رد: ابي مطوع يرقي اخي الرقيه الشرعيه بفلوريدا تكفووون الفزعه
نسأل الله سبحانه وتعالى ان يعجل لكم
بالفرج ويشفي مريضكم
رد: ابي مطوع يرقي اخي الرقيه الشرعيه بفلوريدا تكفووون الفزعه
اسأل الله العظيم رب العرش العظيم يشفي اخوك وجميع مرضى المسلمين
ويرفع مابكم من بلاء عاااجل قريب انه مجيب الدعااااء
والله اشتد البلاء والخطب ولاحول ولاقوة الا بالله العلي العظيم
وتذكري انك لست الوحيدة انتي واهلك 0خلق الانسان في كبد0
فالدنياااا دار امتحاااان وهم ومصااائب لايقدر على رفعهاااا الا رب السموات والارض
اذااا اخوك كما ذكرتي من مشاااهدة اشياء غير مرئية فلابد مع القرآن الكريم علاج لان ايماننا وتوكلنا على الله ضعيف ومقصرين في حق رب السموات والارض
فالرسول صلى الله عليه وسلم عندما سحر من قبل اليهود كان يتهئ له امور يفعلها وهو لم يفعلهاااا فداها ابي وامي ونفسي
اذا تعرفين احد رايح لاامريكا اوانتي بنفسك تواصلي مع مكتب الشيخ سالم الحقوي(اكتبي اسمه في قوقل ) يرسلون لك علاج وبمشيئة الله الي عينه ماتنام يشفي الله اخوك ولايمر اسبوعين الا وهو متعافي يااااااااااااااااااااااااااااااااااااااااااااااااا اااااااااااااااااااااااااااااااارب
والشيخ مرخص له معالجة المرضى من قبل هيئة كبار العلماء (الشيخ /ال الشيخ)
واذا لم تجدي راقي في مدينتك ارقي اخوك بنفسك وانفثي عليه (لازم عملية النفث علشان تحيط ذرات الرقية بالهالة المحيطة بجسمه وكثير يعااانون من هذا البلاء )
ولاتنسوناااااا من صااالح الدعااااء
رد: ابي مطوع يرقي اخي الرقيه الشرعيه بفلوريدا تكفووون الفزعه
الله يرفع عنه و يشفيه
فيه امام مسجد في مدينة تامبا , رجل فاضل اسمه " رعد "
روحوا له و و ان شاء الله يساعدكم
رد: ابي مطوع يرقي اخي الرقيه الشرعيه بفلوريدا تكفووون الفزعه
أختي ، ما أحد ينكر أهمية قراءة القرآن والأذكار والمداومه عليها
وأنكم تكونون حوله وتطمنونه دائماً بأنه بخير وراح يتعافى بأقرب وقت
وكمان لازم تبلغون المؤسسة التعليمية اللي يدرس فيها علشان يعطونه إجازة مؤقتة ولا يضيع تعبه في الدراسة
لكن الحالة اللي ذكرتيها تستدعي طبيب نفسي ضروري وعاجل
لا تكونين سبب في أن الحالة تتفاقم عليه .. صدقيني لازم يروح لطبيب يشخص حالته قبل ماتتدهور أكثر
لأن الأعراض اللي قلتيها مشابهه لحالة قد درستها بس ما أبغى أشخص وانا مو متخصصة في هالمجال
بعدين مو دايم يكون العلاج بالأدوية .. أحيانا جلسات علاجية بس
وحتى لو كانت أدوية فهي ماراح توصف له من دون معرفة أو خبرة
الحالة النفسية هي أكثر شيء في الإنسان يتأثر بالسفر والغربة !
حالة أخوك تستدعي طبيب نفسي ، ولما أقول كذا مو معناته أنه مجنون او فيه حالة نفسية دائمة ..
عادي ، كثير ناس مع السفر والغربة وظروف ضغط شديدة ..
