos) في تورانس ..في لوس انجلوس .. كليفورنيا







والي ابغاه منكم لاهنتوا :



" اذا تعرفون شيء عن فقره رقم (1) اكون ممنون "


1- جامعات بولاية كليفورنيا غير لوماليندا تدرس نفس التخصص بنفس الولايه واذا ما كانت بنفس

الولايه حواليها ..لان الولايه قمه في الروعه واجوائها خيال ( مع انها غاليه مررره) بس المنطقه

تعتبر الاروع في امريكا وياليت لو تكون في لوس انجلوس لانها المنطقه الي انا ساكن فيها حاليا.




2- كيف اراسل الجامعه اذا وجدت انشالله , وش اسهل الطرق , وكيف ارسل لهم السجل الاكاديمي!

لان الملحقيه قالوا لي اذا الجامعه قبلتني كمان التعليم العالي راح يقبلني كطالب اكاديمي

ويضموني على طول ..




3- اختبرت التوفل قبل كذا وجبت درجه مره نازله واذكر انها بين (29 الى 39 ) بس والله ماني

فاكرها , بس السؤال هل انا مطالب اني اختبره مره ثانيه.. ولا ايش الحل ...

4- معهد لغه تابع لنفس الجامعه , واحصل على قبول الجامعه المشروط .

وعندي والله استفسارات كثيره بس هاذي حاليا الاهم عندي وتكفوووون لاتبخلون علي..





وشاكر لكم مقدما ...