اولا , الف مبروك الابتعاث , اسأل الله ان يوفقك و يسهل امرك و يبارك لك فيك ,,
ثانيا , لا تنتظر اي شي يجيك لحدك من الملحقيه ,, انت تراسل و تعقب و تطلب و يالله يالله تنقضي شغلتك ,
يعني, تبغى تعرف انك جاتك بعثه و لا لآ ,, من خلال متابعتك للمعاملتك من موقع الوزارة ,
تبغى الضمان المالي , راسل المشرف و أكد عليه اهميه سرعه الحصول عليه ,, و مع كده اعطيهم اسبوع لأنه المشرف ما يعطيك الضمان الا لما يوقعه الملحق او مساعده ,,
حتى مستحقاتك و تعويضاتك ,, مره يبغى لك نفس طويل عشان تحصل عليها ,, ابغى احكيك عن موقفي حصل معايا , عشان تتأكد انه مو مبالغه ,, طلبت التعويض حقي اللي استحقه كوني كنت مرافقه و صرت مبتعثه ,,, جلست اسبوع و عليها وانا معلقه مع وحده قالو لي انها المسؤله ,, راسلتها و لا ترد عليا ,بعدها راسلت الملحق بشكوى انها تطنشني ,, والله ردت علي ثاني يوم على طول و قالت انا ما عندي معاملتك عشان اتابعها , يعني قعدت قرابه اسبوعين استنى منها رد , في الاخير طلع ماعندها معاملتي , كان المفروض ترد من اول هذا الرد , مو بعد اسبوعين , اهم شي اخي الكريم انك تتابع اشغالك , لا تستنى احد يقولك ايش طلباتك ,,
و انصحك انه افضل لك ترسل ايميل للأي احد في الملحقيه عشان تعرف مين مشرفك و الله يسهل امرك ,, احيانا السنترال يقولك مين مشرفك , اذا سألتهم ,
----------------------------------------
بالنسبه للهوتميل ,, اظنه يا اخي الكريم انه العطل من الهوتميل نفسه ,, انا و اخواتي نفس الشي , مو قادرين ندخل لا ايميل و لا مسن ,, و لا حتى قادره اغير الباسورد حقي , اذا افترضنا اني نسيته ,
شكل المشكله من الموقع نفسه مو من شبكه السكن عندك ,
انصحك تسوي ايميل جديد في gmail او ياهو ,, لانه تحتاجه للتواصل مع الملحقيه ,
الله يوفقك و اتمنى انه يكون كلامي ما يحبطك و يكون تشاؤمي ,, لكن الملحقيه فيها الخدوم و الفاهم و فيها غير كده ,, يارب يسخرلك الطيب فيهم ,,
Nemo-Rofy February 4th, 2011, 04:57 PM
7 "
February 3rd, 2011, 05:56 AM
ياشباب انا عندي 3 مشاكل او ثلاث استفسارات وان شاء الله اجد الحل عندكم .
الأولى : انا من فضل الله صدر قرار ابتعاثي لكن المشكله ( من يوم طلعت من السعوديه الى امريكا ودخل اسمي في السستم وبعدها صدر قرار الأبتعاث ماارسلو لي ولا رساله على الأيميل ) يعني هذا شي عادي ؟ ولا يخبروني برساله الف مبروك تم الحاقك لدرجة انهم مارسلو لي رقم الصادر . يعني هل يرسلولي فقط اذا تم تعيين مشرفه لي فقط ؟
الثانيه : لي اسبوع من صدور قرار ابتعاثي ولا ارسلوا لي الظمان المالي والمعهد معطيني مهله الى 8 فبراير يعني بعد 6 ايام ياأسدد ولا يطردوني .
الثالثه : انا ساكن في الدورم (سكن الجامعه ) والهوتميل مايشتغل كل شي يشتغل السكايبي والياهو وو.... الا الهوتميل وانا عندي الف شغله في الهوتميل ولازم ادخل عليه مدري اذا احد يعرف الحل ( على فكره انا اعرف الطريقه اللي اخش على الهوتميل عن طريق قوقل بس الطريقه هذا ماهي زينه ابغا ادخل بالطريقه العاديه ) .
في انتظاركم .
والله يوفقنا وياكم جميع .
تحياتي .