تجيهم حالة مؤقتة مثل هاذي ويتعالجون منها ويطيبون الحمد لله
ألا هل بلغت ؟ اللهم فأشهد _
رد: ابي مطوع يرقي اخي الرقيه الشرعيه بفلوريدا تكفووون الفزعه
السلام عليكم ورحمه الله وبركاته
استمريت على تشغيل سوره البقره 3 ايام وبعدها نطق اخوي وقال يتلاعبون بالسحر وسويت له خلطه الحازمي ودهنته الوالده وبعدها اتضح قدامنا كل شي وتكلم اللي فيه وقررنا نوديه السعوديه والدراسه لاحق عليها لو يكملها هناك كنا نعتقد بأنه مس وعلاجه بسيط ويالله الله يبلاء من بلاه ويعينه ويعطيه الصحه والعافيه ويكتب له الاجر
ورحلتنا بكره وياليت اللي عنده خبره في اجراءات السفر لاخوي هو فيزته منتهيه لها حدود ال 5 سنين ومجدد جوازه يعني مافيه فيزا وجوازه القديم عنده افيدوني بهالنقطه فيه اجراءات نسويها قبل نطلع من امريكا رحلتنا من واشنطن للدوحه للسعوديه
الله يعطيكم العافيه ويرزقكم ويوفقكم على وقفتكم وجعلها الله في ميزان حسناتكم
الف شكر لكم
رد: ابي مطوع يرقي اخي الرقيه الشرعيه بفلوريدا تكفووون الفزعه
لاحول ولاقوة الا بالله العلي العظيم الله يرفع مابكم من بلاء وحسبنا الله ونعم الوكيل على كل من يضمر الشر بالمسلمين
اللهم نحن عبادك الضعفاااء ولالنا حول ولاقوة الابك سبحانك
اللهم ان من عبادك من يمكرون بنا مكر الليل والنهاار وبالدين والوطن
اللهم امكر بهم فانت خير الماكرين واللهم اقصمهم ياااقاااصم الجبااابرة واللهم ارنااااا فيهم عجااائب قدرتك
واحفظناااا اللهم من بين ايدينا ومن خلفنااااا وعن ايمانينا وشمائلناااا واعوذ بعظمتك ان نغتااال من تحتنااااا
اللهم واشفي جميع مرضى المسلمين والمسلماااات ياااحي ياااااقيوم برحمتك نستغيث فلاتكلنا لانفسناااا طرفة عين ولااقل من ذلك
اختي الكريمة اذا فيه امكانية اخوك يتعالج عندكم وتتواصلي مع الشيخ عن طريق موقعه افضل بدل الحوسه حقت تفتيش المطااار ومشكلة الجواز المنتهي لانه ماعندي خلفية عن العقوبة المترتبة من عدم وجود فيزا فلا فضل لاخوك في حالته المرضية يكون معكم
والله يهديكم كان جدد الفيزا في وقتها وراسلي الملحقية عشان يعطونك خبر ولاتروحوا المطار الا لما تعرفي الاجراءات المترتبه عليكم
واستخروا الله والله يكتب لكم مافيه الخير
موفقين
رد: ابي مطوع يرقي اخي الرقيه الشرعيه بفلوريدا تكفووون الفزعه
الله يشفيه إن شاء الله
اختي إذا جبتوه على السعوديه فيه شيخ في القصيم سمعته طيبه وقرائته ممتااااااازه أسمه العضيبي في محافظة المذنب يقرى في الأول على الموجودين عنده بعدين يقرى واحد واحد،، ولو كنتي من الرياض ترى له جلسات هناك،،
خذوه لمه وترى يعطيكم زيت زيتون ومويه مقري عليها كلها لوجه الله وما ياخذ شي
رد: ابي مطوع يرقي اخي الرقيه الشرعيه بفلوريدا تكفووون الفزعه
بسم الله الرحمن الرحيم.
أول شي أختي الله يشافي أخوك ويعافيه، وتأكدي قبل كل شيء إن أي شي يصير للإنسان فهذا من قضاء الله وقدره والغاية منها الرضى والتمسك بالله أكثر.
ثاني شي أنا أعرف إثنين أخوان مرت بهم حالة مشابهة للي عندك.وهم للآن مبتعثين، وكان يتصلون على المبتعثين اللي هنا يبكون ويسألون، لأن الوضع في الغربة يختلف عن السعودية. هنا المس والسحر شيء غريب للأمريكان. فبيكون صعب شوي الرقية وغيرها. فتقريبًا أنا أعرف معاناتك معرفة تامة. أسأل الله لأخوك الشفاء، وشفاء باقي صدور المؤمنين.
صدقيني الدواء الأول والأخير هو الثقة بالله وإن المس والعين والسحر ماهي الا ضرب من ضروب الابتلاء، يمتحن الله فيها المسلم لتثبيت إيمانه وإختبار صبره.
