الأعضاء الإشتراك و التسجيل

الملتقيات
ADs

مساعدة انا رحلتي من سان دييغو الي واشـنطن ثم الي جده بس ماعندي لغه وخايف شوي

مساعدة انا رحلتي من سان دييغو الي واشـنطن ثم الي جده بس ماعندي لغه وخايف شوي


NOTICE

تنبيه: هذا الموضوع قديم. تم طرحه قبل 2520 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية t-ksa
    t-ksa

    مبتعث جديد New Member

    t-ksa الولايات المتحدة الأمريكية

    t-ksa , ذكر. مبتعث جديد New Member. من الولايات المتحدة الأمريكية , مبتعث فى الولايات المتحدة الأمريكية , تخصصى مرافق , بجامعة لايوجد
    • لايوجد
    • مرافق
    • ذكر
    • سان دييغو, كليفورنيا
    • الولايات المتحدة الأمريكية
    • Oct 2010
    المزيدl

    January 25th, 2011, 05:41 AM

    السلام عليكم

    انا رحلتي من سان دييغو الي واشنطن ثم الي جده بس ماعندي لغه وخايف شوي

    ياليت احد يقدر يفيديني كيف اتصرف بالمطار لان رايح بالاول على نيويورك وبعدين على واشنطن وبعدين على جده

    ابي اعرف كيف اتصرف في مطار نيويورك ومطار واشنطن
  2. المشاركة الأصلية كتبت بواسطة t-ksa
    السلام عليكم

    انا رحلتي من سان دييغو الي واشنطن ثم الي جده بس ماعندي لغه وخايف شوي

    ياليت احد يقدر يفيديني كيف اتصرف بالمطار لان رايح بالاول على نيويورك وبعدين على واشنطن وبعدين على جده

    ابي اعرف كيف اتصرف في مطار نيويورك ومطار واشنطن
    اخي الكريم ,, اهم شي في كل المطارات تعرف فين البوابه حقتك GATE

    و انت بإتجاهها ,, تخلي تذكرتك و جوازك في أمان و في نفس الوقت سهل انك تلقاهم و تطلعهم لما تحتاجهم ,,


    عفشك ,, اول شي حتسويه انك ما تقفل الشنط بقفل ,,,
    ثانيا ,, حاول ما تخلي فيها ممتلكات ثمينه ,,
    ثالثا,, كمان اذا عندك لابتوب ,, خليك حريص انك تمسح البرامج و الافلام الغير قانوني وجودها عندك ,, يعني زي الافلام اللي التحميل و البرامج المسروقه ,, و زي كده ,, بالذاااااات لو انك حتشيله في يدك و حتطلعه في الطياره , و انا انصحك انه تحطه في العفش (الشنط الكبيره)
    بالنسبه للشنطه اللي في يدك ,, حاول ما يكون فيها سوائل بأحجام كبييره ,,, معادن كبيره ممكن تلفت النظر ,, و ما يكون في جيبك اكتر من 10000 $ ,,

    في المطار , حاول انك ما تلفت النظر بكثره دخولك و خروجك من المطار ,,
    سمعت حكايه انه مره واحد و زوجته كانو مسافرين ,, لما جا وقت دخول الطياره ,, الزوجه دخلت عادي و هو لآ
    هو مسكوه و فتشوه تفتيش شخصي و دقيق ,, لما ما لقيو معاه شي ,, سألهم ,, ليش انا و زوجتي لآ
    قالو له , عشان انت دخلت و خرجت 4 مرات من المطار خلال فتره انتظارك ,, قالهم عشان انا أدخن ,,
    المهم , انها اجراءات أمنيه و عاديه ,, لكن انت حاول تتجنبها برضو,, لأنها حتربكك ,, بالذات انك اول مره تسافر ,, بس الين تتعود على الموضوع ,,

    و ايااااااك اخي الكريم تغفل و تنسى( او اي شي من هذا القبيل )انك تعرض اي مبلغ مالي على الموظفين ,, مره مصيبه عظيمه ,, ارجوك جدا انتبه لهذه النقطه ,, مره كانت اختي مسافره ,, و اشترت شي من المطار ,,, و اخدت الباقي و حطته في الشنطه حقت الجوازات ,, كانت 5 دولار بس ,, لكن اتفاجأت انه الـ5 $ كانت داخل الجواز ,, و اللي اكتشفتها السيده الشرطيه اللي تشييك عند نقطه الجوازات ,,, جدا جدا زعلت و غضبت و كادت تدفن اختي حيه ,, و مره صار تعاملها مع اهلي جاف و سيئ ,, و اختي و لله الحمد اعتذرت وقتها و شرحت بكلمتين و سكتت الشرطيه ,,

    و الله يسامح من يقول و يمزح حتى في امر زي دا ,, والله انه امر جاد لا هواده فيه ,,



    و ان شاء الله مهونه ,,, و تروح و ترجع بالسلامه ,, و اذكرك اخي الكريم بدعاء السفر و الاستغفار ,, و الدعاء خلال السفر ,, دعاء المسافر مستجاب ,,

    اخي الكريم , اسفه على الاجابه المطوله ,, لكن ان شاء الله تعالى اذا اتبعت نصائحي ,, تتجنب الشكك و المسائله.. و تسافر مرتاح البال ,, يكفيك التوتر حق اول مره سفر و كمان حق الحرص على التذكره و الجواز ..

    شي تاني جدا جدا مهم ,,انتبه من تاريخ انتهاء الجواز و الفيزا ,, و خليك حافظ تاريخ ميلادك زي اسمك ,, و كمان عنوانك في امريكا ,, ما في مانع تكتبهم و تحطهم في شنطه الجوازات ,, و بالنسبه لشنطه الجوازات ,, انصحك تكون شنطه مستقله,, لها جيوب متفرقه عشان تخصص شي للجواز ,, التذاكر ,, فكه مثلا اذا احتجت شي ,, بطاقتك الشخصيه ,, بس اجراءات احتياطيه ,, لكن ما ظنك تحتاجها ,,, و افضل تكون الشنطه صغيره و بحبل عشان تشيلها على كتفك ,, و لا تكثر عفشك في يدك ,, عشان برضو تريح بالك ,,

    و تمشي مع الناس الين توصل الــ GATE حقت رحلتك ,,, لا تنسى تشييك على رقم البوابه و الطياره تقلع متى و متجهه الى اي مدينه ,, عشان تتأكد انها رحلتك ,, وكمان تشيك على الناس اللي معاك ,, اكيد تلقى لك كم سعودي ,, واذا لآ ,, ممكن تسأل احد الركاب اللي في الانتظار معك ,,

    الله يوفقك في الدارين ,,,

    و دعواتك ,,

    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.