ثالثًا أحب أنبهك إن رقية الشيخ السدحان هي اللي كانوا يستعملونها هالاخوان. وكانوا يشغلونها بإستمرار وتأثيرها كان قوي بإذن الله. لأن الرقية كلها ماهي الا كلام الله وقرانه، فلو قراه السدحان أو قراه أخوك مارح تفرق. اللي يفرق اليقين التام بان الله هو القادر على كل شيء.
[ame=http://www.youtube.com/watch?v=BEOel-YJt3w&feature=related]YouTube - ‫الرقية الشرعية للدكتور عبدالله السدحان‬‎[/ame]
رابعًا: لازم تتأكدين هل أخوك مُصاب بالمس، وعشان تتأكدين شغلي الرقية لفترة طويلة، ممكن ساعتين أو ساعة ونص. وحاولي تكون الرقية قبل النوم وبصوت عالي. إذا إختلف وتلبسه اللي فيه فهذا يعني انه مريض -شافاه الله-.
وشفاء المس هو التيقن ان الله سيكفينا شرهم وهو السميع العليم.
العلاج مارح يكون بيوم او يومين. لازم فترة حتى يتعود المريض على الاختلاف ويقدر يتحكم في نفسه وهو مختلف.
من علامات الشفاء ضعف المس وتحريقه بالرقية الشرعية.
تأكدي أختي إن الله أنزل القران لنا شفاء ورحمة. فلازم نستعيذ بالله من كل شيء سيء. لاتنسون الرقية تشغلونها كل يوم و أذكار الصباح والمساء.
بحمدالله ناس كثير يطيبون لمن يرقون نفوسهم. مافي داعي للخوف لان الساكن المريض ماهو الا روح تُحرق وتُعذب بكلام الله.
إذا ما إختلف من ساعتين أو ثلاث ساعتين فهذا يعني شيئين:
يا إنه مريض نفسي زي ما بلغونا الاخوان.
أو إن اللي فيه يبي له زيادة وتكثيف في الرقية لحد ما يختلف أخوك.
أنا مرة آسف على هالشي صراحة واسال له الشفاء بإذن الله ثم بفعالية الرقية هذي. صدقيني هذي الرقية قوية جدًا.
مع الوقت حاولوا تنفثون عليه ماء مقري لان هالشي يساعده في استنطاق اللي داخله ومحاولة إخراجه.
أخيرًا: إذا كان ربي مقدر عليه بالشفاء. فأهم شي إن المس يطلع من أرجوله، إصبع رجله الصغير. هذا أهم شي. لايطلع من عيونه أو أي مكان ثاني. من رجله بس.
إذا تبين أي إستفسار أو مساعدة . أرجوك لاتحرمينا الأجر!
شكرًا
مُبتعث!
رد: ابي مطوع يرقي اخي الرقيه الشرعيه بفلوريدا تكفووون الفزعه
اختي لاتعاندي انصحك نصيحة ودية لطبيب نفسي ابن خالتي كان زي حالت اخوكي كان بس يودونة يرقون عليه وتجاهلو الجانب النفسي القران طيب والقراة كويسة بس ترى الاهمال يؤدي الى ان يتحول المرض لمزمن المهم زوج خالتي وخالتي اهملو ولدهم كان يعاني من نوبات بكاء ويشوف حيوانات ويضحك وبعض الاحيان يتخيل ويسرح كثير بعد مرور السنوات وطبعا تدهور حالتة الصحية والدراسية استسلمو وودوة لطبيب نفسي بس بعد اية قال الدكتور المرض مستفحل في ابنكم وراح يعيش عالادوية طول حياتة لان صار هناك نقص وعدم توازن في كيمياء الدماغ لان كل الي نصاب به من اكتئاب وحزن وامراض نفسية مرتبطة بكيمياء الدماغ اتمنى تودونة طبيب نفسي يستخدم علاج ويتركة بعد فترة لاتتعدى 6 شهور يحددها الدكتور بدال مايروح الوقت وتتدهور دراستة وتزيد حالتة لاتتجاهلو ابسط الاعراض اتمنى لاخوك الشفاء وربي يساعدكم انشالله الله معكم
رد: ابي مطوع يرقي اخي الرقيه الشرعيه بفلوريدا تكفووون الفزعه
الله يشفيه ويشفي جميع المسلمين
زي ما قالو الاخوان الافضل يقرا عليه او تقرون عليه انتم كل يوم
والله يشفيه ويسهل امره ويتخرج